Abbreviations Legenda | Symbols Legend

iscampiàre , vrb Definition andhare o essire a bíere, o fintzes po si giare a bíere (nau de s'aera, ispalatare, iscrarire); bíere de atesu / iscàmpia sa conca! = boga sa conca!, incàradi a bídere! Synonyms e antonyms acarare, acerare, acherare, acontrare, acrarare, afacare, bídere, cumparire, essire, imbraconare, incarai, inciarare, ingiarare / ispalaciae Sentences si est aperta sa zanna e tandho est iscampiada issa ◊ erisero est iscampiada un'ànima dolimorjosa a mi nàrrere de bènnere ◊ sas crocas iscàmpiant apenas cumintzat a pròghere ◊ su sole onzi tantu iscampiabat dae palas de sas nues ◊ ti torras a iscampiare e ti amus a dare sa risposta ◊ si s'aera s'iscàmpiat in bonu essimus 2. mai in sa vida si torret a iscampiare! ◊ mai s’iscàmpiet su triballu: como mi paso! ◊ las ant iscampiadas dae tesu, a issas Etymon srd. Translations French se montrer, apercevoir dans le lointain English to lean out, to perceive in the distance Spanish asomarse, divisar Italian affacciarsi, scòrgere da lontano German sich zeigen, erblicken.

iscamullàre , vrb Definition segare in tretu grussu naes bècias, pudandho Sentences iscamullat bratos chi s'iberru at rucrau de su linnaresu Translations French écimer English to lop (off) Spanish desmochar Italian scamozzare German beschneiden.

iscamurràre , vrb Definition segare is naes de is matas de s'ingruxadura, a isconcadura Synonyms e antonyms immutzudhare, irgruxae, irruigare, scabitzai Translations French étêter English to pollard Spanish desmochar Italian scapitozzare German kappen.

iscamurriàre , vrb Definition giare una briga Synonyms e antonyms afrontai, agiostrare, atzuridare, cadojare, rumbicare, istidingiai Etymon srd. Translations French réprimander English to reprimand Spanish reprochar Italian rampognare German Vorwürfe machen.

iscancarài, iscancaràre , vrb: scancarai Definition mòvere o iscravare is càncaros a un'apertura, bogare de is grofales, bogare de pare; iscabbúllere de calecuna cosa / iscancarata de risu = iscacagliada; iscancaraisí de mandai, donai cosa = smeraisí, isperrumàresi Synonyms e antonyms iscancaredhare, iscancaritare, isconsiminzare, spulliciae / iscabbúllere 2. fit trabballante e netu de bíssios, ma su èssere aggarrau est maladia mala a iscancarare 3. a intèndhede su teu de una mamma po su fizu che iscàncarat s'ànima ◊ papo calecuna cosa tantu po che iscancarare su fàmene 4. cussus no si funt iscancaraus mai de mandai unu moi de trigu! Etymon srd. Translations French faire sortir des gonds English to unhinge Spanish desquiciar, desgoznar Italian scardinare German aus den Angeln heben.

iscandhulàre , vrb: iscandulai Definition giare o fàere iscandhalígiu Synonyms e antonyms iscandalisai, iscandhulire, iscandhulizire Sentences is fariseus si funt iscandulaus ascurtendi is fuedhus de Gesús ◊ iscandulendusí s'iat istraciau su bestimentu ◊ seu che lana in mesu de ferrus: de una parti cussa fémmina chi m'istat iscandulendi, de s'àtera fusteti chi mi at certau ◊ si fatzu cussu m'iscàndulant in totu sa bidha! ◊ naraiat cosas chi faghiant ispantare e iscandhulare, poniant in pispinzu sas cuscénscias Translations French scandaliser English to scandalize Spanish escandalizar Italian scandalizzare German skandalisieren.

iscaniài, iscaniàre , vrb Definition no àere làstima, fàere su cane, tratare male Synonyms e antonyms incaniare Sentences Deus no iscàniat mai is chi si cunfessant pecadoris Translations French être cruel English to be cruel Spanish endurecerse, no tener corazón Italian èsser crudèle, non aver compassióne German herzlos sein, mitleidlos.

