A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scadhionàu , agt Definitzione chi est chentza fortzas, prus che àteru nau de chie andhat meda a féminas Sinònimos e contràrios immaodhau.

scàdhu , nm: iscadha*, schedhu Definitzione su ischedhare, s'imparu, s'ammentu de unu male, de unu dannu a tales chi unu no torrat a fàere sa farta Sinònimos e contràrios iscadhada, iscadhura, iscalmentu, ischedhadura Frases is sordaus boliant arrepignai totu, ma su schedhu gei dh'iant tentu!

scàdra , nf Definitzione su chi abbarrat de su crabone fóssile distillau (isfrutau po calecuna sustàntzia) e fatu a bocighedhas piticas / s. de ferru = ferríghine, s'iscartu de su ferru sortu in sa furredha de su frailàgliu o in locu uve sorvent ferru Tradutziones Frantzesu coke Ingresu coke Ispagnolu coque Italianu coke Tedescu Koks.

scadrabudhàu , agt: iscadrabudhadu* Definitzione béciu cadrudhu, totu andhau male chi mancu si agguantat prantau Sinònimos e contràrios cadrodhu, iscarrapociau, scarrabudhau | ctr. pisedhu 3.

scadracilài , vrb: iscadranchilare*, scardacilai, scardacillai, scardancilai Definitzione segare is cardanchiles a un'animale (po fàere dannu a su mere) Sinònimos e contràrios irdarcilae, scardanchinare, scarracillai, scarrengibai Frases si ndi arregordais su corrinu de is bacas scardacilladas? ◊ no ant a cantai prus su prantu po is tírrias ne is revesas chi scardancillant is bacas Tradutziones Frantzesu couper le jarret Ingresu to cut the hocks Ispagnolu desjarretar Italianu sgarrettare Tedescu die Hachsen durchschneiden.

scadradúra , nf: scardadura Definitzione iserbadura o fintzes marríngiu po che tirare su cardu de su laore a erba; sa faina de passare su linu in s'iscardu (pètene a corros de ferru) Sinònimos e contràrios iserbonzu Ètimu srd.

scadrallútu , agt: iscardallutu*, scardallutu Definitzione nau de ccn., chi tenet un'atentzione bia, chi est abbistu, sèmpere atentu a totu Sinònimos e contràrios abbistu, allutinedhu, ispabillu, sciscitu, spiscinetu Frases e gei no est scadrallutu, su pipiu, lah! ◊ e chin'est cussu scadrallutu chi mi at bistiu aici?! ◊ giai ca ses scadrallutu, tui, bai e cica trabballu a fillu tuu! Tradutziones Frantzesu gai, spirituel Ingresu cheerful Ispagnolu alegre, gracioso Italianu allégro, spiritóso Tedescu fröhlich, lustig.

scadrancài , vrb: iscadancare*, scardancai Definitzione istacare sa cadanca; tirare o bogare de fundhu, de is arraighinas, iscosciare, orrugare totu (nau de cosa firma)/ s. una porta = betàrendhe una zanna, iscancarare Sinònimos e contràrios irfraigare, iscancarai, iscratzare, ispitzigare, tostare / irraighinare 2. su partiri suu fiat istau coment'e a ndi scardancai una mata de terra ◊ is piciochedhus nd'iant scardancau is téulas de teulara ◊ is maistas fiant pagadas po ndi scadrancai dónnia fuedhu chi iaus imparau de babbu e mamma Tradutziones Frantzesu crocheter Ingresu to force open Ispagnolu descerrajar, forzar Italianu scassinare Tedescu aufbrechen.

scadrangiài, scadranzài , vrb: iscadrangiare* Definitzione bogare su cardàngiu, su brutore, frigare, arrasigare po illimpiare (ma a logos fintzes iscràfere) Frases su tiau e chi dhas at fatas e piciocas: dhui fiant un'ora scadràngia scadràngia!…

scadrapiàre , vrb: iscadrapiare* Definitzione atumbare de fiancu, coment'e a arrasigadura Sinònimos e contràrios arrasciare, arrasicare, ratzigare, saricare.

