Legenda Abbreviazioni | Legenda Simboli

contraventzionài , vrb: cuntraventzionai Definizione pònnere contravintzione Frasi is carabbineris iant cuntraventzionau is chi no portànt is bullitinus Etimo srd. Traduzioni Francese donner, flanquer une contravention Inglese to fine Spagnolo multar Italiano multare Tedesco mit einer Geldstrafe belegen.

contriàre , vrb Definizione andhare contras a unu, essire in contràriu a su chi bolet s'àteru, murrungiare calecuna cosa a unu Sinonimi e contrari contraíchere, scontrariai, iscontriai, scuntretzai | ctr. audire Frasi su maridu podet fàghere su padronu de totu chena chi nisciunu lu cóntriet Traduzioni Francese contrarier Inglese to oppose Spagnolo contrariar, contrastar Italiano contrastare Tedesco widersprechen.

contribbulài, contribbulàre , vrb Definizione penoriare, provare o fàere provare penas, tribbulias Etimo itl. contribolare Traduzioni Francese affliger Inglese to distress Spagnolo afligir Italiano afflìggere, travagliare Tedesco quälen.

controíre , vrb: contruire Definizione giare órdine, cumandhare, apretzetare de no fàere calecuna cosa, controriai Sinonimi e contrari brevare, contraíchere, chitai 1, preubbire | ctr. ordinare, obbrigare Frasi su binu e su fumu bi l'at controidu su dutore ◊ si mi controit de fàghere piagheres, controat finas de mi ndhe pedire! ◊ li at controidu su passazu in sa tanca sua ◊ su babbu a sos fizos no los at mai contruidos ◊ ti controo de faedhare cun istranzos, inoghe! Traduzioni Francese interdire, défendre Inglese to forbid Spagnolo prohibir Italiano controindicare, proibire, vietare Tedesco als schädlich bezeichnen, verbieten.

contularjàre , vrb: contularzare Definizione cricare contos, allegas, chistionos angenos, nàrrere bodhetas, criticare, alleghetare Sinonimi e contrari afoghilare, allicuterai, crastulai, criticai, licutai, lollughinare, lorodhare, pidanciulai, piscinargiai, pistizonare, spisciulari, trobedhare 1, zudicare Frasi cussa est fémina de cusséntzia e no istat contularjandhe peri sos fochiles ◊ sa bidha contularjat e bocat a pizu sas leredhas 2. istaiant abbandha, ne bidos e ne contularzados Etimo srd. Traduzioni Francese cancaner, jaser Inglese to gossip Spagnolo cotillear, chismorrear Italiano pettegolare Tedesco schwatzen.

contzimàre , vrb Definizione betare o pònnere su concime a sa cosa prantada o semenada Sinonimi e contrari aligare, alladamenae, ladamingiare, stercorai Traduzioni Francese fumer, engraisser Inglese to manure Spagnolo abonar Italiano concimare Tedesco düngen.

conziminàre , vrb: aconziminare, cungiminai, cungimminai, cunziminai Definizione cuncordare, aprontare, pònnere a postu, intrare apare cosas Sinonimi e contrari codrimingiai, cuncodrai, cuntzebire, ingrauciare, ordimignare, ziminare | ctr. isconsiminzare Frasi coces, fressadas, lentolos e iscacos tocaiat a nois a los conziminare ◊ fraghigendi is arrastus cungímminat is trastus ◊ ocannu sa cummédia dh'at bófia cungiminai ammarolla cussu ◊ a mi ndi furai a filla mia a tres oras de noti chini dhu podiat cunziminai?! ◊ is tzeracus boliant papai petza e ant cunziminau de bocí una mallora Etimo ctl. conjuminar Traduzioni Francese combiner Inglese to combine, to compose Spagnolo combinar, arreglar Italiano combinare, compórre Tedesco zusammenstellen.

