A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gruspíu , pps Definitzione de gruspire Sinònimos e contràrios ruspidu, spudau Tradutziones Frantzesu craché Ingresu spat Ispagnolu escupido Italianu sputato Tedescu gespuckt.

grúspiu grúspidu

grúspiu 1 grúspinu 1

grúspiu 2 , nm Sinònimos e contràrios cedha, fiotu, grústiu.

gruspizàre , vrb Definitzione orrosinare, istidhigare, incarrerare a pròere Sinònimos e contràrios arrosinai, modhinare, proighinai Ètimu srd.

grussàrgia , nf: grussarza Definitzione a logos est sa farra de su moriscu, pulenta, cota cun brodu e birduras; àterue, pane de trigu o fintzes de órgiu coment’e pane carasau ma sestau a retàngulu 2. sos meres faghiant sa grussarza de trigu, sos tzeracos fiamus galu a pane de orzu! Terminologia iscientìfica pne Ètimu srd.

grussària , nf: russària Definitzione su èssere grussu de is cosas, sa distàntzia de una parte a s'àtera, de fora in fora de una cosa Sinònimos e contràrios grussesa, grussoi, russura / ttrs. grussétzia | ctr. finària Frases Salomone at fatu sa brassa de metallu iscazadu, tundha, arta chimbe cúbbitos, chin sa mesania de deghe cúbbitos: sa grussària sua fit de unu prammu (Bb N.Rubanu) Ètimu srd. Tradutziones Frantzesu épaisseur Ingresu thickness Ispagnolu espesor, grosor Italianu spessóre Tedescu Stärke, Dicke.

grussàrza grussàrgia

grusséri grosséri

grussería , nf Sinònimos e contràrios incriànscia, rustichesa Frases cussus funt totu barra, palleria e grusseria!

grussèsa , nf Definitzione su èssere grussu de is cosas, sa distàntzia de una parte a s'àtera Sinònimos e contràrios grussària, russesa, russura | ctr. finària Frases me is orus de su mari, s’arena de unu logu a s'atru càmbiat grussesa Ètimu srd.

grussinnólu , nm Definitzione pigione de beranu Sinònimos e contràrios rassaniolu, passailanti Frases funtanedha, mi ammentas cudha pitzinnia chi tempus mi daiat de iscurtare candho de grussinnolu s'armonia s'uniat a su tou bubbullicare (G.Moro) Terminologia iscientìfica pzn Ètimu srd.

grussítu , agt Definitzione unu pagu grussu Sinònimos e contràrios grussotu.

grussòi , nm Definitzione su èssere grussu de is cosas, sa distàntzia de una parte a s'àtera, de fora in fora de una cosa Sinònimos e contràrios grussària, grussesa, russura | ctr. finària Ètimu srd.

grussótu , agt Sinònimos e contràrios grussitu.

grússu , agt, nm: russu Definitzione chi tenet grussària meda, sa parte grussa de ccn. cosa (o fintzes prus larga): nau de sedatzu, chi iscèberat sa parte prus grussa Sinònimos e contràrios fungudu | ctr. fine Maneras de nàrrere csn: prétziu grussu = sentz'iscontu; ària grussa = ocupada, mala, de isserru; bèndiri in grussu = a sa russa, in cantidade manna; andai a grussu (nadu de sa pinna) = iscríere a sinza russa, larga; èssiri grussu che una carrada de doxi = (nadu de ccn.) russu e rassu meda; èssere móliu a grussu (nadu de ccn.)= grusseri, chi tenet maneras de fàghere pagu díligas, pagu atentas; èssere a grussu (nadu de pessones)= pagu cuncordos, a iscórriu, in malas Frases is mamas po incantare is pipios dhis giaiant unu lomboredhu de filu grussu a giogare ◊ est una bella picioca cun is pius longus, cun duas trícias grussas ◊ unu merxani fut girendi iscoita iscoita cun sa cò grussa e arrubiasta ◊ ingunis sa roca bia est fata de tantis pillus grussus de cincu a binti centímetrus ◊ is giraditzus prus grussus non servint po su sartitzu 2. dhui at sedatzus grussus e finis, crobis mannas e pitias, canistedhus, palinis e pàlias Sambenados e Provèrbios smb: Grussu Ètimu ltn. grussus Tradutziones Frantzesu épais Ingresu thick Ispagnolu grueso Italianu spésso Tedescu dick.

grustiólu , nm Definitzione chedha pitica Sinònimos e contràrios fiotu, frustiolu, tropedhu, trumbiolu Ètimu srd.

grústiu, grústu , nm Definitzione unos cantu, nau de gente e pruschetotu de animales (podent èssere medas puru)/ min. grustiolu, grustixedhu Sinònimos e contràrios arbutzu, arede, cedha, frústiu, grúspiu 2, majone, retile, retolu, rucru, rustu, tàgiu / assorte, fiotu, issorta, pasa, sinnissoni, tropedhu, truma, zumenta Frases fia teracu ma a sos vinti annos mi ndh'essei e mi ponei abbandha cun unu grustu de chentu porcos ◊ sas crapas si contant a grústios, comente essint dae corte ◊ si at parau unu grústiu de berbeches remonias chin sa costumàntzia de sa paradura ◊ sos emigraos sunis andhaos a grustos Tradutziones Frantzesu groupe, troupeau Ingresu group, herd Ispagnolu grupo, rebaño, manada Italianu gruppo, capannèllo, branco, grégge Tedescu Gruppe, Rudel, Herde.

grúsu , nm: cruju* Definitzione unu terrenu, possessu no meda mannu serrau; logu de campu bastat chi siat Sinònimos e contràrios cugnau / bandha, cherru, leada Frases che l'apo agatadu in cussos grusos de Sos Sarraores ◊ ite bi faghias peri sos grusos, rundhellu? ◊ no t'inserres in grusos e cresuras!

grusúra , nf Sinònimos e contràrios carestia, iscassesa, iscassia, merchinzia | ctr. bundhàntzia Frases ant tentu bundhàntzia de laores e pastura poi de tantos annos de grusura.