A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

partzizòne partijòne

partzòne partòne

pàru , nm Definizione css. animale bistu coment'e genia diferente de dónnia àtera genia de animales: si podet nàrrere de gente, bista però diferente in calecuna cosa (es. ómines, féminas, maistos, impiegaos) e fintzes de àteru Sinonimi e contrari arràcia, genia, iscera, iscrípia, parile, paruzu Frasi teniat cada paru de bestiàmine: berbeghinu, bàchinu, pudhinu…◊ candho sunt runendhe sas crabolas isto sempre pessighindhe cussu paru ◊ su mariane est unu paru malu a ammedhare ◊ bellu paru, sas berbeghes, mih!…◊ cocodrillu famidu, si boltat a su paru sou matessi! 2. bellu paru sezis, sas féminas!…◊ ca sos ómines puru, balla, arratza de paru! ◊ cussa piciochedha impunnat tropu a su paru sodrau ◊ cun su paru fémina no cumbenit a pitzigare! 3. est unu paru de maladia mala, cussa Etimo srd. Traduzioni Francese espèce, catégorie Inglese species, category Spagnolo especie, clase Italiano spècie, categorìa Tedesco Art, Spezies.

pàru 1 , nm Definizione su chelu de sa buca Sinonimi e contrari fabau, pabadali, pabàdulu, pabau, pallàriu Terminologia scientifica crn.

pàru 2 , nm Definizione su parare, istare, firmare Etimo srd.

pàru 3 , nm Definizione orrughedhu de terrenu chi si sèmenat po fàere sa prantàgia Sinonimi e contrari argioledha, atuedha, pipiniera, taulare

parúa pagúra

parusàre , vrb Definizione tènnere o àere a parusu, èssere abbituaos a calecuna cosa Sinonimi e contrari acostumai Frasi cussas badhes sunt parusadas a sos pibios de sos puzones ◊ in bidha issoro no bi lu parusant a fàghere gai ◊ no apèndhelu parusadu no ischint it'est su filonzu ◊ tue parusas s'arte de sa poesia ◊ torro a su logu parusadu Traduzioni Francese avoir coutume Inglese to use Spagnolo soler, acostumbrar Italiano solére Tedesco pflegen (Inf. + zu).

parúsu , nm Definizione su fàere calecuna cosa coment'e costuma, usàntzia, abbitúdine, manera de fàere o impreu de calecuna cosa chi est de medas o fintzes de dura, a tanti tempus / àere a p. = parusare, acostumai a…, connòsciri bèni, abbitai cun…; leare su p. = pigai s'abbitúdini Sinonimi e contrari costuma, usàntzia Frasi sos male intraniados ant a parusu s'ingannu ◊ in bidha nostra a fàghere gai no che l'amus a parusu ◊ custu ordinzu no l'apo a parusu e no l'isco acontzare ◊ est pessone chi no apo a parusu ◊ custu santu faghevaghe pro sos frutos de s’aradu, pro tusorzu e porchinadu beniat postu in parusu (B.Trudhaju)◊ su parusu contat meda Traduzioni Francese habitude, coutume Inglese custom Spagnolo costumbre Italiano consuetùdine, uso Tedesco Brauch.

parúzu , nm Definizione calesiògiat genia de animale / p. marinu = totu is animales de mare Sinonimi e contrari parile, paru*.

pàrziu , pps Definizione de pàrrere Sinonimi e contrari pàfidu, pàrsidu, partu Frasi candho l'est pàrziu s'ora s'est istérriu a dormire.

pàsa , nf Definizione chedhita de bestiàmene posta a cumone e genia de cuntratu de pastoriu (cumoni cun p.); persona chi si pigat a pobidhu o a pobidha, o fintzes, nau de pegus, cumpàngiu po fàere sa loba, de pònnere impare, e sa loba etotu (fintzes ómine e fémina cojuandho); unu matessi tanti de cosa, un'ateretanti, sa matessi cosa de un'àtera Sinonimi e contrari assorte, cedha, fiotu, grústiu, issorta, retolu, tropedhu, truma / cumpàngiu / cioba Modi di dire csn: segare sa p. = segare s'acordu (candho duos sunt pastores a cumpanzos); èssere de p. bona (nadu de ccn.)= de famíllia bona, chi istat bene 2. no ti ant a negai sa pasa, chi bais bestiu de aici! ◊ baidindi, ispiligamba: fillora mia no fait pasa cun tui! ◊ s'animali schéciu no tenit pasa po allobai ◊ po abbarrai bagadia iat refudau totus is pasas ◊ cussa pitzoca no est pasa tua!◊ dhi at domandau sa bíngia promintendidhi una pasa prus bella e prus manna 3. cussus duus giòvunus funt una bella pasa ◊ cussa fémina fiat po issu una pasa de imbidiai ◊ si s'isposant e isbàgliant pasa isposant oe e divórtziant cras! (Tucone) Etimo srd.

