Ditzionàriu in línia
de sa limba e de sa cultura sarda

allimbràre , vrb Definizione papare cun asuria Sinonimi e contrari lambrire, irrujonare, istruntzonare Etimo srd. Traduzioni Francese manger comme un goinfre Inglese to eat greedily Spagnolo comer con avidez, a dos carrillos Italiano mangiare con ingordìgia Tedesco gierig essen.

allinnài, allinnàre , vrb rfl Definizione fàere a linna; fàere o segare linna; pònnere linna, comente faent is matas creschendho Sinonimi e contrari intostare / linnai 2. issus teniant diritu de allinnai in is arrius 3. su fenu mi allinnat apetotu - naràt su burricu - Etimo srd. Traduzioni Francese lignifier Inglese to become wood, hardening of a grass Spagnolo hacerse duro como madera Italiano farsi légna, indurirsi di un'èrba Tedesco holzig werden.

allinzài, allinzàre , vrb Definizione aprontare o su si aprontare po calecuna cosa; èssere in allinzu, isperare cosa Sinonimi e contrari abrontai, ammainare, ammanitzare, apariciai Frasi allinzadí is alas e bai, bessidinci a passillai! Traduzioni Francese préparer Inglese to prepare Spagnolo preparar Italiano preparare Tedesco vorbereiten.

alliongiàe, alliongiài , vrb: liongiai Definizione istrínghere o acapiare cun calecunu allióngiu Sinonimi e contrari acapiae, liai, prèndhere | ctr. isolbere, isprèndhere Frasi cussa màniga dh'as alliongiada mali ◊ seis alliongendi mànigas a manera de bosatrus cun mannugus de trigu ingraniu! 2. tengu alliongiaus apari giojas e turmentus ◊ seu alliongiau de is arregordus ◊ seus alliongiaus apari, nosu ◊ sa becesa alliòngiat a cosas prus sérias Etimo srd. Traduzioni Francese lier Inglese to lace Spagnolo atar, anudar Italiano allacciare Tedesco zuschnüren.

allisài, allisàre , vrb: allisciare, allisiare, allixare, lisai Definizione fàere lisu, passare ccn. cosa po fàere bellu unu materiale; nau in cobertantza, cricare de pigare sa gente cun imbrímbinos, a frandhigos, abantandhodha po si lassare cumbínchere Sinonimi e contrari apianare, illisiare, impranai / allosingai, frandhigare, improsae, insabonai, lígnere Frasi su paone cun su bicu si allixat sa… persone! ◊ is perdas de s'arriu dhas at allisadas s'àcua ◊ cussu códulu est allixadu dae s'abba ◊ allixare sos pilos 2. indeosadu mi l'isto a s'allixa allixa faedhèndheli che a fémina in camixa Etimo srd. Traduzioni Francese polir, flatter Inglese to smooth, to toady to Spagnolo alisar, adular Italiano levigare, lisciare, adulare Tedesco glätten, schmeicheln.

allistài , vrb: allistrai, allistrare, listrai Definizione pònnere in lista, fàere sa lista Sinonimi e contrari lezistrare, malcare Frasi usada su sistema de is tachedhas po allistai sa cosa chi bendiat, ca no fiat bellu a iscriri ◊ babbu mi aiat allistradu a iscola Etimo srd. Traduzioni Francese porter sur la liste Inglese to put in a list Spagnolo alistar Italiano méttere in lista Tedesco in eine Liste eintragen.

allivellàre , vrb: livellai Definizione pònnere e fàere a livellu, bene in paris Sinonimi e contrari apalisare, aparinare Traduzioni Francese niveler Inglese to level Spagnolo nivelar, allanar Italiano livellare Tedesco einebnen.

allobàe, allobài , vrb: allobare, lobae Definizione pònnere o acapiare impare, a loba / sartiare a pes lobaus = cun ambadús peis impari (comenti si fait sartendi de logu artu) Sinonimi e contrari acopiare, acrobai, agiobare, apagiare, aparigai, giúnghere | ctr. illobare, iscrobai Frasi seus nosu chi dhus fadeus is fillus e a nosu tocat a dhus allobai Etimo srd. Traduzioni Francese jumeler Inglese to couple Spagnolo juntar Italiano abbinare Tedesco zusammenfügen.

