A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

calcadrípa , avb Definizione a c. = a muntones, a meda, a carcaborcedhu Sinonimi e contrari cagiagàgia.

calcài , vrb: acracai, calcare, carcai, carcare, cracai, cracare 1, cascare 2 Definizione ispínghere de pitzu a bàsciu, fàere pesu de pitzu, mescamente cun is peis; atripare, cúrrere aifatu a ccn. po iscúdere, mossigare e àteru, fintzes iscrocorigare, bociare in iscola Sinonimi e contrari abbarrigare, abbaticare, catigare, incalcare, ischitzare / corpare, fichire, istriulare, perseghire / iscorcorigare Modi di dire csn: cracai s'àxina = catigare sa ua a fàghere binu; cracai orbaci = iscarchiare; giogai a cracai = a su tene tene, a tènnere; cracare a boghes = abboghinare, itzerriai Frasi Turcus e Morus, che frumi calau, a cuadhu si ghetant, a isproni cracau! ◊ fut cun sa berrita cracada in faci ◊ custu est piriciou cracau me in domu ◊ no fait mancu a papai ambuàcia comenti festus una borta… chi dhus crachint in pràcia, dhus crachint! ◊ gei ndi portat de cambas po cracai, cussu curridori!… 2. chi benit s'esatori, cracadhi ferru! ◊ de diora meda est chi ti nci as cracau in cropus cussa fita manna de civraxu!…◊ crachissinci su didu in buca fintzas a sa gannarotza, ca gei dhi fait efetu! 3. a su gatixedhu, candu bandat a sui, sa mama dhu cracat, ca est istitendidhu ◊ tocat a cracai a perda sa craba, chi si nche istésiat ◊ lah ca ti cracat su sintzu, ca dhoi nd'at meda! ◊ dhoi apu agatau animalis in bíngia e dhus apu cracaus 4. is duus sirbonis ant cracau a si mossiai s'unu cun s'atru 5. cracat a boghes e artzat is manos a chelu: iat bintu su pannu! Etimo ltn. calcare Traduzioni Francese fouler, tasser Inglese to press Spagnolo pisar Italiano calcare, pigiare Tedesco treten.

calcanzíle , nm: carcangili, carcanzile, cracagnile Definizione sa parte de asegus, in is iscarpas, su giru a inghíriu de su cracàngiu, in pitzu de su tacone, s'ispronera Sinonimi e contrari bracangili / cdh. calcagnili Frasi s'óciu atentu connoschet s'imprenta de unu consumau carcanzile Etimo srd. Traduzioni Francese le derrière d'une chaussure Inglese heelside of the shoes Spagnolo talón Italiano parte posterióre della scarpa Tedesco hinterer Teil des Schuhes.

calcànzu , nm: carcàngiu, carcanzu, cracàngiu, cracanzu, crancagnu, crecàngiu, crecanzu Definizione su tretu de su pei a parte de asegus; sa parte de is iscarpas chi arresurtat asuta de su cracàngiu, prus grussa de su fundu / carcàngiu de sa manu = su tretu de sa pranta comente agabbat custa e comintzat su brussu; carcàngiu longu = una zenia de ràmine (erba) chi narant puru pei longu o cannajoni (Elytrigia repens) Sinonimi e contrari carrone / tacone, tacu 1 Modi di dire csn: setzirisí asuba de is carcàngius = apispirinàresi; su carcàngiu de is ferrus = ue intrant sos pódhighes in sas fórtighes Frasi cartzones bene fatos…: una cambera che li falaiat a sos carcanzos, s'àtera no li cuguzaiat sos cambutzos! 2. segandi un'arrogu, de pasta, su chi podis trebballai cun su cracàngiu! Cognomi e Proverbi smb: Calcangiu, Carcangiu Terminologia scientifica crn Etimo ltn. calcaneum Traduzioni Francese talon Inglese heel Spagnolo talón Italiano calcagno Tedesco Ferse.

calcaràdhu cacaràdhu

calcaràre , vrb: carcarare, carcariare, cascarare, cracalai, cracaliai, cracariai Definizione fàere cra! cra!, su cantare chi faent is pudhas, is crobos; fàere cascasina? Sinonimi e contrari agrogostiare, cacariare, carcagliare, cocolae, cracaciai, iscrocolliare Frasi sas pudhas sunt calcarendhe ◊ sas pudhas sunt totu bichendhe e cascarendhe a murmutinu ◊ sas pudhas si ponzeint a carcarare pariat pissighíndhelas su matzone ◊ ite faghides in cue, a cascarare che ranas ispetanne s'abba? 2. candho càscarat calchi pudhighina, luego issa est cun s'iscóbulu in manu a mundhare Etimo srd. Traduzioni Francese caqueter, glousser Inglese to make a din Spagnolo cacarear Italiano schiamazzare, crocchiare Tedesco gackern.

