Ditzionàriu in línia
de sa limba e de sa cultura sarda

sciarodhéri , agt, nm Definitzione nau de ccn., chi est amantiosu de su sciarodhu, chi istat de una festa a s'àtera Sinònimos e contràrios festajolu, festàrgiu, festulanu, scialeri Terminologia iscientìfica ntl Ètimu srd.

sciaródhu , nm Definitzione tréulu mannu o briga, ma fintzes isciolóriu, isciala, festa / totu custu sciarodhu!…, gei no fut nudha su sciarodhu!… = totu custu illériu!…, bi aiat cosa meda, a tropu.

sciarrancadúra , nf Definitzione sa faina de sciarrancai is macarrones, s'efetu de su sciarrancai Ètimu srd.

sciarrancài , vrb Definitzione passare is macarrones fatos a manu (malloredhos) in istrégiu de fenu po dhis fàere una genia de errigas, de no abbarrare lisos; fintzes aungare, iscarrafiare.

sciarràni sarràgna

sciarrocàda , nf: isciarrocada*, sciorrocada Definitzione su isciorrocai, distrúere totu, orrúere, betare o calare a terra de mala manera, pentzau mescamente coment'e movimentu; surra de cropos; tzàcurru mannu (es. de tronu) Sinònimos e contràrios ilbarriada, irzarriada Frases chi mi torras a atacai candu seu in prucissioni ti giau una sciorrocada de gruxi a conca! ◊ custu merí de ierru stramudiu calat cun sciorrocadas de àcua ◊ chi no nci andais si giau una sciarrocada de fusti! ◊ ch'istentat ancora dhi giau una sciarrocada de ferru de prenciai! 2. at fatu una sciarrocada de arrisu Tradutziones Frantzesu effondrement, écroulement Ingresu discharge Ispagnolu derrumbamiento, descarga Italianu scàrica Tedescu Entladung, Hagel.

sciarrocài , vrb: isciarrocai*, sciorrocai Definitzione nau prus che àteru de fràigos, muros o àteru deasi, betare o orrúere a terra, distrúere totu cun fragassu e tzàcurru mannu Sinònimos e contràrios destrui, idarrocai, ifàghere, irrainare, isconciare, scioscionai / derrúere, iscalabrare, isciusciai, istrossare / betare, fuliai, imbolare Frases cun sa gherra nd'ant sciorrocau una citadi de fundu de arréxini ◊ ndi sciarrocaus totus a terra, de su letu ◊ ndi ant sciorrocau su muru de Berlinu ◊ candu fiat cabau cudhu lampu nd'iat sciarrocau su campanibi ◊ suat su bentu e ndi sciorrocat totu sa domu 2. intendat comenti proit: est torrendi a sciarrocai bèni! ◊ su celu ndi fiat sciarrochendi àcua de si ndi ammachiai ◊ chi no mi pigat a pobidha mi nci sciorrocu a funtana! ◊ sciorrocu una butíglia de àcua, ma s'ollu fritedhat peus! Tradutziones Frantzesu effondrer, écrouler, démolir Ingresu to demolish Ispagnolu derrumbar Italianu crollare, diroccare Tedescu zusammenstürzen.

sciarrocaméntu , nm Definitzione su isciarrocai Sinònimos e contràrios irdorrocadura Frases s'isbandonu at portau sciarrocamentu a is murus e a sa crabetura de sa cresiedha Ètimu srd.

sciarrócu , nm: isciarrocu, sciorrocu Definitzione su isciarrocai, betare a terra, nau de cosas mannas (domo, muru), o orrúere totu de mala manera, mescamente sa moida manna o tzàcurru chi si faet betandho a terra cosas deasi o iscopiandho calecuna cosa (es. mina); cosa sciorrocada, su chi abbarrat de un'òpera distruta / pròiri a sciorrocu = a strossa, de bírridu Sinònimos e contràrios destrossa, isdobbiada, isolocu, sderrocu / smuroni / arruinali Frases a comporai cussa cosa fait sciorrocu in su portafógliu! 2. sa temporada nd'est arribbada a sciorrocu ◊ no dhus intendis prus a cida santa is sciorrocus in crésia ◊ s'intendit sciorrocu de màchina ◊ su sciorrocu de unu tronu at incuriosiu su pipiu ◊ acant'a sa spéndula s'intendit su sciorrocu de s'àcua ◊ si est inténdiu su sciarrocu de sa mina 3. is domus bècias funt unu sciorrocu (G.Mura) Tradutziones Frantzesu écroulement, fracas Ingresu downfall, loud noise Ispagnolu derrumbamiento, fragor Italianu cròllo, fragóre Tedescu Einsturz, Knall.

