A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bugiósu , agt: bujosu Definizione nau de logu, chi dhue at pagu lughe, chi est de colori iscuriosu / arcanu b. = malu a cumprèndhere, chistione mala a ispodhicare Sinonimi e contrari iscuricosu Frasi como sas dies sunt bujosas ca est intrandhe s'ilgerru ◊ su fedighedhu timendho curret a si cuare apalas de is mammas o in su cugigone prus bujosu de sa domo Etimo srd. Traduzioni Francese sombre, obscur Inglese dark Spagnolo obscuro Italiano bùio Tedesco dunkel.

búgiu , nm: buju, buzu Definizione mancamentu de lughe, su no dhue àere lughe nudha / buju mannu = iscuriu mútzigu, mamutu Sinonimi e contrari bujore, iscuru, scoriu Frasi fit andhendhe a su búgiu ◊ fiat unu buju chi si podiat segai a fitas ◊ cichendi s'interrutori a su buju imbruncunàt me is cadiras ◊ cuatru imbrúnchius ap'ai donau a su buju!…◊ si est istesiada dae sa lughe chi li beniat a palas in su búgiu niedhu chi aiat addaenanti Etimo itl. buio Traduzioni Francese ténèbres Inglese darkness Spagnolo obscuridad, tinieblas Italiano tènebra Tedesco Finsternis.

búglia , nf: búlia Definizione cosa chi si narat o chi si faet a ccn. po erríere, a giogu; cosas chi narant chentza chi siant berus / min. buglita Sinonimi e contrari badalocu, bischíglia, brúglia, ciacota, ciasca, cistu, coglionella, tzigota Modi di dire csn: búglia cana, bíschida = brulla manna, mala, giogu de martzocu, ghelea; ómine de búglia = brullanu Frasi no mi at a fàghere una búglia de padre chircante, no?! ◊ su molinu betzu no fit ebbia logu de fadiga, ma de rotólliu ue pro búglia innotzente si riiat isetendhe a maghinare ◊ mai si est annuzadu pro sa búglia, isse Etimo ctl. bulla Traduzioni Francese plaisanterie, raillerie Inglese joke Spagnolo broma Italiano schérzo, corbellatura Tedesco Scherz.

bugliànca bollònca

bugliànte , agt Definizione chi est brulladore, chi istat a brullas, faendho a erríere Sinonimi e contrari brulleri, buglista, ciascheri Frasi no bides chi est bugliendhe, chi s'ómine est bugliante?! Etimo srd.

bugliànu brullànu

bugliàre , vrb: (bu-gli-a-re) buliare Definizione murigare o mòvere a forte, pònnere a tréulu; bogare a fora Sinonimi e contrari abbolojare, abborotai, abbuligiai 1, istriulare, sciumbullai / bulliare Frasi su muntone de su trigu in s'azola si bugliaiat cun triutos pro lu bentulare ◊ nois buliamos s'abba de sas funtanas cun càlamos de ruo ◊ s'abba de su riu est buliada ◊ cantas renas bei at in sa marina, dólimas ti si potant buliare! (Cucca)◊ su bentu sighit a buliare donzi cosa ◊ s'impeleu mi búliat su sàmbene 2. nois buliamis sas ciàciaras a rios Traduzioni Francese bouleverser Inglese to upset Spagnolo revolver Italiano sconvòlgere Tedesco erschüttern, durcheinenderbringen.

bugliàre 1 , vrb: (bu-glia-re) buliai Definizione fàere o nàrrere brullas / búglia bugliendhe = pariat ca no fiat berus e fiat berus etotu Sinonimi e contrari brugliare, bufonai, buglitare, chestiare, ischeltiare Frasi cun su binu candho est bonu no cheret chi si bi búgliet, ca poi chi si che ingúgliet si búgliat de su padronu! (Piras)◊ intrat búglia bugliendhe e s'imbreagat Cognomi e Proverbi prb: búglia búglia si narat sa veridade Etimo srd. Traduzioni Francese plaisanter Inglese to joke Spagnolo bromear Italiano scherzare Tedesco scherzen.

bugliète bigliète

buglighèta , nf Sinonimi e contrari brullichedha, brullita / bugeria.

bugliólu , nm Definizione genia de istrégiu Sinonimi e contrari brugniolu Etimo itl. bugliolo.

bugliòne , nm: bullone 1 Definizione cropu de púngiu; ufradura de cropu, de pistadura Sinonimi e contrari bultzone / abbugnadura, abburrutonada, bugnu 1, bumburusone, burrugnone, ciumbone, cocoroi 1, tzumburisone Frasi ant comintzatu a bídere tzente chin sa cara ghetata e chin carchi bullone in conca e sas manos abbranchiatas (G.Albergoni).

buglísta, buglístu , agt Definizione chi costumat a brullare Sinonimi e contrari brullanu, brulleri Frasi fit un'ómine buglista finas a sa malesa ◊ cantu fit istada allegra e buglista, como Mariedha si fit fata mutzigona ◊ fit un'ómine allegru e buglistu e sas essidas suas faghiant a ríere Etimo srd.

buglíta brullíta

buglitàre brulletàre

búgliu , nm Definizione bentrighedha de su pische Sinonimi e contrari brentígliu Terminologia scientifica crn Traduzioni Francese ventre des poissons Inglese ventriculus Spagnolo vientre del pescado Italiano ventrìglio Tedesco Magen.

búgliu 1 búdhu

bugnadúra , nf: abbugnadura Definizione su abbugnare, ma mescamente una genia de fossu chi abbarrat po cropu, orruta, prus che àteru in istrègios de làuna Sinonimi e contrari abburrutonada, bugnu 1, burrugnone, ciumbone, tzulumbone Etimo srd.

bugnài , vrb: abbugnai, bungiai Definizione fàere giúmburos, pistaduras a un'istrégiu, a unu trastu Sinonimi e contrari abburrutonare, aggatare, ammacigai, atzumbarare, atzumbonare, catulare Etimo srd.

bugnólu brugnólu