pàsa 1 , nf, nm: abàsiu, pasu, pàsiu, pàusa, pàusu Definizione su istare chentza fàere, o fintzes faendho àteru, po passare s'immarritzone, su èssere o istare asseliaos, trancuillos Sinonimi e contrari arreposu, assentu, discansu, ibasu, pàsida, pausamentu / arresetu Modi di dire csn: èssere de malu pasu (nau de unu, pruscatotu pipiu) = malu a drommire, chi prangit meda, iscinitzosu; a pàusu a pàusu = a su pasa pasa, abbellabbellu Frasi no tenet felitzidade e ne pasa ◊ custa criadura est de malu pasu ◊ sas feras ant agatadu pasu in matas e majones ◊ su poboribi dh'ant lassau a pàusu 2. is caus si pesant e iscracàlliant, si cabant e si càlliant pischendi a pàusu a pàusu ◊ apo fatu totu a pàusu a pàusu Etimo ltn. pausa Traduzioni Francese calme, repos Inglese rest Spagnolo descanso Italiano quïète, ripòso Tedesco Ruhe, Stille.

pàsa 2 , prep: pasi, pàsiu 1 Definizione in pasa mia, tua, sua, in pasi de… = in parte mia, tua, sua, a su postu meu, tuo, suo, imbetzes de…, in ponti de… Sinonimi e contrari fasi Frasi tui bai, gei abarru dèu in pasa tua ◊ a sa gherra dhoi andu dèu in pàsiu de samartzei ◊ issu at cantau is gòcios in pasa de su preide ◊ in pasa de su càstiu chi fais ita ti donat su meri? ◊ su late, Pitanu, dh'iat cagiau in pasa de Boredhu.

pasàda , nf Definizione su pausare, su cessare de su fàere unu tanti de ora Sinonimi e contrari firmada, impasada, isposta, pasadorja | ctr. cadha, impodha, munziada Frasi sighiat a pasadas, a colpos frimmos, tessindhe in su telarzu Etimo srd. Traduzioni Francese repos Inglese rest Spagnolo descanso Italiano riposata Tedesco Rast, Ruhe.

pasàda 1 , nf: posada Definizione domo o famíglia inue, in bidha angena, s'istràngiu si firmat a passare sa note, a papare, po amighéntzia prus che àteru, ma fintzes a pagamentu Sinonimi e contrari staria Frasi est corcadu in domo de sos amigos de pasada ◊ daghi andhas a bidha istranza, ue la tenes sa posada? ◊ teniat una posada chi bi andhaiat zente meda ◊ dades posada a dogni ànima afligida Etimo ctl., spn. posada.

pasadéri , nm: posaderi, posateri Definizione mere de una posada Sinonimi e contrari osteriàrgiu Frasi sa posatera at postu sas paches in totu custu tropéliu ◊ su posaderi mi at domandau is documentus Terminologia scientifica prf.

pasadólzu, pasadórgiu , nm: pasadorzu, pasatorju, pasiadroxu, pausadórgiu, pausadroxu, pesadolzu, posadorzu Definizione tretu o fintzes pedra manna inue andhat bene, o si costumat, a si arrimare a pausare, a si pònnere a cicire / pedra pasadorza = pedra fata o posta po si dhue pòdere cicire a pausare Sinonimi e contrari abbarradroxu, istuadroxu / ttrs. pusadógiu Frasi candho fit istracu si pasaiat in cussu pasadorzu ◊ candho sunt lómpidos a su pasadorzu si sunt sétidos ◊ batindhe linna a codhu, faghiant oto e deghe pasadorzos ◊ andhandho andhandho furint arribbaos a unu pausadórgiu ◊ a cantu arrivit a su pesadolzu, tota die messendhe! Etimo srd.

pasadòrja , nf Sinonimi e contrari pasada Frasi at fatu una pasadorja Etimo srd.

pasadórzu pasadólzu