calcàre calcài

calcariàre , vrb Definizione su cobèrrere de su pudhu cun sa pudha Sinonimi e contrari insedhai Etimo srd. Traduzioni Francese féconder Inglese to fertilize (eggs) Spagnolo gallear Italiano gallare (il fecondare del gallo) Tedesco befruchten.

calcàriu , agt, nm: carcàriu Definizione nau de pedra (pedra de carchina), chi portat càlciu meda e faet a dha fàere a crachina Frasi bi at montes chi sunt rocas de preda carcària 2. monti, de calcàriu ti at fatu sa natura Terminologia scientifica mnr Traduzioni Francese calcaire Inglese calcareous Spagnolo calcáreo Italiano calcàreo Tedesco kalkhaltig.

càlche , nf, nm: carce, carche, carci, cartze, crache Definizione cracada o calada de pei, cropu giau cun su pei, mescamente nau de animales chi iscudent cun is peis de asegus Sinonimi e contrari càlchida, càrcini Modi di dire csn: sas calches de sas laras = is corrus de sa buca; dàresi carches a culu (cosa chi no faghet!)= no ndh'àere perunu dispiaghere; sos úrtimos craches = corpos chi s'animale daet innantis de istirare sas ancas, morindhe; torrare su crache a ccn. = pagaresindhe, de un'ofesa; dare su calche de s'àinu a ccn.= torràreli male pro bene Frasi a torrare su calche a su molente si restat de siéntzia chepare ◊ irighedha sas carches chi mi at dadu, cussu poledhu, comente li so acurtziadu!…◊ azummai mi aiat mortu cun cussu carche chi mi at dadu, s'ebba! 2. a mi ndhe dao de carches a culu si ti che andhas!…◊ de cantu istao bene mi tiraio calches a sa coa… (P.Pisurzi) Etimo ltn. calce(m) Traduzioni Francese ruade Inglese kick Spagnolo patada, coz Italiano càlcio Tedesco Fußtritt.

calchedhàre , vrb: carchedhare, crachedhare Definizione tirare craches, mòvere a cropu is cambas, pistare is peis a terra coment'e protesta Sinonimi e contrari acromai, acumbuai, arrampedhai, arrebbellai, arrebedhai, calchidare, callidare, carcinai, iscumbarare, screnciai Frasi est carchedhendhe che un'ambidha ◊ como chi ti apo in manu so cuntentu, o ti altzes o ti fales o carchedhes! Etimo srd. Traduzioni Francese regimber Inglese to kick (out) Spagnolo recalcitrar, cocear Italiano ricalcitrare Tedesco ausschlagen.

calchèra , nf: callera, carchera, crachera Definizione genia de lacu inue si càtzigat o cracat su furesu po dhu fàere lentu; genia de màchina po cracare (a màgios) orrobba téssia; s'orrobba etotu?; su cracare / betare sos pes che mazos de crachera = poníndhelos in terra a corpu Sinonimi e contrari catighera / carchedha Frasi intro de sas cracheras apo tintu lanas de vàrios colores ◊ comente betat sos pes isse parent mazos de crachera!◊ candho fit intintu s'orvessi si giughiat a sa callera po l'afinicare 2. sas calcheras sunt fatas de lana 3. unu leperedhu ndhe istupat dai sa chijura e che parat in sa calchera pesuda de totu cudhos pes in andhera Terminologia scientifica stz Etimo itl. gualchiera Traduzioni Francese fouleuse Inglese fulling stock Spagnolo batán Italiano follóne Tedesco Walke.

calcheràre , vrb: cracherare Definizione pònnere a modhe e trebballare a catzigadura su furesu Sinonimi e contrari iscarchedhare, iscarchiare Frasi aintro de una domighedha dhue fuit sa crachera a unu chirru inue cracherànt su fresi Etimo srd.

calchèsa , nf Definizione su èssere cracu de una cosa; nau de gente, chi dhue tenent amighéntzia manna, chi funt coment'e intraos apare, chi si abbitant a cracu Sinonimi e contrari calcura / tipidura | ctr. laschia Etimo srd. Traduzioni Francese densité, épaisseur Inglese thickness Spagnolo densidad Italiano densità, foltézza Tedesco Dichte.

