A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

àlza àglia

àlzebra àlgebra

alzenína , nf: arzinina Definizione sa coa de s'argiola, granu de trigu aortitzu, minudedhu; is granos de trigu orruinau ammesturau a pedrighedha chi si ndhe sèberat candho su trigu dhu faent in chiliru po dhu chistire límpiu Sinonimi e contrari arenúgiu, cerfa, coale, coamaderzu, coalina, coana, coatzu, culischedhu, enina, genina, ghinina, ischivozu, pealinu Frasi bennasu de peràulas, nàrami chie cantat candho agabbas sas istajones in sas alzolas mannas de arzinina! (C.De Martis)◊ cussu fit cantadore de arzininas mortas Traduzioni Francese grenaille Inglese refuse Spagnolo mondadura Italiano mondìglia Tedesco Spreu.

alzòla agliòla

alzolàdu , pps, agt Definizione de alzolare / cari alzoladu = chi at passau sa pigota Sinonimi e contrari afitulau, pabedhosu, picotosu.

alzolàre , vrb: argiolai 1, arjolare, arxoai, arzolare, orgiolai Definizione fàere is trebballos de s'argiola po treulare e incungiare su laore; istare girandho a inghíriu, a rodeu Sinonimi e contrari basolare, trauai / bandhulare, garronai, inghirare Frasi bestidu de piore e bolasina, oe tota sa die apo arzoladu ◊ antigamente si arzolaiat su trigu cun cadhos o cun boes ◊ in s’argiola su lori beniat istérriu a arrólliu po dhu fai arridai e tenni prontu po dh’argiolai ◊ mi paret de ti bíere arjolandhe ispicas de impudos! 2. sos ómines fint semper sétios e arjolaos in sos caminos ◊ cudhu puzone arzolendhe in s'aera est su falche ◊ ita circat sèmpiri arxoendu in bidha nosta? Etimo srd.

alzòlas , nm: argiolas, orgiolas, arxou Definizione su de sete meses de s'annu (sing. cun totu chi est in "-s") Sinonimi e contrari trébua Frasi si ch'est barigadu su mese de làmpadas e si ch'est barighendhe alzolas puru Traduzioni Francese juillet Inglese July Spagnolo julio Italiano lùglio Tedesco Juli.

alzólu algiólu

amacarinadúra , nf Definizione su ammacarinare?

amàdu , pps Definizione de amare Cognomi e Proverbi smb: Amadu.

amadúra , nf Sinonimi e contrari incànsciu, incasciadura Frasi s'amadura de sas pedras de unu muru Etimo srd.

amagadítu , agt Definizione chi si ammagat, timendho, chi timet totugantu Sinonimi e contrari aumbraditu, bergungiosu, cocode Etimo ctl. amagadet.

amài , vrb: amare Definizione betare o tènnere istima, bòllere bene Sinonimi e contrari iltimare | ctr. odiai Etimo itl Traduzioni Francese aimer Inglese to love Spagnolo amar, querer Italiano amare Tedesco lieben.

amaledàu , agt Definizione chi est iscónciu, malàidu, arrimau Frasi a babbai custa borta dhu tèngiu amaledau, ca est arrutu.

amalgúra , nf: amargura, malgura Definizione su sabore marigosu de totu su chi acontesset a unu de male, de dannu, de su chi dhi andhat in contràriu, su dispraxere chi sentit Sinonimi e contrari amaresa, amargori, dispiachere, rancura, tragu / maricosore | ctr. prégiu, cuntentesa Frasi tue invitas a olvidare s'amargura de sa vida ◊ si no giompo a sos primos onores no mi ndhe pigo annuzu e ne amargura! ◊ sos desizos sunt boltados in fastizos, tribbulia e amargura (G.Contieri) Etimo spn. Traduzioni Francese amertume, chagrin Inglese bitterness, affliction Spagnolo amargura Italiano amarézza, afflizióne Tedesco Betrübnis.

amaméli , nm Definizione genia de matighedha po bellesa, bona fintzes po cura Terminologia scientifica mt, Hamamelis virginiana Traduzioni Francese hamamélis Inglese pistachio Spagnolo hamamelis Italiano pistàcchio della Virginia Tedesco Hamamelis.

amansciàre , vrb Definizione prnl., tènnere amànsciu cun s'àteru.

amansciósu , agt Definizione chi tenet sentidos de istima e unu fàere delicau, atentu a is àteros Sinonimi e contrari amanscívile, amorosu, istimosu, ternurosu Frasi como li naraiant chi raida fit piús bella de cara e amansciosa (A.Langiu)◊ niunu at àpidu babbu meravizosu che a su sou, amparadore meda e amansciosu Traduzioni Francese tendre Inglese loving Spagnolo amoroso Italiano amorévole Tedesco liebevoll.

amànsciu , nm Definizione manera de fàere cun s'àteru, delicadesa, crabbu Sinonimi e contrari delicadesa, garbu, garbosidadi Traduzioni Francese amabilité Inglese courtesy Spagnolo amabilidad Italiano garbatézza Tedesco Liebenswürdigkeit.

amanscívile , agt Definizione chi si amànsciat, chi tenet amànsciu Sinonimi e contrari afàbbile, amistantziosu, amorosu.