A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

abbuvulàdu , agt Definizione chi est ufrau, abbruvudhadu; nau de ccn., chi est unu pagu coment'e oféndhiu, pirmau Sinonimi e contrari ufradu / abbutzadu, acubadu, pirmatu 2. su babbu est tristu e abbuvuladu ca a sos fizos no lis abbastat ne birde e ne sicu Etimo srd.

abbuzàda , nf Definizione papada manna, de cosa meda Sinonimi e contrari abbentrada, abbrentosicada, abbrentosichedhada, abbuvudhada, afrascada, atatamacada, atatina, imporrada, irbentrada, isbuserigada Frasi ant fatu una bona abbuzada de pane carasadu, saltitza e casu cun binu cannonadu Etimo srd. Traduzioni Francese gueuleton Inglese big-feed Spagnolo atracón, panzada Italiano scorpacciata Tedesco übermäßige Esserei.

abbuzàre , vrb Definizione pònnere in sa buza: betare a bentre, papare meda; isciúndhere in calecuna cosa aintru de un’istrégiu Sinonimi e contrari abbentrare, abbentruscare, abbiscarzare, abbrentosicare, abbudhai, abbuselcare, atatamacare, imbrentai, sgagliubbai / ammodhigare 3. su prídiru ne bogat sos botighedhos de s'ozusantu, che abbuzat su pódhighe mannu a intro e dhi sinnat sos chizos Etimo srd.

abbuzàre 1 abbutzàre

abè àba 2

àbe , nf: abi, àbia, ape Definizione genia de bobboi (upm) in colore de castàngia, cun is alas, chi faet a chedha manna (pigione) siat a solu, desesi, e siat pesau e contivigiau in is casidhos po su mele, sa chera e àteros produtos; s'abe si distinghet in tres castas: abe fémina (abe maista), sa chi trebballat mescamente cricandho su druche in is frores (e punghet puru, ca portat s'agu – o puntorju àpinu – e in su casidhu podet tènnere s'impreu de sa difesa), abe mascu (abe prus matuca), bonu solu po ingendrare sa cria de s'abe reina, s'abe reina (abiera) chi faet sa cria (abrudhu) e cumandhat totu su pigione; s'abe faet a sola in buidos de matas bècias (casa), ma pruschetotu dha contivígiant in casidhos de ortigu o de linna fatos adatos po arregòllere su mele / sa cria = su fedu nou chi depit nàsciri; abe casidhera = de casidhos; iscussua = puzone de abe chi, si no si bochit s'abe reina (noa o betza, segundhu), candho naschet su puzone nou lassat su casidhu (e puzone primarju) e si fuit a fàghere un'àteru nidu Sinonimi e contrari cdh. abba Modi di dire csn: èssere che a s'abe de sos casidhos = triballantes meda; andhare che puzone de abe = abarrai sempri in movimentu; biri s'abi in celu = bídere bene meda; abe mascru (nadu in suspu de unu) = mandronatzu, chie istat ammandronadu ispetendhe chi triballent sos àteros Frasi candho s'abe punghet, cun sa puntura bi lassat sa mata ◊ sa mata che a s'abe che li falet! ◊ iscugurrau boliast de una sciurma de abis! ◊ in sos fiores bi est s'abe paschendhe totu impodhinada 2. tengu una múida a conca chi mi parit de portai una scursura de abis ◊ feminas chi si presumint in gradu: bidu conca de soldadu current che abe a su moju! (G.Ruzzone)◊ andhat che puzone de abe ◊ si betat che abe a moju ◊ mandrone, no ses che a s'abe de sos casidhos, no! Cognomi e Proverbi smb: Abi, Abis / prb: dae s'abe dulcura e salude Terminologia scientifica crp, apis mellifica Etimo ltn. ape(m) Traduzioni Francese abeille Inglese bee Spagnolo abeja Italiano ape Tedesco Biene.

abeàna , nf: abiana, apiana, apianu 1, piana Definizione mérula apiana, puzoni birdi o rúndini murinisca, genia de pigione, mannitu (cantu sa meurra), chi si papat s’abe, s’espu e àteros bobboitedhos deosi: in su gúturu est grogo, in bentre est de colore tra birde e asulu gàrrigu; in Sardigna nidat puru (in trèmenes de errios) e a logos dhi narant cocheàchina ca iscocat s'abe in is bíngias in tempus chi s'àghina est coendho Sinonimi e contrari abiàrgiu, abiarja, abioi, apiaresu, marragau, miàrgiu, pranedha Frasi sa lestra abiana faghet catza in s'abialzu Terminologia scientifica pzn, merops apiaster Etimo ltn. apiana Traduzioni Francese guêpier d’Europe Inglese european bee-eater Spagnolo abejaruco europeo Italiano mèrope Tedesco Bienenfresser.