copedhàre , vrb: corpedhare Definizione giare cropos, prus che àteru piticos, lestros aifatu de pare, istare giaendho cropos Sinonimi e contrari colpare, fèrrere, tochedhare Frasi in iscola a segare, a corpedhare, a pulire, a tínghere, e gai, mancu a zogu, mancu brullendhe faghet ◊ ite li ses corpedhendhe, a martedhu, a cussa cosa? ◊ s'intendhet su mastru de linna corpedhendhe, paret puntzitendhe carchi cosa 2. unu túnciu paret essendhe dai sos muros e copedhendhe a balcones e giannas Etimo srd. Traduzioni Francese battre, taper plusieurs fois Inglese to beat over and over Spagnolo golpear muchas veces Italiano bàttere ripetutaménte Tedesco wiederholt schlagen.

copiài, copiàre , vrb Definizione fàere sa cópia, torrare a iscríere cosa iscrita; fintzes imparare de un'àteru a fàere sa matessi cosa Sinonimi e contrari iscopiare 2 Frasi mi che cópio custa cantone a su cuadernu Traduzioni Francese copier, transcrire Inglese to copy, to transcribe Spagnolo copiar Italiano copiare, trascrìvere Tedesco abschreiben.

corciài , vrb Definizione cosa chi faent is maistos de pannu: cosire a puntos istrintos o a forma de còrcia su prenimentu de bestimentu; pruschetotu est su chi faent a is banitas ponendho puntos chi passant de parte a parte, donniunu a contu suo, po aguantare su prenimentu (lana o àteru) bene istérriu e firmu Etimo spn. (a)colchar Traduzioni Francese piquer Inglese to quilt Spagnolo hilvanar Italiano impuntire Tedesco steppen

corcobàre , vrb: corcovare Definizione fàere dortu Sinonimi e contrari abbajonare, abbrentai, acocovedhae, agionedhare, allachedhare, atrotiai, colembrai, inconchedhare, inconcobare, indortigare Frasi sa lantza s'est corcovada pariat de pasta crua Etimo spn. corcovar Traduzioni Francese courber Inglese to bend Spagnolo torcer Italiano curvare, incurvare Tedesco biegen.

cordinài, cordinàre , vrb Definizione fàere a manera chi duas o prus personas currespondhant cun su chi faent a unu matessi iscopu, fàere torrare paris, a su matessi puntu una cosa cun s'àtera, una persona cun s'àtera Traduzioni Francese coordonner Inglese to coordinate Spagnolo coordinar Italiano coordinare Tedesco koordinieren.

córdula , nf: Definizione s'istentina de unu pegus mescamente piticu filada, a imbodhigadura, cun àteros orrugos de matzàmene (bentre, cordule, orrugu de napa, àteru) e poi cota a orrostu o, si est pegus mannu, iscotada e apustis orrustia o fata a cassola / fai sa córdula a sa musca = èssere limidos, susuncus Sinonimi e contrari codra Terminologia scientifica mng Etimo srd. Traduzioni Francese tresse de boyaux servant à faire rôtir Inglese gut plait prepared to be roasted Spagnolo trenza, madeja, revoltillo, mazo Italiano tréccia di intestini per arròsti Tedesco Darmflechte zum Braten.

corogliàre , vrb Definizione giare a bíere, a crèdere una cosa po un'àtera, pigare a ingannu Sinonimi e contrari abbovai, abbuvonare, coglionai, colovrinare, imbaucare, imbelecare, imbusterai, improsae, ingannai, ingrangugliare, ingregai, istusciare, piocai, scafai, trampai, transare Frasi no s'ischit ite àteru li nesit cussa mariola pro la corogliare ◊ a sos duos amantes si los corogliesit su dimóniu e fatesint su progetu de bochire sa muzere de isse ◊ ma como chi bos isco cuss'astrúscia, su de mi corogliare est corogliadu! (P.Mossa) Traduzioni Francese rouler, tromper Inglese to make fun of Spagnolo engañar Italiano corbellare, trarre in inganno Tedesco täuschen.

