A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

tragàda , nf Definitzione de tragai, de tragai 1 Sinònimos e contràrios portada / ingullida Ètimu srd.

tragadíta tracatíta

tragadítzu , agt Definitzione chi faet a dhu pigare a tragu, aifatu (es. is vallígias de como).

tragadòlza , nf: tragadorza, tragadroxa, tragadroxu Definitzione crispione, nae manna e arrasposa prus che àteru de ogiastu de passare in sa terra arada po carragiare su sèmene, o fintzes po ingòllere cosa, càrrigu a tragu (e fintzes fata de ferru grussu); pedra manna longa chi si tragat in s'argiola po pistare su laore treulandho Sinònimos e contràrios tragu 1, traxu 2. su sede in s'arzola faet mullones mannos e sas tragadorzas in comintzu tródhulant che code in oru de mare Ètimu srd. Tradutziones Frantzesu traîneau Ingresu sledge Ispagnolu narria, rastra Italianu tréggia Tedescu Schlitten.

tragadòre, tragadòri , agt, nm: tragaroi Definitzione chi o chie tragat, serbit a tragare, a portare a tragu / nastru tragadori = genia de fasca larga, forte, móvia a motore, po carrare cosa, carrigare Sinònimos e contràrios tranguadori, trazadore Frases in sa navi ant postu su nastru tragadori po nci artziai is balígias ◊ s'undha tragadora cheret timida Sambenados e Provèrbios prb: arriu mudu, tragadori Ètimu srd. Tradutziones Frantzesu transporteur Ingresu dragger, carrier Ispagnolu que arrastra Italianu trascinatóre, trasportatóre Tedescu Schlepper, Transporteur.

tragadòrza, tragadròxa, tragadróxu tragadòlza

tragadúra , nf Definitzione su tragare, tragai 1 Sinònimos e contràrios trazadura, trazamentu, trisinadura Ètimu srd.

tragagiài, tragagiàre , vrb: tragagliai, tragallai, traghillai Definitzione nàrrere calliones, cosas chi no funt, bogare fogu a un'àteru, nàrrere male de ccn.; fintzes pigare coment'e a tragu, betare a fuliadura Sinònimos e contràrios afusare, arrallai, fusigare, mulmutare / allimbare, foghigiai, imposturai, innorare, irfamiare / tragai Frases po dónnia mancantziedha de is àterus luegus seus prontus a dhus tragallai ◊ chini tragallat is àturus no ballit nudha in su trabballu! ◊ totus narant e tragallant de s'unu e de s'àteru! ◊ no ti ant a pintai che fémina de contu, ca totu sa bidha ti at a tragagiai ◊ cantas male tragagianno e ofennenno! ◊ gei ti curret in gana tragagianno a dognunu! 2. sa barchixedha, tragallada de sa frusa de is undhas, immoi s'ispariat, immoi ndi torràt a apillai ◊ s'istrasura iat traghillau sa navi: fut impossíbbili arresisti a sa frusa de su bentu Ètimu ctl. atracallar Tradutziones Frantzesu dénigrer, calomnier, médire Ingresu to defame Ispagnolu denigrar, desacreditar Italianu denigrare, calunniare, diffamare, malignare Tedescu verleumden, klatschen.

tragàgiu , nm: tragàgliu, tragallu Definitzione bodheta, crítiga, cosa chi si narat a s'afaiu a innóriu de un'àteru Sinònimos e contràrios aferritadura, allimbamentu, sfamamentu Frases si nosu s'istorraus, in bidha nascit tragallu ◊ cussas boxis contras de tui est tragallu de cussa fraitza! ◊ dèu no mi prengu de tragallus: dhus lassu nai! ◊ no t'intristis po is tragallus de sa genti! ◊ e ita mi nd'importat de is tragàgius de sa genti?! ◊ donniunu faiat is tragàgios: si fut bellu o malu, meda o pagu ◊ po no dha portai in buca de tragallu, a monti no andàt mai sola Ètimu srd. Tradutziones Frantzesu dénigrement, médisance Ingresu denigration Ispagnolu maledicencia Italianu denigrazióne, maldicènza Tedescu Verleumdung.