iscansàe, iscansàre , vrb: iscansiare, iscantzai, iscasciare, iscassare, iscassiare, scantzai Definition cambiare camminu, pigare àtera istrada, intrare a unu logu passandho in su camminu o in s'orruga, tirare una cosa a una parte; trantzire a una parte, fintzes lassare una cosa; pèrdere su sentidu, ammachiare po ccn. cosa Synonyms e antonyms cansai 1, ilmanchinare, irvertzare, stressiai / ammachiae, dischissiare, ischisciai 1, fatzellare, irbariare, vogliare Idioms csn: i. dae sedha = rúere dae cadhu; iscasciare a rídere = imbucare a ríere; iscasciare de una régula, de unu pretzetu, de una leze = iscassedhai, fartai Sentences candho pioet, iscàscias trazendhe cantu agatas ◊ no iscantzu prus de s'arrastu miu: su sardu in su coru dèu mi allogu! (M.Pani)◊ custu caminu che iscàssiat a Ulíana ◊ no si arrimant in su caminu vonu e iscàsciant in gúturos ◊ recuindhe semus iscansiados a sa funtana ◊ lu timiant e iscassaiant caminu si l'imbeniant ◊ no iscasses dae sa leze! 2. mergiani iscantzat s'arbei e ndi pigat s'angioni!◊ no est arrennésciu a iscantzai unas cantu iscoitadas de zirónia! 3. Fulana pro pagu no est iscasciada candho l'at lassada s'ammoradu ◊ sas rúndines fuent iscasciadas ◊ de unu chi s'est iscassatu narant "Meschinu!"◊ seo a dolore de conca iscassianne! 4. mastru Tilipu iscàsciat a rídere, cantu at intesu su contu ◊ dae custu lutrinzu no si podet iscasciare Etymon srd. Translations French tourner, sortir, esquiver, devenir fou English to sidestep, to go mad, to deviate Spanish doblar, torcer, apartarse, enloquecer Italian deviare, scansarsi, impazzire German abweichen, ausweichen, wahnsinnig werden.

iscantaràre , vrb: iscanterare Definition foedhandho, su ch'essire fora de su chi si podet nàrrere cun seriedade o giudítziu, cun cabu, cantare a isambruliadura, a isciolóriu Synonyms e antonyms iscantonare Sentences bah, bah, bois puru, como, fatu a ómine mannu sezis iscantarendhe: dae conca bos benit a nàrrere cosas gai?!…◊ cantat tota note sa tonca e nos faghet cumpanzia, fintzas si nos iscàntarat sa conca Etymon srd. Translations French dire des fadaises English to talk nonsense Spanish tontear Italian parlare sènza giudìzio, dire scipitézze German irrereden.

iscanterjàre , vrb: iscanterzare, iscantrexai, scantergiai Definition pigare a iscanterjadas, a ciafos, a bussinadas Synonyms e antonyms abbofetai, ilciafitare, irbirroncare, iscarigai Sentences si m'iscanterzant su càvanu mancu, geo lis paro su càvanu drestu Etymon srd. Translations French gifler English to slap Spanish abofetear Italian schiaffeggiare German ohrfeigen.

iscapàe, iscapài , vrb: iscapare, isciapare, scapai Definition lassare, lassare andhare cosa poderada, acapiada o isserrada (fintzes bogare de presone), bogare sa fune a un'animale (nau sèmpere po animales mannos), lassare orrúere; bogare de cabu faendho una faina a s'acabbu de sa giorronada (i. de); nau de su pipiu, cumenciare a camminare a solu; cumenciare, imbucare a fàere, a trebballare (i. a)/ pps. iscapadu, iscapu Synonyms e antonyms ammollai, cèdere, imbrocare, imbucare, irfunare, lassai | ctr. aferrai, aggarrai, muntènnere, prèndhere, sessare, tènnere Idioms csn: i. s'abba = istupare carchi isterzu o bartza prena de abba a manera chi custa che essat: nadu de sas nues, pròere; i. a prànghere, a ríere, a cúrrere = imbucare o comintzare totinduna a prànghere, a ríere, fuire su prantu, su risu, a cúrrere Sentences iscapa cussa cosa, no la muntenzas! ◊ sos massàgios iscapeint sos boes a pàschere ◊ su babbu l'iscapeit a pitzinnu minore in fatu a bàtoro sues ◊ annuadu za est, ma no iscapat abba ◊ apenas su gridadori donat su signali de iscapai, s'ègua nci essit che unu guetu ◊ ant iscapu su presoneri ◊ cussu abarrat fintzas cuíndixi dís cun su murru sentza de iscapai unu fuedhu! ◊ iscàpache s'abba de sa bartza e abba s'iscra! ◊ candho bidiabamus cudha cantandhe noche iscapabat su risu ◊ iscapadhi is canis ca bis comenti si ndi andat, cussu! 2. a it'ora iscapades su sero? ◊ abbàita sos pitzinnos ca m'iscapo a domo de mamma! 3. e it'est, filla tua oi at iscapau língua? no fuedhat mai! ◊ s'àcua de sa pingiara at iscapau su búdhiru 4. isciapant a fughire… cada brincu iscudiant una ruta! ◊ s'iscapas a nàrrere, tue puru za…: ses isazerendhe! ◊ sa mama at iscapau a prànghere timendhe pro su fizu Etymon itl. scappare Translations French lâcher English to burst (out), to let go Spanish soltar Italian mollare, liberare, prorómpere German freilassen, ausbrechen.

iscaratzàre , vrb Definition bogare, tròchere sa caratza, ammostare sa cara po su chi est; giare a ischire, isprubbicare, cosa cuada de ccn. Synonyms e antonyms ifatzolare, irvisierare, iscarotare | ctr. caratzare Sentences sas màscaras chi andhant a una domo candho las cómbidant s'iscaratzant pro si fàghere a connòschere Translations French démasquer English to unmask Spanish desenmascarar, descubrir Italian smascherare German die Maske abreißen.