abèdha , avb Sinonimi e contrari adhadhai, adhae, atesu, indhedha, inella, inello, inidha Frasi est locu apertu a sa bisione de sos montes de abedha (A.Satta)◊ b’at zirandhe ideas chi venint dae s’Europa e dae prus abedha (M.Columbu) Etimo ltn. ab(e)+illac.

abejài , vrb Definizione pentzare meda o èssere apedhiau a calecuna cosa (giogu, trebbalu, àteru), agiummai maniàticu Frasi ma lah ca est abejau cun cussa loredha, lah!… Traduzioni Francese se fixer Inglese to be a stickler Spagnolo tener manía Italiano avére una fissazióne Tedesco eine fixe Idee haben.

abejàu , pps, agt Definizione de abejai; chi pentzat meda a calecuna cosa (giogu, trebballu, àteru), agiummai maniàticu.

abéju , nm Sinonimi e contrari berinizu, grima, lollória, violu Etimo srd. Traduzioni Francese obsession, idée fixe Inglese obsession, fixed idea Spagnolo manía, obsesión Italiano ossessióne, idèa fissa Tedesco Obsession.

abeliadòri , agt Definizione chi istat abeliendhe, apedhandho, a boghes (nau prus che àteru de is canes) Etimo srd.

abeliài , vrb Definizione naendho de canes, apedhare, guguliare; nau de gente, betare tzérrios po dolore, dispraxere o dannu mannu (e fintzes ammachiadura); disigiare meda, forte, arrabiare Sinonimi e contrari agruguai, agruinai, aguriai, guguliare, gurruliai, orulare, zarulare / intzunchiai / abbochinare, addorojare, ilvariare / apiliare, spedhiae 2. deo no nci dha fàciu prus, soe abeliandumí: in domu funt pigandusidha contras de mimi! (G.C.Mameli) 3. at abeliau sa filla totu sa noti, mischina, cudha fémina morendisí ◊ at abeliau una fita de síndria 4. ndhe leat is ogros in sàmbene, faet iscarfe e abéliat cun s'infinitzu Terminologia scientifica bga Etimo srd. Traduzioni Francese hurler, glapir Inglese to howl Spagnolo aullar, gañir, quejarse Italiano ululare, guaire Tedesco heulen, klagen.

abeliàri , vrb Definizione pigare sonnu, dormire Sinonimi e contrari aggalenare, apisulinare, galare, ingalenare | ctr. ischidare, sbeliai Frasi si bit ca fut fadiau meda: si est abeliau sétziu etotu.

abeliàu , pps, agt Definizione de abeliai; chi no est tanti giustu de conca, chi s'est ammachiau, ammachiandhosi Sinonimi e contrari irvalioti, machilloto / ilvariadu 2. su piciocu pariat unu pegus de fera, cun is ogros tintus de sàmbani, sa carena tirada che un'abeliau, ma issa no dh'iat tímiu ◊ mellus su piriciolu po moderai sa menti abeliada de tristura! Traduzioni Francese folichon, folâtre Inglese madcap Spagnolo chiflado Italiano pazzerèllo Tedesco närrisch.

abélidu, abéliu , nm Definizione su apedhare o guguliare de is canes; foedhandho de gente, boghes de dolore; idea fissa, violu, oriolu Sinonimi e contrari agrugu, agúriu, giàngiulu, gruju, gurrúliu, órulu, zàrulu / pedine 3. ndi teneis unu de abéliu po sa binnenna!…(E.Nieddu) Terminologia scientifica bga Etimo srd. Traduzioni Francese hurlement Inglese howl Spagnolo aullido, queja Italiano ululato, guaito Tedesco Heulen, Klage.

abéliu 1 , nm Sinonimi e contrari abelleu, mania.

abelléu , nm Sinonimi e contrari abéliu 1, mania.

abèna , nf: arvena, auena, fena 1, obena, vena 1 Definizione genia de laore chi si sèmenat prus che àteru a brovendha Sinonimi e contrari saina Terminologia scientifica lrs, Avena sativa Etimo ltn. avena Traduzioni Francese avoine Inglese oats Spagnolo avena Italiano avéna Tedesco Hafer.

abendonài abbandhonàre