sciàsca , nf Definitzione fasca po pipios piticos, panníciu Sinònimos e contràrios benda, fasca*, fascada, fasciola Frases is sciascas dhas ponint a is pipius de nascidroxu.

sciasciadúra , nf Definitzione su sciasciai / còiri a sciasciadura = a irfaghidura, bene meda (che a totu is cosas de bonu cotu) Sinònimos e contràrios irfaghidura Ètimu srd.

sciasciài, sciasciàri , vrb: isciasciai* Definitzione fàere sa cosa a crantos ma coment'e a crepadura, a istrecadura, a orrughedhos piticos e a farinos Sinònimos e contràrios destrui, idarrocai, ifàghere, ifasciare, isciusciai, isconciare, isordulare, sculai Frases sa cosa tropu cota si sciàsciat ◊ is messajus marrant sas terra po sciasciai e iscirinai sa léura ◊ cussu est cument'a una cubidina: chi arruit si sciàsciat! ◊ chi pigu una pedra ti sciàsciu! ◊ tenit su carru totu sciasciau ◊ su lióngiu de is mànigas si sciàsciat in s'argiola Tradutziones Frantzesu écraser, briser, mettre en pièces Ingresu to shatter Ispagnolu romper, destrozar Italianu sfasciare Tedescu zerbrechen, zertrümmern.

sciasciàu , pps, agt Definitzione de sciasciai; chi est totu bogau de pare Sinònimos e contràrios iscónciu, isorduladu, sciusciau 2. carru sciasciau torrat a dèpiri su chi at pagau! Tradutziones Frantzesu brisé Ingresu smashed Ispagnolu destrozado Italianu sfasciato Tedescu zerbrochen, zertrümmert.

sciàscinu , nm Definitzione cosa chi si faet po no pitzigare a fatúgios, coment'e meighina Frases una meixina po sa timoria fut su sciàscinu:poniant sa pressona a lumburari tres vias, alluiant un'istiàrica e si dha passànt a ingíriu narandhodhi is pregantus Ètimu ltn. *ex fascinus.

sciascionài , vrb Definitzione isconciare, distrúere Sinònimos e contràrios isciasciai, isciusciai, sciuscionai Frases sciascionandi cuss'arrogu de muru, innantis chi ndi arruat! Ètimu srd.

sciàsciu , nm: [scià-sciu] Definitzione su sciasciai, su distrúere totu Sinònimos e contràrios arruinu, desacatu Frases eis biu totu su sciàsciu chi ant fatu is Tedescus in custa guerra? ◊ eus a intendi su sciàsciu: sàbudu dhus depint interrogai in tribbunali ◊ it'est su sciàsciu chi as fatu andendi a su buju a cicai cosa? ◊ agabbadha, deghinou sutzedit caincunu sciàsciu mannu! ◊ candu at a sutzedi totu su sciàsciu de sa fini de su mundu? Ètimu srd. Tradutziones Frantzesu destruction Ingresu ruin Ispagnolu destrucción, ruina Italianu distruzióne, rovina Tedescu Zerstörung, Zerfall.

sciàscu , nm: ciasca* Definitzione fàere una cosa a s. = a brulla Sinònimos e contràrios befa, bischíglia, brúglia, ciacota, ciascaria.

sciasolài , vrb: sfasolai Definitzione nàrrere isciolórios Sinònimos e contràrios scassolai, sciolloriai Ètimu srd.

sciasolaméntu , nm Sinònimos e contràrios iscasciolu Ètimu srd.

sciàtica , nf: (sci-à-ti-ca) seàtica seàtiga, siàtica, siàtiga Definitzione maladia chi benit a dolore forte tra s'ischina (a oru de is errigos) e su lumbu, in su tretu prus in artu de sa nàdiga ue dolet su nérbiu Sinònimos e contràrios carruca Terminologia iscientìfica mld Tradutziones Frantzesu sciatique Ingresu sciatica Ispagnolu ciática Italianu sciàtica Tedescu Ischias.