coronài, coronàre , vrb Definizione pònnere sa corona, coronas; in cobertantza, fàere a bregúngia, a befa o fintzes brigare meda 2. nci funta duus deputaus a sa trasmissioni, ma gei mi dhus ant coronaus bèni cun is telefonadas: de dónnia colori ndi dhus ant nau! ◊ si fais aici gei ti coronat mulleri tua!…◊ gei s'ant coronau bèni a nosu Sardus!…◊ cussas sunt féminas chi bendhent s'onore pro unu reale: no las cherzo a muzere ca timo pro mi coronare! Etimo srd. Traduzioni Francese couronner Inglese to crown Spagnolo coronar Italiano coronare Tedesco krönen.

corraxinài , vrb: corruxinai, curruxinai Definizione betare unu corrighinu, istare o èssere a corrighinos: si narat de animales (àinu, leone), de su mare e fintzes de sa bentre Sinonimi e contrari abborrochinare, corrighinare, corrinai, orriare Frasi parit unu molenti corraxinendi 2. mi currúxinat sa brenti, mi benit a puntas Terminologia scientifica bga Traduzioni Francese braire, rugir Inglese to bray, to roar Spagnolo rebuznar, rugir Italiano ragliare, ruggire Tedesco iahen, brüllen.

corrighinàre , vrb: corriginare, corrochinare, corronchinare, currighinare Definizione betare unu corrighinu, istare a corrighinos: si narat de is animales, e de sa gente puru in su sensu de abboghinare o tzerriare in debbadas Sinonimi e contrari abboghinare, ammuilare, barroinae, borrare, borrighinare, corraxinai, corrinai, irruilare Frasi su porcu est corrighinandhe ◊ currighinant che traos in begriles ◊ si pesant a toroju corrighinendhe che boes feridos ◊ s'aca corrighinanne a istedhos de s'aera e sos procos in su lanne de sa pastura anzena 2. corronchinare che trabu de Orra ◊ a ndhe as de s'àsiu de corrighinare!… Terminologia scientifica bga Etimo srd. Traduzioni Francese beugler Inglese to bellow Spagnolo bramar Italiano mugghiare, schiammazzare dei tòri Tedesco muhen.

corrígiri , vrb: currègere, curregi, currèxere, currèzere, currígiri Definizione giare annestru, educatzione; cassare e bogare a fora is fadhinas, is ibbàllios de un'iscritu, de unu trebballu, de unu fàere o cumportamentu e po cussu cambiare su chi andhat male a comente andhat bene o podet andhare méngius Sinonimi e contrari ammonestai, annestrare, curregire Frasi cussa est zente sentza currégia ◊ custa vida no dha bàliu prus: o dhu curregis, a fillu tuu, o mi ndi andu de domu! 2. mamma mi azuaiat a fàghere sos disignos, mi leaiat s'istória e mi curreziat sos suntos ◊ seo duas oras iscridindhe e currezindhe ◊ in custu libbru de Saba ndi essit pagu cosa de curregi Cognomi e Proverbi prb: chie su fizu no currezet, lu ódiat Etimo itl. Traduzioni Francese corriger Inglese to correct Spagnolo corregir Italiano corrèggere, rettificare Tedesco verbessern.

corrinài , vrb: currinai, currinari Definizione betare unu corrinu, corrighinos (su tzerriare de is boes), istare o èssere a corrighinos: si narat de animales e de gente puru Sinonimi e contrari abborriare, barroinae, borrare, borrighinare, corraxinai, irronchiare, corruxinai, mughilare 2. si est fuiu corrinendi che unu malloru Terminologia scientifica bga Etimo srd. Traduzioni Francese mugir Inglese to moo Spagnolo mugir Italiano muggire Tedesco muhen.

corriscàle, corriscàli , nm Definizione su corredhu a pònnere cosighedha asciuta, sa funghedha, po allúere su fogu Sinonimi e contrari corriscarju, corruèscara Terminologia scientifica stz Etimo srd. Traduzioni Francese petit étui de corne Inglese little horn to light fire Spagnolo cuerno para encender el fuego Italiano cornétto contenènte ésca Tedesco Hörnchen mit Köder.

«« Cerca di nuovo