A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

canóngiu , nm Definitzione orroca manna, ispuntone de pedra Sinònimos e contràrios caróngiu.

cànoni cànone

canónicu, canónigu cabónigu

canonizài , vrb Definitzione cunsiderare a unu che santu Tradutziones Frantzesu canoniser Ingresu to canonize Ispagnolu canonizar Italianu canonizzare Tedescu kanonisieren.

canotièra , nf Definitzione pinzos a bestire, pigighedhu fine de cotone a pònnere asuta Terminologia iscientìfica bst Tradutziones Frantzesu maillot de corps Ingresu singlet Ispagnolu camiseta Italianu canottièra Tedescu Unterhemd.

canotígliu cannutígliu

canòtu , nm Definitzione genia de barchita lébia Tradutziones Frantzesu canot Ingresu small boat Ispagnolu bote, lancha (f) Italianu canòtto Tedescu Boot.

cansàda , nf: cansciada, cassada, cassiada Definitzione andhandho a logu, cansiada, passada fora de su camminu deretu po fàere calecuna cosa (o fintzes firmadedha po pausare) e poi torrare a su caminu etotu, comente si faet candho s'intrat a una domo, a unu possessu, o àteru: sa cosa si podet nàrrere no solu po s'andhóngiu ma po àteru puru Sinònimos e contràrios iscostiadura, stressiada / frimmada / cdh. cansata Frases torrendu a domu fàciu sa cansada a crésia ◊ candho colas in carrela faghe sa cassiada a domo, chi tenzo ite ti nàrrere! ◊ ite cosa custa cassada bostra a domo mia? Ètimu srd. Tradutziones Frantzesu digression Ingresu deviation Ispagnolu digresión Italianu digressióne, deviazióne Tedescu Umleitung.

cansàdu canciàu

cansài , vrb: cansare, cantzai Definitzione fàere istracu, a immarritzone / cansai sa conca = fàghere de conca coment'e iscutinèndhela Sinònimos e contràrios afadiai, fadiae, istracare, strachedhai Frases cudhus falsus profetas si cantzànt in debbadas, preghendi ◊ ti cansas debbadas trabballendu de aici 2. su bentu de s'istadi ndi portat su fragu de su fogu e is itzérrius de is béstias assuentadas e cansadas ◊ candu seu cantzau mi crocu, candu ndi tèngiu gana trabballu Ètimu ctl., spn. cansar Tradutziones Frantzesu fatiguer Ingresu to tire Ispagnolu cansar Italianu stancare Tedescu anstrengen.

cansài 1 , vrb: cansare 1, cansciare, cansiare, cantzai 1, cassare 1, cassiare Definitzione cambiare filada, intrare a calecunu logu passandho passandho in d-unu camminu, orruga o istrada; tirare una cosa a una parte Sinònimos e contràrios irvertzare, iscansae, scantzai, stressiai / insurcare / frànghere, leai / descansare, pasare Maneras de nàrrere csn: cassiare s'abba de sa cora a su surcu, de sa leada a su riu (e de su riu a sa leada) = cambiai, fai passai s'àcua de unu logu a un'àteru; càssati su corpetu! = pigadindi, bogadindi su corpetu! Frases candu passat naradhi chi cansit innòi! ◊ ca fit meda apistichinzada est cassiada a dimandhare ◊ no li est pàssiu beru de pòdere issire líbbera e pòdere cassiare a dommo de s'ammorau! ◊ cansciadindhe a domo candho passas in carrela! ◊ no dhi abbastat mancai cantzit s'arriu 2. su catigherarzu drommit inue li capitat e, si cànsciat su cadhu a pasculare, candho intendhet rumore si ndh'ischidat ◊ su surcu est lómpidu: càssia s'abba a un'àteru! 3. si arrimànt in cancu furriadroxu po nci passai sa noti e si cantzai ◊ una dí, passendu in d-una bidhixedha, si fiat firmau in domu de amigus po si cantzai unu pagu ◊ cansciade, comare, chi sezis istraca! Ètimu ltn. campsare Tradutziones Frantzesu détourner, tourner Ingresu to deviate Ispagnolu desviar Italianu deviare Tedescu umleiten.

cansaméntu , nm: cantzamentu Definitzione su s'intèndhere istracos, immarrios Sinònimos e contràrios cansàntzia, cansesa, fadiori, istrachesa, istrachidúdine, istrachidúghine, istrachidúmine, istracúmene, istrachiore Frases portat sa faci tirada po su cantzamentu e po su disprexeri ◊ artziendi in custu mòri no avertu su cansamentu Ètimu srd. Tradutziones Frantzesu fatigue Ingresu tiredness Ispagnolu cansancio Italianu stanchézza Tedescu Müdigkeit.

cansàntzia, cansàntziu, cansàntzu , nf, nm: cantzàntziu Definitzione su èssere o su si pàrrere cansaos, immarrios Sinònimos e contràrios cansamentu, fiachesa, istrachidúdine, mugna | ctr. pàsiu Frases su cansàntziu e su giaunu dh'iant ammudhiau is cambas (R.Spissu) Ètimu spn. Tradutziones Frantzesu fatigue Ingresu weariness Ispagnolu cansancio Italianu stanchézza Tedescu Müdigkeit.

cansàre cansài

cansàre 1 cansài 1

cansàu canciàu

cansciàda cansàda

cansciàre cansài 1

cansciolèta , nf Definitzione camisa de fundhu a coas longas, ala de camisa / essire in c. = in càssiu, agiummai ispollincus Sinònimos e contràrios cànsciu Terminologia iscientìfica bst.

cànsciu , nm: (càn-sci-u) cànsiu, cansu 1, càsciu 1 (cà-sci-u) càssiu, cassu Definitzione fardeta de asuta, genia de bestimentu de féminas, a bisura de gunnedha, de pònnere asuta de sa gunnedha e de lassare a crocare su note; a logos est su corpete de pònnere dónnia die Sinònimos e contràrios bidhori, càisciu, canscioleta, cansitu, suntanu, tetela, trintzedhu / cóssiu Frases suta de sa munnedha zughet su càssiu ◊ so nuda chi non porto mancu cansu ◊ a sas boghes, intro de note, ch'est essida a fora chentza mancu si pònnere sa munnedha, in càssiu etotu Terminologia iscientìfica bst Ètimu itl. casso Tradutziones Frantzesu jupon Ingresu petticoat Ispagnolu cancán, enaguas Italianu sottogònna, sottovèste Tedescu Unterrock.