tragagliài tragagiài

tragàgliu tragàgiu

tragagòrgios , nm Sinònimos e contràrios régula 1, réula, traigógiu Frases su tragagòrgios est un'ispíritu chi essit a denote trisinandho una pedhe de animale Ètimu srd.

tragài , vrb: tragare Definitzione pigare a tragu, a tira / fai su traga traga (giogu) = andhare illascinadho cicios Sinònimos e contràrios batire, carrare, tranguai, trazare, trogonai Maneras de nàrrere csn: tragare a crastu, a pedra = iscúdere a crastu; tragare fogu = tzacare, pònnere o apuntai fogu; tragai is cambas caminendi = caminare a pelea Frases sa note che tragat su die ◊ no ti fatzas tragai: movidí! ◊ is carrus tragànt linnàmini e craboni de carriai in su trenu ◊ mi lassamu tragai de sa curiosidadi ◊ is piciocas iant tragau giarra a cofas ◊ su tiau nci dh'at tragau a s'inferru ◊ chi dhoi andat su babbu ndi dha tragat peri a tira! ◊ cudhos iscrapones fuint diasi mannos chi no dhos podiat tragare ◊ su binzarzu dh'ant presu cun sagones e tragau a bidha tira tira ◊ si ch'est andhau de domo tragandhosi unu matzucu a ifatu Ètimu ltn. *trahicare Tradutziones Frantzesu tirer, traîner Ingresu to pull, to tow, to drag Ispagnolu arrastrar Italianu tirare, trainare, trascinare Tedescu ziehen, schleppen.

tragài 1 , vrb: tragare 1 Definitzione betare a corpus, ingurtire cosa de papare o de bufare; giare dispraxere, tragos, fàere pigare tzacu meda Sinònimos e contràrios ingollire 1, ingúllere, ingurti, tragutzare Frases est traghendi píndulas isceti ◊ su binu si che l'at tragadu totu isse ◊ est traghèndheche a suspiros su recatu ◊ no si agatat in logu, che candho si che l'apat tragadu su terrinu ◊ est unu sónniu chi su putu de sas illusiones che cheret tragare (L.Brozzu)◊ sa meighina teniat sabore malu e no resessiat a che la tragare ◊ pato e trago fele 2. e proite mi bochis e mi tragas? Ètimu spn. Tradutziones Frantzesu avaler Ingresu to bolt Ispagnolu tragar Italianu trangugiare, ingerire Tedescu verschlucken.

tragalladòri , nm, agt Sinònimos e contràrios bodheteri, tragalleri Frases tragalladora, isciat totu is pidus de bidha!◊ Cicitu dhis at postu cantzoni a is tragalladoris.

tragallài tragagiài

tragalléri , agt, nm: trogoleri Definitzione chi o chie acostumat a nàrrere male de s'àteru, naendho cosas chi no funt, bogandhodhi fogu Sinònimos e contràrios afusadore, afuseri, bestivocos, fogoronarzu, limbimalu, mintapare, missimpari Frases fiat felosa e tragallera sèmpiri ponendi impari sa genti e treulendi is bixinaus! Terminologia iscientìfica ntl Ètimu srd. Tradutziones Frantzesu dénigreur, calomniateur Ingresu defamatory, defamer Ispagnolu calumniador Italianu denigratóre, calunniatóre Tedescu Verleumder.

tragallósu , agt Definitzione chi tragallat, chi innóriat, ponet male de s'àteru Sinònimos e contràrios tragalleri Ètimu srd. Tradutziones Frantzesu dénigrant Ingresu slanderous Ispagnolu denigrante Italianu denigratòrio Tedescu verleumderisch.

tragàllu tragàgiu

tragambólia , nf Definitzione trassa, trampa, cosa fata po ingannu Sinònimos e contràrios tramòglia, troga Frases po guarangiai faint fintzes tragambólias.