càlchi , agt: carchi, crachi 1 Definizione agt. indefiniu (balet po ómine e po fémina sing.) po inditare unu tanti chi no est precisu e a dónnia modu sèmpere pagu; cun is números inditat unu tanti no própiu giustu = unos… Sinonimi e contrari cabancunu, cachi 1, callinchi, calunu, cancunu, cantu 3, concu 2 Frasi carchi bellu líbberu no mi lu buscas? ◊ carchi cantu de linna a su fogu za bi l'amus ◊ carchi cosa amus a fàghere! 2. at àpidu un'arzolarzu chi ndhe aiat carchi milli imbudos, de trigu ◊ ant a èssere carchi deghina cussos chi sunt benindhe ◊ carchi chilu de peta còmpora! ◊ li at dadu calchi ses dinaris po agiunta ◊ abberindhe s'istrada, pustis de carchi paja de chidas de triballu ant àpidu nodu frimmu (N.Osu) Traduzioni Francese quelque Inglese some Spagnolo algún Italiano qualche, circa Tedesco einige.

càlchida , nf, nm: càlchidu, càlchiu, càrchida, càrchide, càrchidu, càrciga, cràchida, cràchidu Definizione cropu chi is animales giaent cun is peis de asegus Sinonimi e contrari calche, càrcini Frasi una corríncia, sendhe in pitzinnia, càrchidos si betaiat in sa coa ◊ cussu poledhu candho si sapit zente acurtzu si bortat a càrchides ◊ ti acurtzas a su molente e dhi pones sa fune, però chistionadhu, sinono ti che aporrit crachi cràchida. (M.Deiana)◊ su pastore est curtu a ischirriare su bitelledhu dae sos cràchidos de sa mama, chi no ndhe agguantat s’aggheju Cognomi e Proverbi prb: a torrare su càrchidu a s'àinu dolet piús a tie Etimo srd. Traduzioni Francese ruade Inglese kick Spagnolo coz, patada Italiano càlcio Tedesco Huftritt.

calchidadítu , agt Definizione nau de un'animale, chi costumat a giare craches Sinonimi e contrari carchidadore, carchidajolu, cumeradore Etimo srd. Traduzioni Francese qui a l'habitude de ruer Inglese kicking Spagnolo coceador Italiano che tira calci Tedesco ausschlagend.

calchidàre , vrb: carchidare, carchitare, caschidare 1, crachidare Definizione giare craches, pigare a craches Sinonimi e contrari acalciare, acromai, acumbuai, arrampedhai, arrebbellai, calchedhare, calchizare, callidare, carcinai, iscumbarare, screnciai Frasi s'àinu a bortas càrchidat puru ◊ peri su poledhu càrchidat e órriat ◊ podera bene su pè de s'àinu po lu ferrare: mih chi cràchidat! 2. che cadhos si fuint repellados, alburados e postos a crachidare Etimo ltn. calcitrare Traduzioni Francese ruer Inglese to kick Spagnolo cocear, recalcitrar Italiano scalciare, ricalcitrare Tedesco ausschlagen.

càlchidu càlchida

calchína , nf: calcina, carchina, carcina, cartzina, crachina, cracina Definizione pedra carcària cota o óssidu de càlciu (CaO); sa matessi cosa ammesturada cun abba, idróssidu de càlciu, Ca(OH)2, e impastada cun arena po ischedrare muros, fàere ischedradura Sinonimi e contrari callina Modi di dire csn: carchina rude = comente essit dae su furru, a pedra cota, ma chentza imbartzada, itl. calce viva; c. imbartzada = itl. calce spenta; forru de carcina = furru pro còghere sa pedra; late de carchina = carchina sorta in abba meda pro illatare sos muros; scagiadori de carcina = calchinàgiu, mastru chi faghet sa carchina; carcina grassa, làngia = impastada cun pagu, cun meda rena; càssia o bartza pro imbartzare carchina = bagnolu, tumbarella Frasi cussu muru l'ant arrebbussau a carchina ◊ sa carcina ndi est arruendi a pilladas de su muru ◊ sos muros fatos a preda e carchina essint fortes Cognomi e Proverbi smb: Calcina Terminologia scientifica mnr Etimo ltn. calcina Traduzioni Francese chaux Inglese lime Spagnolo cal Italiano calce Tedesco Kalk.