A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

traèssa , nf: traversa, travessa, tressa, truessa Definizione css. cosa posta o fata de traessu, a istúturu (in su sensu destra/manca in raportu a ananti/apalas): orrugu de linna, ferru, muru o àteru; fintzes tretu in mesu de duas puntas de monte po passare de una bandha a s'àtera; cosa in contràriu Sinonimi e contrari istanca, taulone, travedha / murallone Frasi in su palinzu bi amus fatu traessas pro fàghere iscra a ortu ◊ su fundhu de su carru est a traessas ◊ sa sedha, pro muntènnere sos duos arcos, zughet traessas ◊ sa truessa de su stàuli, is truessas de sa ferrada 3. si ti bollit cussa, po nosu non ci funt travessas! Etimo ltn. tra(n)sversa Traduzioni Francese entretoise, barrage Inglese crossbar, blockage Spagnolo travesaño, barrera Italiano travèrsa, sbarra, sbarraménto Tedesco Querbalken, Absperrung.

traessàda , nf Definizione su traessare, su passare de una bandha a s'àtera de unu logu Sinonimi e contrari rucrada, zampada Frasi una bolta, in d-una traessada in sa nae Ólbia-Civitavécchia, li fit capitadu de dividire sa cabbina cun àtere Etimo srd.

traessài , vrb: atraessare, traessare, traversai, traversare, travessai, travessare, tressai, tressare Definizione passare a istúturu, passare in d-unu logu o in d-una cosa andhandho de una bandha a s'àtera, passare in mesu, istare in giru, pònnere in mesu fintzes a istrobbu, a intzegu; acapiare, passare lobos de cosa po acapiare Sinonimi e contrari aggrucare, atravigare, atreminare, atruessai, ruciare, tressiri / atrociai, liai, prèndhere Frasi un'istella che coa de fogu traessat s'aera ◊ traessendhe unu frúmene ch'est rutu su ponte ◊ fustei no si tressit in mesu! ◊ de candu ses tressendudí in mesu de peis!…◊ candu si dhui tressat su diàulu isciúsciat totu ◊ acanta de s'arriu si est tressau unu e si ndi est atzicada 2. portat truncus tressaus cun funis e filu de ferru ◊ po guvernai nci bolit fortza e coru firmu ca est genti mala a tressai ◊ ti bollu tressai in su tzugu una cannaca Etimo ltn. tra(n)sversare Traduzioni Francese traverser, parcourir Inglese to run through Spagnolo cruzar, recurrir Italiano attraversare, percórrere Tedesco durchlaufen.

traessàle , nm Definizione bentu isolocu, chi benit intr'e levante e mesudie Sinonimi e contrari isolocu 1, solopu Terminologia scientifica tpm Traduzioni Francese sirocco Inglese sirocco Spagnolo siroco Italiano sciròcco Tedesco Schirokko.

traessàlza , nf Definizione pígiu de carre, músculu, postu a istúturu a mesania de sa carena chi, tra sa càscia e sa bentre, aintru, ispartzit su coro e is prumones apitzu (o a sa parte de sa conca in animales a bàtoro peis) de totu s'àteru asuta (o a sa parte de is cúmburos); in logu de monte, in terrenu trebballau (es. bogau a bíngia), birada, tretu de terrenu unu pagu prus ciciu comente arresurtat faendho muru in paris a istúturu Sinonimi e contrari parasàmbene 2. tiu Zusepe fuit in sa traessalza prus alta de su campusantu Terminologia scientifica crn Traduzioni Francese diaphragme Inglese diaphragm Spagnolo diafragma Italiano diaframma Tedesco Diaphragma.

traessàre traessài

traessàrzu , agt, nm Definizione chi faet trevessuras, dannos, chi est malu; bentu fridu Sinonimi e contrari traessu Frasi su mese de santandria est unu mese traessarzu cun bentos e traschias Etimo ltn. tra(n)sversarius.

traessíle , nm: travessile, tressili Definizione travedha de su banchitu, posta de traessu a grughe cun àtera; travedha de rinfortzu in is peis de una mesa; in s'arau, s'arredrau, orrugu de linna chi poderat is origas allobadas a daesegus / min. traessiledhu: orrugu de linna bullonau acostau, a sa parte de fora, a s'istampu ue, in is taulones de su carru, intrant is cannelas de is gerdas Etimo srd.