allocài , vrb: allucai Definizione fàere o essire locu, ammammalucare, incantare Sinonimi e contrari allochiai, imbolocai, scimprai Frasi ti creis ca mi allucas aici cun duas cositedhas: dèu bollu totu sa parti mia! ◊ candu mi seu cojada mi seu allucada e no apu castiau ni bellesa e ni virtudi ◊ si allucant castiendu arrandas, ingirialetus, una patena, unu cungiali, bastat chi siat cosa antiga! 2. allucaus, no iscidiant in cai istampu nc'intrai ◊ no abbarres allucau! Etimo spn. alocar Traduzioni Francese devenir idiot Inglese to make silly Spagnolo enloquecer Italiano diventare o far scémo Tedesco dumm werden.

allocàre , vrb: allogai, allogare 1 Definizione giare in afitu; rfl. fàere su tzeracu o sa tzeraca a contu de àtere Sinonimi e contrari acodrare, afitare 1, apejonare, arrendai Frasi a mi lu allogas cussu frundhagu a padharzu? ◊ at allogadu sa binza a binzateris malos 2. pastóricat allocau chin tziu Pielle ◊ pro èssere allogada, mezus cane! ◊ si est allogadu isse puru cun su matessi mere de sa muzere ◊ su fizu si ch'est andhadu dae domo e si est dépidu allogare ◊ si est allogadu cun d-unu pro andhare a porcarzare ◊ fit intrada in cussa domo a si allogare Etimo itl. allogare Traduzioni Francese louer Inglese to rent Spagnolo alquilar Italiano affittare Tedesco vermieten.

allochiài , vrb Definizione cufúndhere, no cumprèndhere prus nudha, fàere a macu, a locu Sinonimi e contrari allocai, atontai, incadumai, ispantai, istontoleare 2. dhoi at genti meda allochiada de sa droga ◊ abarràt allochiau a buca oberta e a ogus isprapaluciaus ◊ cussu est allochiau che unu sitzigorru! Traduzioni Francese abêtir Inglese to make dizzy Spagnolo alelar Italiano rimbecillire Tedesco dumm machen, verdummen.

allodhiài , vrb: allodhiare Definizione pigare a frandhigos, pònnere vitziedhos (e po cussu fintzes fàere a lodhes, pagu abbistos, allochiai, atontare) Sinonimi e contrari aponciai / arrepicare Frasi su matzone, malinnu, si est dassau allodhiare pro lu fidarent in mesu de sos anzones ◊ est allodhiada cun d-unu zovanedhu de prima essida ◊ totus lu fiacant, l'acasazant, l'allódhiant che una criatura 2. nos ant allodhiatu cun promissas de indústrias e de postos sicuros Etimo srd. Traduzioni Francese affecter Inglese to affect Spagnolo afectar, lisonjear Italiano affettare Tedesco heucheln.

allodrigài , vrb: allordigai, alluldigai Definizione fàere brutu su logu, sa cosa, pruschetotu cun ludu Sinonimi e contrari acadhotzai, acadrangiai, acarrognai, imbratare, insodrigai, orroigai | ctr. limpiai Etimo srd. Traduzioni Francese salir Inglese to soil Spagnolo ensuciar, enlodar Italiano insozzare, lordare Tedesco beschmutzen.

allogàe , vrb: allogai 1, allogare Definizione pònnere, partare a una bandha o logu calecuna cosa a manera de dha lassare a un'àtera borta, a candho serbit o torrat a serbire (o fintzes solu po no dha tènnere a istrobbu) Sinonimi e contrari aggolostire, arremai 1, arremonire, arribbare 1, asserbare, chistie, coltoire, istugiai Frasi toca, allogancedha cuss'ampudha! ◊ allogadindi po pràngiu e po cena de cussa cosa! ◊ sos bratzos si achedhaiant in sos cuarteris de sa roda pustis de los àere allogados in s'ingúpulu Cognomi e Proverbi prb: chini papat e allogat ponit sa mesa duas bortas ◊ chini allogat a cras allogat a canis Traduzioni Francese conserver Inglese to preserve Spagnolo guardar Italiano conservare, riservare Tedesco aufbewahren.