scadrigiài , vrb: iscardigiai*, scardigiai Definitzione fàere caente, su si frigare is manos po si dhas caentare; imbudhidare a meda; nau in cobertantza, foedhare cun tzacu, ferenandho, arrennegare / donai una scadrigiada de… = dare una bella passada de… (corpos, presone e gai) Sinònimos e contràrios caentare / abbrigai, cardiare, ingrujare Frases bufa ca ti scadrígiat pagu pagu! ◊ unu tzichedhu de binu ti scadrígiat prus de su craboni ◊ sa genti intrat impriutzia, si scardígiat is manus in su fogu fintzas a dhi torrai carrítzia in trempas 2. scardigendusí sempri de prus, si fiant ghetaus apari, iscarrafiaus e mussiaus Tradutziones Frantzesu chauffer Ingresu to heat (up) Ispagnolu calentar Italianu scaldare Tedescu wärmen.

scadrogài , vrb: iscrodocare*, scardogai, scodrogai, scordocai, scordogai Definitzione bogare de pare, nau mescamente de ossos, de is crogas Sinònimos e contràrios iderrigari, illumbai, illumbedhare, irdroghillae, irrenare, isarrigai, iscrocare 1, sdellocai, isderenare Frases pesa de mesu ca bandu a dhu circai: chi dh'aferru dhu scadrogu! ◊ est totu struciendusí: nau ca est sannori chi si scadrogat! ◊ nchi dhu scodroghit sa manu de sa dustítzia! ◊ agiummai mi scardogu su tzugu acomenti mi as fatu furriai! 2. custus sàndalus si funt totu scordogaus 3. su soli mi scardogat Tradutziones Frantzesu se fouler, se luxer Ingresu to dislocate Ispagnolu dislocar, torcer Italianu slogare Tedescu verrenken.

scadronài , vrb Sinònimos e contràrios cadredhai Frases axiu tenit scadronendi: tanti no m'impressionu! ◊ no mi fatzas isciolli, lah, ca ch'isciollu scadronu!…

scaèra scabèra

scàfa , nf: iscafa* Definitzione genia de barca a fundhu ladu, ciatu.

scàfa 1 , nf: iscafa* 1 Definitzione in is camminos malos, iscamedhu, genia de iscalina, ma fintzes úrbidu, iscrébigu, logu de orrocas artas / segai is pilus a s. = male, a iscala, in manera no parívile Sinònimos e contràrios iscalone, iscamedhu / ischerbicadorju / irrocadolzu, ispéntimu, ispérruma, scabiossu Frases in su pont'e Sa Scafa prus no mi nci aciufu 2. mi ndi ant segau is pilus totu a scafas ◊ est unu caminu plenu de scafas.

scafài , vrb Definitzione fàere trampas, ingannos, pigare de is àteros bàsciu sa bona fide, aprofitandho Sinònimos e contràrios abbovai, abbuvonare, coglionai, imbusterai, improsae, ingannai, piocai, trambollai, trampai Ètimu spn. estafar.

scafàli , nm: iscafale* Sinònimos e contràrios palastràgiu.

scafiòto, scafiòtu , nm: iscafiotu* Definitzione genia de careta po poderare is pilos, in costúmenes de fémina: in àteros est unu mucadore de acapiare a parte de apalas Sinònimos e contràrios cabbúsciu Terminologia iscientìfica bst.

scafitàda , nf Definitzione móssigu, istrinta de dentes; cosa chi si narat unu pagu a brulla, in manera curiosa, ma chi ispirtit puru Sinònimos e contràrios mossiada, mossu / botada, cuciarada, picotada Frases su procu mi at donau una scafitada a sa manu, comenti dh'apu tocau Ètimu srd. Tradutziones Frantzesu mot d'esprit, pointe Ingresu witticism Ispagnolu indirecta, pulla Italianu frizzo Tedescu Stichelei, Pfeil.