A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

patidòre, patidòri , agt Definizione chi est sufrindho Sinonimi e contrari pascionadu, tribbuladu | ctr. gosadore Frasi siedas consoladore de sa zente patidora! Traduzioni Francese souffrant, affligé Inglese suffering Spagnolo que sufre Italiano sofferènte, afflitto Tedesco leidend.

patídu , pps, agt: patiu Definizione de patire Sinonimi e contrari patidore 2. zughet sa cara sica e patida ◊ est una fémina betza e patida ◊ sas terras sunt asciutas, patidas chi no benit a bene.

patiédhu , nm Definizione pàtiu piticu, tretighedhu.

patifíliu paterefíliu

patíglia , nf: patilla Definizione genia de frimma o segura de is archibbusos antigos; in cobertantza, fintzes bisóngiu, farta de benes Sinonimi e contrari bisognu, iscassia, poberesa, spatígliu Etimo spn. patilla.

patigliéri , nm: patilleri Definizione chie isparat, àbbile a isparare, fintzes chie istat iscudendho a pedra Sinonimi e contrari archibbuseri, predauleri Etimo srd.

patílla patíglia

patilléri patigliéri

patíllu , agt Definizione nau de pedra, chi est lisa, ladita, pedra illascinadora, de búdhidu, codighedha, pedra de imbudhidare po còere su late Frasi apo bíbiu late budhiu chin preda patilla.

patiméntu , nm Definizione su patire, sufrire Sinonimi e contrari apascione, patinzu, patiscione, suferéncia, sufrimentu | ctr. contentu, gosa, prégiu, recreu Frasi cantu trista est sa vida cun pagu gosu e meda patimentu! ◊ isvilidu de tantos patimentos fit aprobe a fàghere dispidida ◊ candho su patimentu si mudat in cuntentu, ite bellu penare! Etimo itl. patimento.

patinefíllu paterefíliu

patínzu , nm Definizione su patire, su istare sufrindho Sinonimi e contrari patimentu, suferéncia, sufrimentu | ctr. gosa, recreu Etimo srd.

patíre, patíri , vrb Definizione istare male, sufrire / patire su sidis = abarrai meda sidius, sentza de bufai, mancamentu de àcua, sciutori Sinonimi e contrari dolorare, pascionare, patèsciri, penai, penoriare, sufrire | ctr. bodire, gosai Frasi pro isse marasades e patides, azis aciacos e turmentos ◊ narabbilu, a Nonnora, chi est tropu su patire! ◊ a mei mi fais patiri che ànima in purgadóriu ◊ patire gai no ndhe connoschet cristianu in logu e no ndhe passet su cane! Etimo itl. Traduzioni Francese souffrir Inglese to suffer Spagnolo padecer, sufrir Italiano patire Tedesco leiden.

patisciòne, patissiòne , nf Definizione su patire, su sufrire, su istare male (po maladia, poberesa)/ p. de alimentos = farta, bisóngiu de nutrimentu; èssere in p. = sunfrendi Sinonimi e contrari apascionu, paténscia, patimentu, suferéncia / ttrs. padissimentu | ctr. contentu, gosa, prégiu Traduzioni Francese souffrance Inglese pain, suffering Spagnolo sufrimiento, dolor Italiano patiménto Tedesco Leid.

patíta , nf Definizione genia de cartzamenta de pagu contu / giúghere sas iscarpas a p. = brutas, iscagaredhadas Sinonimi e contrari caciola, sabbata Frasi ch'est essidu a fora in patitas Terminologia scientifica bst.

patitadúra , nf Definizione sa faidura de su casu martzu (patitu, patitadu) Etimo srd.

patítu , agt Definizione nau de su casu, candho s'est ammodhigau e fatu pitzigorosu meda Sinonimi e contrari fatitadu, fatitu, fatu, fràzigu, giampagadu, martzu.

patíu patídu

pàtiu , nm Definizione tretighedhu largu, in paris, illichidiu, ananti o fintzes aintru de sa domo, ma fintzes bastat chi siat / p. de iscala = itl. pianeròttolo Sinonimi e contrari arrepranu, parinzu, patiale, pràcia, terratza / portaria Frasi in domo bi amus su pàtiu in dainanti ◊ bi at tres domedhas apirpirinadas supra de iscalinas e patiedhos ◊ addainanti bi at iscalinas de màrmaru chi giughent a unu pàtiu Terminologia scientifica dmo Etimo spn. Traduzioni Francese hall, aire Inglese hall, room Spagnolo portal, entrada, patio Italiano àtrio, piazzòla Tedesco Vorhalle, Vorraum.

patocéri , nm Definizione chie istat sèmpere pentzandho e naendho fàulas, patòcias, faulàrgiu Sinonimi e contrari caldubberi, castangeri, fauànciu, fauloxu, mincidiosu Etimo srd. Traduzioni Francese menteur Inglese lie inventor Spagnolo mentiroso, trolero Italiano inventóre di fròttole Tedesco Lügner.