traéssu , agt, nm: traversu, travessu, tressu, trevessu, truessu Definizione chi est postu a istúturu, fintzes cosa chi si ponet inue si passat, a istrobbu; nau mescamente de unu po su fàere, sa manera de pentzare o àteru, chi o chie afilat a trotu, no iscurtat cossígiu perunu, no faet cunforma a s'arrexone, a su giustu, a comente andhat méngius Sinonimi e contrari arrevésciu, bizarrosu, rebelde, rebessu, solàsticu / doltu, tostorrudu, traessarzu | ctr. daretu / achistiadu, arrejonadu, giudisciosu Modi di dire csn: andai o èssiri a trevessu = andhare perilloi perillai, istare in ziru, tràstama tràstama; fai fillus a trevessu = cun s'una e cun s'àtera, cun àteras féminas (o cun àter’ómine); trebiri a pei trevessu = a pes fadhidos (betendhe sa trobea a unu pè de nanti e a unu de segus ma de s'ala contrària); fai camminu travessu = iscassiare e cambiare caminu; a truessu, de truessu, de traessinu = de rugadis; segai de tressu a unu = faedhare male, irbrunchiare a unu; a trotu e a traessu = a dortu e a rugadis, de donzi manera; a tressu = a un'imboe, a corru, andhendhe e miminendhe; trevessu che sa linna mala, che un'arroda = chi andhat a dortu meda, chi no afilat nudha; fai a su travessu de… = a su contràriu, a su revessu de…; pònnere una cosa a travessu = a s'imbesse; muru traessu = traessa Frasi at pigau una bia truessa 2. s'animale traessu no tzucat, abbarrat prantau arregoglindhe sos cropos ◊ nemos ti perdonat, de cantu ses travessa! ◊ s'ómini trevessu no dhu ponit in carrera ni Deus e ni santus ◊ est zente travessa at su coro duru ◊ sa dessisione furiosa naschet travessa ◊ cussos arregionant a traessu! 3. temporadas a trotu e a traessu fint gioghitos pro me ◊ sa tendina fut ghetara a longu e a tressu ◊ si dhi fut postu de truessu in su gúturu e no dh'iat ingurtiu ◊ prima de andai a un'abbogau fiat sempri a trevessu, timendi ◊ fusteti est fadendu a su travessu de su chi depit ◊ custu andhandho poniat a su cuadhu sa ferradura a travessu e faiat finta de èssere benindho Etimo ltn. tra(n)versus Traduzioni Francese transversal, idiot Inglese crosswise, fool (ish) Spagnolo transversal, necio Italiano travèrso, stólto Tedesco querliegend, Quere, dumm.

trafajòni trabajòni

trafanàre , vrb Sinonimi e contrari tramassai.

trafanéri , agt, nm Definizione chi o chie ordimíngiat calecuna cosa a dannu de s'àteru, a trampa, a iscúsiu Sinonimi e contrari imbodhicheri, inzomadore, trampaneri, trancamallosu.

traficài trabicàre

tràficu , nm: tràfigu Definizione movimentu mannu de gente e mescamente de mezos de trasportu, màchinas, trenos e àteru.

tràficu 1 , nm: tràvigu 1 Sinonimi e contrari calàbriche*, calàbriu, calarígiu, coàrviu Terminologia scientifica mt, Crataegus monogyna.

trafigàre trabicàre

tràfigu tràficu

trafúciu trabútzu

tràga , nf, nm: tragu Definizione dispraxere mannu Sinonimi e contrari amalgura, amargori / cadha Frasi dae su càlighe de su mudímine chi ndhe birat disisperu li conto làgrimas de tragos cundhidos cun fele (L.Brozzu)◊ sufrit finas a morte dies de tragu e de dolu ◊ olvida sos tragos de sa malasorte! ◊ ahi, mi das tragos: mi acusas chi ti apo s'amore afaltzadu! ◊ li do tragos e malu passare ◊ pro tenner fizos medas, mezus pagos: ma mezus nudha, pro no tenner tragos! (Moretti)◊ proesit tragu mannu ca fit vint'annos chi no lu bidiat 2. aite a li ammentare cussas cosas chi piús de tragas de fele no li podent dare? Etimo spn. trago Traduzioni Francese amertume, chagrin Inglese sadness Spagnolo amargura Italiano amarézza, dispiacére Tedesco Traurigkeit, Bedauern.

tràga 1 , nf Definizione pedra de argiola, sa chi si ponet a tragu a is animales treulandho laore Sinonimi e contrari tragu 1, tràngulu.