allogiài , vrb: allozare Definizione agatare logu a crocare, po istare; si narat fintzes in su sensu de papare a tzatzadura, de si tzatzare bene Sinonimi e contrari acuartierai, aposentae, ospedai / atatare, sassai 2. immoi mi seu allogiau, lah, cun cussa petza: apu própiu papau bèni! ◊ gei si allògiant is gatus nostus cun totu custu pisci, oi!…◊ tenemu sempri fàmini, non mi arregordu si calincuna borta mi seu allogiara!◊ cussus funt pipius pagu bistius e pagu allogiaus Etimo itl. Traduzioni Francese loger Inglese to lodge Spagnolo alojar Italiano alloggiare Tedesco wohnen.

allollojài , vrb Sinonimi e contrari abballalloare, allochiai, atolondrai Etimo srd. Traduzioni Francese s'abêtir Inglese to make stupid Spagnolo alelarse Italiano diventare stùpido Tedesco dumm werden.

alloloinài , vrb Sinonimi e contrari atolondrai Traduzioni Francese monter à la tête, étourdir Inglese to befuddle, to stun by sleep, by sun Spagnolo aturdir el vino, el sueño, el sol Italiano stordire col vino, dal sónno, dal sóle Tedesco durch Wein, vor Schlaf oder Sonne betäubt sein.

allomboràe, allomborài , vrb: allomburai, allomburare, allomerare, allomurare, allorumare Definizione fàere a lómboru, a unu túturu, a bòcia, fàere a orrumbulone Sinonimi e contrari abballinare, aculingionai, aggajai, aggromare, aggromerare, aggromeredhare, allorimmedhare, arrombulonai, arromulare, tròbere / abballonare, arruedhulare, atuturae, imboligare | ctr. ilboligare, illomerare Frasi giaja e netas funta in coxina allomburendu lana 2. su sardu, candho intendhet tzocu de foete, si allórumat che unu eritu ◊ si est allorumada chirchendhe de audhire sas anchighedhas pro si las iscaldire ◊ custos batos sunt sempre allorumados in sa chijina Etimo srd. Traduzioni Francese pelotonner Inglese to wind up Spagnolo ovillar Italiano aggomitolare, dipanare Tedesco aufwickeln.

allomingiài , vrb: allominzare, allumenare, allumingiai, allumingiare, lumingiai Definizione pònnere impróveru a ccn., annomíngiu, ingiúliu, àteru númene a befa Sinonimi e contrari addiciai, annomingiai*, aparalumenare, aproegliare, imparanigiai, istevinzare Frasi dh'iant allumingiau "Peis de gatu"◊ totus is massaos teniant is boes allumenaos Traduzioni Francese affubler d'un sobriquet Inglese to nickname Spagnolo apodar Italiano dare un nomìgnolo Tedesco jdm einen Spitznamen anhängen.

allongài, allongàre , vrb: allonghiai, allonghiare Definizione fàere o lassare longu, prus longu de su chi est; tirare a longas / allonghiai su passu = istirare o acradiare su passu, caminare cun prus lestresa; allonghiai su bratzu, su tzugu = istirare o bogare su bratzu, istirare su trugu (bogare sa conca) Sinonimi e contrari illongare Frasi no as a èssi allonghiendi tropu sa funi, a fai intrai cussu piciocu a domu candu dhi praxit? ◊ allónghia su pei cunforma a su lenciou! ◊ allonghiai su passu! 2. su preíderu s'est allongadu in sa préiga Etimo srd. Traduzioni Francese allonger, prolonger Inglese to lengthen, to prolong Spagnolo alargar, prolongar Italiano allungare, prolungare Tedesco verlängern.