iscarbàre , vrb: iscarbiare, iscarviare Definition iscambare, segare o iscosciare is carbas, is cambos mannos de is matas; fintzes iscúdere a carba, pigare a cropos de nae Synonyms e antonyms irbrancare, iscarbiedhare, strassalai Sentences mai ne tronos e ne lampos ant pótiu iscarbiare unu bratu foziu de cussu chercu 2. sas cambas de sos éliches, gàrrigas de nibe, no aiant réghiu a su pesu e cada tantu si bidiant pendhendhe iscarbiadas 3. zuchiat sos ocros iscarbiaos de dolore Etymon srd. Translations French abattre English to break Spanish descuajar Italian schiantare German ausreißen.

iscarchiàre, iscarchinàre , vrb: iscarcinae, scarcinai Definition catzigare, cracare cun is peis po pistare sa cosa; fintzes istribitare, acropare is peis a terra lestros po protesta, fàere su rebbellu Synonyms e antonyms acacigai, acarcangiai, iscarchedhare Sentences at cumintzatu a iscarchiare fachenne un'ispétzia de ballu supra de su sacu de s'àchina in su lacu Etymon srd. Translations French fouler, appuyer English to crush Spanish pisar Italian pigiare, gualcare German pressen, walken.

iscaressíre , vrb: iscaretzire Definition agiummai coment'e a si ndhe bogare sa caratza, ammostare sa cara, bogai faci, foedhare a cara arta chentza bregúngia, cun atza; fintzes giare amparu a partzialidades Synonyms e antonyms abbogare / racumandai Sentences a unu de Tàtari mi so iscaretzidu e l'apo fatu a zigota: bi las apo cantadas bàtoro istrofas!… 2. ma chie ti at iscaressidu?, su píscamu?! Etymon srd. Translations French affronter, braver English to face people boldly Spanish encarar, afrontar Italian farsi avanti, affrontare le persóne con coràggio German vortreten, entgegentreten.

iscariolàre , vrb Definition guastare sa cara a cropos o cun calecuna cosa Synonyms e antonyms iscempiai, iscroniai, sciguriai Etymon srd. Translations French balafrer, défigurer English to disfigure Spanish desfigurar Italian sfregiare, sfigurare German verunstalten, entstellen.

iscarpedhàre , vrb: iscrapedhare Definition trebballare a iscrapedhu Synonyms e antonyms iscrafedhai Sentences mi so postu a iscrapedhare unu santugristos ◊ ndh'as iscarpedhadu de crastos, tue!… Etymon itl. scalpellare Translations French sculpter English to sculpt Spanish esculpir Italian scolpire German hauen.

iscarrafài, iscarrafàre, iscarrafiàre, iscarranfiai, iscarranfiare , vrb: iscarraviare, iscrafiare, scarafiai Definition fàere iscarràfios, aungadas, passare ccn. cosa arrasigandho a forte de lassare sa pedhe (o àteru) segada, de ndhe pigare unu pígiu, ma fintzes solu iscràfere po papíngiu; fàere frigadas, sinnos coment'e iscarràfios; in cobertantza, furare Synonyms e antonyms abbranchiare, afranchiare, arrancare, arranculare, farrancare, iscalaviare, iscarfiolare, rafiare / furai 2. sos pitzinnos fint iscurtzos, cun sos pes acorzolados e iscarraviados dae sas ispinas (E.Pes)◊ cudhu de comente at trambucadu fuit totu iscrafiadu Etymon itl. sgraffiare Translations French griffer, égratigner, gratter, scarifier English to scratch, to scarify Spanish arañar, rasguñar, escarificar Italian graffiare, scarificare German kratzen, schröpfen.

iscarragiàre, iscarragliàre , vrb: iscarrarjare, iscarrarzare, iscarraxai, scarragiai Definition tròchere, trantzire sa cosa chi est serbia a carragiare, po ammontu, bogare de asuta de su carrarzu, de suta de terra; limpiare cosa o logu, pinnigare de unu logu sa malesa meda chi istrobbat mescamente inue depet passare ccn. cosa; iscabbúllere de ccn. cosa, de ccn. Synonyms e antonyms iscabbúllere, isciunterrai | ctr. carragliare, incarralzare Sentences iscarrarza sa bràsia ca faghimus su fogu! ◊ cussa cora cheret iscarrarzada, ca no colat s'abba ◊ custu logu cheret iscarrarzadu, remonidos sos trastes e assentada sa linna ◊ preides e literaos no furint istétios capatzos de ndhe iscarragiare s'iscusórgiu ◊ trigàglios goi iscarràgliant su mundhu de sa cultura Etymon srd. Translations French déterrer English to disinter Spanish desenterrar Italian dissotterrare German ausgraben.

iscarríre , vrb Definition segare sa carre, sa prupa de s'ossu, orrunchinare; pèrdere sa prupa comente unu illàngiat Synonyms e antonyms irromasire, isprupare, ispurpire Sentences de cudhu teracu mumudinu sos porcos acorrados si ant iscarridu finas sos ossos Etymon srd. Translations French décharner, maigrir English to strip the flesh, to thin Spanish descarnar Italian scarnire, dimagrire German entfleischen, abnehmen.

«« Search again