A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

serritzína , nf Definitzione serra pitica, logu, montighedhu longu Sinònimos e contràrios serrighinu Frases nos seus apalas de sa serritzina ◊ at fatu cúrrere su cuadhu fintzes a sa serritzina Terminologia iscientìfica slg.

serrocàre sarracràre

serrogàu sarragàu

serrógnu , nm Definitzione su serronare, serronadura, segadura a serrone Sinònimos e contràrios secadura, serradura 1, serramentu, serrononzu Ètimu srd.

serrógu , nm Definitzione sa moida o sonu chi faet cun su gúturu, cun sa buca e su nasu unu dormiu chi arrespirat male Sinònimos e contràrios arrughidura, sarragamentu, sarragu, sarraju Ètimu srd.

serronài, serronàre , vrb: asserronai Definitzione segare a serrone, bogare a taulones truncos mannos; in cobertantza, tènnere ideas unu pagu macas, istare abbetiandho chentza tènnere arrexone, prànghere po vitziedhos Ètimu srd.

serròne sarròne

serróngiu , nm Definitzione totu su chi serbit a serrare, su chi serrat su logu Sinònimos e contràrios abbucadura, chijura, serru Frases no essendudenci perunu serróngiu, su pastori depiat billai dí e noti (E.Quartu)◊ su trèmini fut a serróngiu de linna Ètimu srd. Tradutziones Frantzesu enceinte Ingresu enclosure Ispagnolu recinto cerrado Italianu recinzióne Tedescu Einfriedung.

serròni sarròne

serroníta , nf: sorronita Definitzione serra pitica Sinònimos e contràrios serrachinu, serredha, serrita Terminologia iscientìfica ans Ètimu srd.

serronónzu , nm Definitzione su serronare, serronadura, segadura a serrone Sinònimos e contràrios secadura, serradura 1, serramentu, serrognu Ètimu srd. Tradutziones Frantzesu sciage Ingresu sawing, cut Ispagnolu el serrar, corte Italianu segatura, tàglio Tedescu Sägen, Schnitt.

serronósu , agt Definitzione nau de ccn., chi abbétiat chentza tènnere arrexone, tostorrudu / berbeghe s. = badhinosa, méria Sinònimos e contràrios serronudu Ètimu srd.

serronúdu , agt Sinònimos e contràrios cónchinu, perrosu, testarrudu Ètimu srd.

sèrros scèrrus

sérru , nm Definitzione totugantu e css. cosa chi serbit a serrare Sinònimos e contràrios abbucadura, chijura, serróngiu Maneras de nàrrere csn: fai una cosa a s. = cun inzotu, cun dificurtade; èssere o donai a s. = a mindigu, pagu pagu, a retentu 2. faci de Lutziferru… ancu pani tostau a serru dhi dòngiant! ◊ tenit cartzonis e camisas a serru e ch'incapat de s'isfundi no si ndi podit mancu cambiai ◊ maistu chi tallat a serru, cosendu arruit in bregúngia (P.Cappai) Sambenados e Provèrbios smb: Serru Ètimu srd. Tradutziones Frantzesu fermeture Ingresu shutting Ispagnolu cierre Italianu chiusura Tedescu Verschluß.

serrúciu , nm Definitzione aina a lama larga o istrinta, a dentes a un'ala, po segare linna, pudare, de pigare a una manu Sinònimos e contràrios sarracu Frases eus circau tàulas, púncias, martedhu e serrúciu po fai su baulu (R.Boi) Terminologia iscientìfica ans.

sersenài , vrb Definitzione torrare a prus pagu, menguare is ispesas, arrisparmiare Sinònimos e contràrios cercinae, menguai Frases non s'ispendit che una borta, sersenendi a peis in terra (G.Solinas) Ètimu spn. sercenar.

séru , nm: sieru Definitzione su si serare, su cunsiderare bene totu is cosas, sa capacidade de si acatare de una cosa e de dha cumprèndhere Sinònimos e contràrios àrviu, imprastu, saeru, selembru, sinnu Maneras de nàrrere csn: male chentza s. = male (fintzas pecu, físsiu) chi unu no si lu connoschet; fémina, ómine de s. = abbistus, àbbilis, atentus, giuditziosus; cane de s. = chi abbizat; leare su s. de carchi cosa = leare oru, àrviu; fora de seru = fora de tinu, chi no atinat, ammachiadu; èssere in seru = in tinu, zustu de conca Frases sas criaduras sunt chentza seru, ma su mannu depet atuare a su chi faghet! ◊ de sa note chi ant segadu a pedra sos bidros de sos barcones nche li est intrannadu unu seru malu ◊ cussu est macu chena seru ◊ a sos fizos de seru su nuraghe mustrat luntanas andheras ◊ est galu a seru sanu mancari apat giampadu sos chent'annos ◊ carimanna, si seru aias tentu ti fist assolada che murone! (M.Murenu)◊ tue morta e deo… ancora so in seru?! ◊ ses resultadu sentza cunsideru ca in sa conca no giughias seru ◊ faedha sintzeru, prite ue sia no ndhe tenzo seru ◊ cussa est genti chen'e sieru! Ètimu srd. Tradutziones Frantzesu jugement, sagesse, conscience Ingresu judgement, consciousness Ispagnolu juicio, sabiduría, conciencia Italianu sénno, giudìzio, saggézza, consapevolézza Tedescu Verstand, Vernunft, Weisheit, Bewußtsein.

séru 1 , nm Definitzione sa parte abbosa de su sàmbene Terminologia iscientìfica crn Tradutziones Frantzesu sérum sanguin Ingresu serum Ispagnolu suero de la sangre Italianu sièro del sàngue Tedescu Blutserum.

sèrva , nf Definitzione su istare giaendho atentzione, badrandho / fàghere s. = orbetai, iscocare is animales po dhos cassare Sinònimos e contràrios oretu Ètimu srd.