A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

balladúra , nf Definitzione sa manera de ballare, de si mòvere coment'e ballandho Sinònimos e contràrios badhamentu Ètimu srd.

ballàe, ballài badhài

ballàllara, ballàllari , nf, nm Definitzione su istare move move de sa cosa posta male o pagu firma / istare in b. = coment'e in tàntaris, in cancalleu, como orruet posca no orruet, pagu seguru Sinònimos e contràrios cancalleu Frases l'aiat chérfidu bídere mesu mortu, cun sas ancas resas, atacadu a sa fune, in ballàllaras ◊ sa domedha sua fit in bàllallara, acadhichinada in d-una raina ◊ at postu su pè in ballàllara e trodhuladu ch'est a terra Ètimu srd. Tradutziones Frantzesu manque d'aplomb Ingresu staggering Ispagnolu tambaleo, Vacilación Italianu traballaménto Tedescu Wackeln.

ballalloàta , nf Definitzione fata de ballalloes, cosa metzana Ètimu srd.

ballallòe, ballallói, ballalói , agt, nm Definitzione chi o chie est pagu abbistu: foedhu po unu bonu a nudha Sinònimos e contràrios babballucu, ballullu, bichillocu, canivete, innóchidu, lolle, mentzosu Frases unu pódhighe inditat sa luna: su ballalloi mirat su pódhighe ◊ cussa est una fémina ballalloa ◊ est restatu a buca abberta che ballalloi ◊ so de abberu unu criu de casu friscu e unu ballalloi! ◊ s'ómine chi no est istirau a minore torrat a risu de cada unu, resurtat unu ballaloi Ètimu srd. Tradutziones Frantzesu crétin, idiot, imbécile Ingresu idiot Ispagnolu bobo, tonto Italianu cretino, fésso Tedescu dumm, Tölpel.

ballancàu , nm Definitzione genia de bobboi chi si movet coment'e ballandho: calagasu prus che àteru de cussos chi essint a denote Sinònimos e contràrios bellacasu, cabagasu, carravarina, lepilepi, maniposa, pabedha, seisei Terminologia iscientìfica crp Ètimu srd.

ballangílle , nm Definitzione s'ala de apalas de is cartzas.

ballànsa, ballàntza , nf: abballansa, ballàscia, ballassa Definitzione manera de fàere pagu bregungiosa o chi faet a bíere chi unu tenet fide in s'àteru: si narat mescamente de is pipios chi si cumportant chentza timoria cun is mannos, de s'istràngiu cun sa gente chi dhu allogit, ma fintzes de chiesisiat candho si cumportat cun s'àteru coment'e cun gente de domo, cun gente connota chi tenet a parusu Sinònimos e contràrios alabantza, calàbria, confidàntzia, fidàssia, modhore, ollantza, traténtzia Maneras de nàrrere csn: intrare in b. = leàresi ballassa; nàrrere o fàghere ccn. cosa in ballassa = pighendisí cunfiantza Frases cussu pisedhu si est lendhe tropu ballassa: inoghe faghet che in domo sua ◊ mi leo ballassa e àlcio a s'aposentu sou ◊ si los chitzis, unu pisedhu o un'animale no si leant ballassa ◊ chin issas bi aia un’atzicu de ballassa, che a bonu vichinu Ètimu itl. baldanza Tradutziones Frantzesu familiarité Ingresu confidence Ispagnolu confianza Italianu confidènza Tedescu Vertraulichkeit.

ballantzínu balansínu

ballantzòni , nm Definitzione orrugu de linna chi si ponet acanta a sa punta de su carru, pendhe pendhe, po dh'aguantare in paris candho est firmu arrimau Sinònimos e contràrios ballantzinu, cotzedha, potenti 1.

ballàre badhài

ballariàna balariàna

ballariàna 1 , nf Definitzione una genia de giogu, badharincu, bardúfola pitichedha Sinònimos e contràrios badhadrufa, badharóculu, badrufa, crócua, marrócula Terminologia iscientìfica ggs Ètimu srd.

ballariànu , agt, nm Definitzione chi o chie dhi praghet a ballare, chie est ballandho, est bonu a ballare; nau de cosa posta, chi no est tanti firma, chi ballat Sinònimos e contràrios badhadori, badharinu Frases in d-un'iscuta si est agatada ingullida dae su fiotu de sos ballarianos ◊ cussa pitzinna est una ballariana de circu Ètimu srd. Tradutziones Frantzesu danseur Ingresu dancer Ispagnolu bailarino Italianu ballerino Tedescu tanzend, Tänzer.

ballarína , nf Definitzione genia de pigione: coeta o culisàida bianca Frases in s'ata de sa roca sa ballarina alada girat che fusu… Terminologia iscientìfica pzn, motacilla alba.

ballaríncu, ballarínu badharínu

ballarócu badharócu

ballaròdha , nf Definitzione birilla de crecu; genia de cosa tundha, comente funt is frores de s'otziau (ortiga) fémina Sinònimos e contràrios bachica, badharola, cocoredha Frases sa ballarodha la culliant pro tínghere su furesi 2. su pistiori fachet sas ballarodhas.

ballàscia, ballàssa ballànsa

ballastràxu , nm Definitzione paristàgiu, ma fintzes armàriu in su muru.