Ditzionàriu in línia
de sa limba e de sa cultura sarda

favoriàre , vrb Synonyms e antonyms favorèssere Sentences chi Deus bos favóriat cantu bos pregades!

favoríle , nm Definition terrenu a pàsculu Synonyms e antonyms pabadili.

favoríle 1 , agt Definition chi est a favore, chi andhat in favore Synonyms e antonyms | ctr. contràriu Sentences chie est favorile a s'unu e chie est favorile a s'àteru Translations French favorable English favourable Spanish favorable Italian favorévole German günstig, für, dafür.

favoríre, favoríri , vrb Definition andhare o essire in favore, in agiudu, èssere de agiudu Synonyms e antonyms favorèssere, favoressire Sentences a pèrdere bestiàmine, a no incunzare nudha sunt cosas chi sutzedint a chie triballat in su sartu candho s'annada no li favorit Etymon itl. favorire.

fàvula fàba 1

favulàrju fabulàrzu

favúle faúle

faxinàu , agt Definition nau de cuadhu, chi giughet su pilu arbu ammesturau Translations French rubican English white-spotted horse Spanish roano, rubicán Italian rabicano German scheckig.

faxólu fasólu

faxulédhu fasolédhu

fazellàdu , pps, agt Definition de fazellare; chi est dilliriandho, pistighingiosu o pentzamentosu meda Synonyms e antonyms disatinau, pistighingiosu, schinitzosu Translations French agité, inquiet English raving, restless Spanish delirante, agitado Italian farneticante, irrequïèto German phantasierend, unruhig.

fazellàre , vrb Definition pònnere fazellu, pistighíngiu mannu Synonyms e antonyms oriolare Etymon itl.t vagellare.

fazéllu , nm Synonyms e antonyms abbalàviu, atàviu, pedighinu, pestighinzu, ischinitzu Etymon srd. Translations French agitation, tapage, bruit English restlessness, uproar Spanish inquietud, ruido Italian irrequietézza, chiasso German Unruhe, Lärm, Krach.

fazòrba , nf Definition faba giolva o silícua cràbina, genia de matedu chi no faet a mata manna, tfaet fragu pudésciu e una tega manna Synonyms e antonyms giolba, tilibba Scientific Terminology rba, Anagyris foetida Etymon srd.

fèba , nf: bela 1, vela Sentences duas febas pischendi si bint atesu atesu.

febàu fabàu

fèbi , nm: fei, fele, feli Definition genia de busciuchedha chi portat su figau e arregollet una sustàntzia birde, de matessi númene, chi si faet in su figau e serbit in is istentinas a digirire su grassu: si leat coment'e assimbígiu po totu is sabores marigosos; in cobertantza, arrennegu, tzacu chi si provat po calecuna cosa, marigosa o belle e pagu praghillosa che a su fele etotu; capacidade de su cristianu de sentire dispraxere e arrennegu po calecuna cosa trota, chi andhat male Synonyms e antonyms afuta, arrennegu, bischiza, bústica, búzara, cardedha, crocone, ele, felone, gormone, grema, malusàmbene, stacu, studugu Idioms csn: fele giagadu = fele cazadu, malu a essire (fintzas zenia de maladia chi cazat su fele); tragare fele, carriai su feli = ingullire fele, pigàrendhe fele, leàresi arrennegu, cherpu; pònnere, dare, fàghere f. = fai cherpu; èssere cun su f. in pitu ’e dentes = male arrennegadu; rànchidu che f. = marigosu meda Sentences acontzendhe un'animale, candho s'irmatat, su fele est sa prima cosa de ndhe catzare e frundhire 2. de su fele de su sero làssandhe a su manzanu! ◊ su sennori, grogànciu de bisura, de su feli si fiat furriau birdi ◊ candu dhi est passau su feli si est crocau ◊ a la bídere goi frundhida, sa cosa, mi ndhe pigat unu fele!…◊ de su fei ti ndi cabat sa boada a us'e cani arrabiau! ◊ est totu in debbadas a ti leare fele! ◊ in certus momentus mi benit de sèi a mi ndi pigai fei! Surnames and Proverbs smb: Fei, Fele / prb: chie no at fele no at conca Scientific Terminology crn Etymon ltn. fel Translations French vésicule biliaire, fiel English gall (bladder) Spanish vesícula biliar, hiel Italian cistifèllea, fièle German Gallenblase, Galle.

febósu , agt: felosu Definition nau de ccn., chi si arrennegat, chi si ndhe leat tzacu meda de is cosas chi dhi andhant a trotu, chi faet is cosas cun fele, chi est ferenandho Synonyms e antonyms arrabbiosu, arrenignosu, croconosu, felorosu, imbischigliau, infeliu, infelloniu, ragiosu, stacosu, sutzuliu Sentences s'àrgia est febosa ◊ po chi apas su pilu cambiau, tramudai no podis sa natura, chi ti at fatu felosu unu mergiani! ◊ fit su piús malu e felosu ◊ che turmentada píbera unfiadu e cun boghe felosa repitiat Scientific Terminology ntl Etymon srd. Translations French bilieux, furieux English irascible, infuriated Spanish bilioso, furioso Italian bilióso, inviperito German cholerisch, zornig.

fèche , nf: fege, feghe, fegi, fexa, fexe, fexi Definition su fundhurúgiu chi in s'istrégiu faet su binu (mescamente de primu iscupu); nau meda in cobertantza e a disprétziu, binu etotu, fintzes s'imbriagone; su ladamíngiu de istentinas Synonyms e antonyms binu / fegone, fexadori Idioms csn: conca de feghe, prenu de fexi = cola fexi, imbriagone, fegone; èssere a una feghe, a conca de feghe = imbriagu pérdiu; Pedru Feghe = su númene chi si ponet a sos imbriagones; sa fortuna de Predu Feghe…= sa peus chi dhoi potzat èssiri; predu feche = erba de cardaneras; incubai asuba de sa fexi = annúnghere pane a brou, annúnghere dannu a su dannu, peorare sas cosas Sentences depiat èssi binu bonu diaderus si feti su fragu de sa fexi mi ndi pigat is sentidus! ◊ ti ses fatu feghe chentza mancu intrare in cuba ◊ imbriagone pudéssiu, feghe portas in conca! ◊ pigadí su cafè, aici si in cropus portas ancora fexi bècia murighendi ti dh’assentat! 2. cussu si cochet a feche ◊ in s'arrogantia fint che zente atzesa de calore de feghe ◊ candho est a una feghe minetat a totugantos ◊ cussu candho est a conca de feghe arrogat e brigat ◊ tui no balis sa fexi pudéscia de is mocas mias! ◊ candho s'imbreaghiat si li faghiat sa cara che sa feghe Surnames and Proverbs prb: binu bonu fintz'a fege Etymon ltn. faece(m) Translations French lie English dregs Spanish hez, borra Italian fèccia German Hefe.

fecósu , agt, nm: fegosu Definition chi portat feghe, chi no est netu, nau de binu o àteru deasi; nau de ccn., chi o chie costumat a s'imbriagare Synonyms e antonyms fundharitzosu / fegone.