A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bufedhàre , vrb Sinonimi e contrari bufetae, bufutzare Etimo srd.

bufèra , nf Definizione su bufare, su istare bufandho mescamente coment'e vítziu; cosa meda po bufare Sinonimi e contrari bufada, bufognu, vivinzu Frasi fostè po istare in mesu de sa bufera si at postu fintzas su tzilleri! ◊ fiant totus mesu tzucos de sa bufera ◊ su pagu de dinari chi intraiat che dhu fuliaiat in bufera Etimo srd.

buferàrzu brufulàgiu

buféri , agt, nm Definizione chi o chie costumat a leare a bufu, a dépidu Frasi sa zente bufera còmporat a libbereto Etimo srd.

bufetàda bofetàda

bufetàe, bufetài, bufetàre , vrb Definizione istare a su bufa bufa, bufare fatuvatu Sinonimi e contrari aciumai, bufedhare, bufutzare Frasi commo chi soe tatau mi nche falo a gamasinu a bufetare ◊ si fit aviendhe chena pagare, ma unu fegone li nerzeit chi unu candho bufetat depet pagare puru ◊ teniat su víssiu de bufetai Etimo srd. Traduzioni Francese boire Inglese to sip Spagnolo beber Italiano bevicchiare Tedesco saufen.

bufétu , nm Definizione s'ària chi si faet cun sa buca bogandhochedha de prumones a fortza; s'ària chi movet su bentu Sinonimi e contrari bufada 1, búfidu, ispera 2, súlidu, sulu, súrbiu Etimo ctl. bufet.

búfida , nf, nm: búfita, búfiu Definizione súlidu chi si bogat de buca unu pagu a moida, comente si faet sentindho ifadu Sinonimi e contrari assúpidu, bufada 1, irbúfida, súrbidu 1, súrfiu Frasi comente si est bidu iscapu, su sirbonedhu at iscutu búfidas de cuntentesa ◊ s'intenniat sa sughe a búfitas allatanne ◊ comenti mi apubànt, is procus betànt cos’e búfius e si nci fuiant Etimo srd. Traduzioni Francese soupir d'ennui, d'impatience, mouvement d'ennui, d'impatience Inglese snort, puff Spagnolo resoplido Italiano sbuffata, sbuffo Tedesco Schnauben.

búfidu , nm Definizione s'ària chi si faet cun sa buca bogandhochedha de prumones a fortza; s'ària chi movet su bentu / in d-unu b. = in d-unu sinnu, in d-un'apenas de tempus Sinonimi e contrari bufada, bufetu, ispera 2, púfida, súlidu, súrbiu Frasi a búfidos che fodhe, zughet sos primones a lera de s'apretu Etimo srd. Traduzioni Francese souffle, soufflement Inglese whiff Spagnolo soplo Italiano sóffio Tedesco Blasen, Windhauch.

bufiétu , nm Definizione tródhiu surdu, súlidu mudu chi essit de su pertusu; tabbacu de margiani, genia de codrolinu chi, candho est passau (est in colore de cafè), a dhu tocare si crepat e lassat andhare coment'e pruinedhu Sinonimi e contrari písina / fungubísinu, scapavumu Terminologia scientifica atn, Lycoperdon bovista Traduzioni Francese vesse, vesse-de-loup Inglese fart Spagnolo follón, pedo de lobo Italiano lòffa, véscia di lupo Tedesco Bovist.

bufínzu , nm Sinonimi e contrari bufognu Etimo srd.

búfita búfida

bufitàu , agt Definizione nau de ccn., chi at bufau, alligru a binu Sinonimi e contrari ammuscedrau, bufadu Frasi cuatru piciocus bufitaus funt in s'arruga sonendi e badhendi.

búfiu búfida

bufógnu , nm: bufóngiu, bufonzu Definizione su bufare (fintzes a vítziu), is cosas de bufare Sinonimi e contrari abbumbu, ambua, bevida, bevónnia, bufera, bufinzu, vivinzu Frasi depit iscabulai su bufóngiu, su fumóngiu e papai chena sali! ◊ de bufóngiu che ndh'iat essiu meda e iat imbuidau is carradedhos ◊ cumbidant binu e atru bufóngiu Etimo srd.

bufolínu , agt Definizione chi est imbufadu, ufrau Sinonimi e contrari búfulu.

bufonàda , nf Definizione manera de fàere de is bufones, fata de gente pagu séria Sinonimi e contrari bufoneria Frasi sa bufonada chi as fatu istasera est digna solu de ómine vile Etimo itl. Traduzioni Francese pitrerie, farce, sottises Inglese buffoonery Spagnolo bufonada Italiano buffonata Tedesco Albernheit.

bufonadúra , nf: bufonatura Definizione su bufonare Sinonimi e contrari bufonamentu, bufonu, ciasconu Frasi in bidha narant pro bufonadura: mezus in custu mundhu ricu e sanu, chi no póveru e màrture in su letu! ◊ no est fizu de Deus, ma ereze, e totu ponet in bufonatura! Etimo srd.

bufonài , vrb: bufonare Definizione pigare a unu a errisu, a brullas, a cullonu, a bregúngia, a befa Sinonimi e contrari abbefiare, befai, brugliare, ciascare, collonare Frasi ti ses bufonadu de tanta zente, tue! ◊ a bufonare cun su fogu est comente a si chircare sa morte ◊ bos ndhe sezis bufonendhe, de isse ◊ peri su babbu at bufonau a su fizu prus mannu ca fit galu a códias a si cojubare Etimo itl. buffonare Traduzioni Francese bouffonner, plaisanter Inglese to play the fool, to laugh at Spagnolo vacilar Italiano burlare, buffoneggiare Tedesco verspotten, Possen reißen.

bufonaméntu , nm Definizione su bufonare, su istare bufonandho Sinonimi e contrari bufonadura, bufonu Etimo srd.