A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bàcinu bàchinu

bacínu 1 , nm Definizione su tretu de sa carena tra is duos ossos de is lumbos Terminologia scientifica crn Traduzioni Francese bassin Inglese pelvis Spagnolo pelvis Italiano bacino Tedesco Becken.

bacòco, bacòcu , agt, nm: bacucu Definizione bambu de conca, pagu sàbiu Sinonimi e contrari isaliadu, isàpidu, macoco, nuscentri | ctr. abbistu, sàbiu Cognomi e Proverbi smb: Bacuccu Etimo itl. bacocco Traduzioni Francese bête, sot, fade Inglese fool Spagnolo soso Italiano scioccherèllo Tedesco Tölpel.

bacràxu bacàgiu

bàcu , nm: vacu Definizione gúturu o canale de monte, logu ue su terrenu faet coment'e a badhe istrinta / andai bacu ’acu = totu intro de su badhigru; min. bachixedhu, bachitzolu Sinonimi e contrari tàcinu Frasi su fumu ispintu de su bentu ndhi àrtziat in is bacus de sa costa ◊ me is montis dhoi at bacus e serras ◊ s'istradone súlciat sos bacos de sa costizola ◊ retumbendi in is bacus calat s'arriu ◊ teniat unu bacu mannu de una deghina de ètaros ◊ est totu éliche, lidone, chessa, aliderru in cussos bacos Cognomi e Proverbi smb: Accu Terminologia scientifica slg Etimo srdn. Traduzioni Francese ravin Inglese gorge Spagnolo garganta, desfiladero Italiano fórra, góla di montagna Tedesco Schlucht.

bàcu 1 , agt Definizione fàghere in b. = in buidu Sinonimi e contrari bóidu Etimo itl. vacuo.

bàcu 2 , nm Definizione su greme (un'ispétzia de erruca) chi faet sa seda Sinonimi e contrari fermisílicu, síricu Terminologia scientifica crp, bombyx mori Traduzioni Francese bombyx Inglese silkworm moth Spagnolo bayo, bómbice Italiano bòmbice Tedesco Maulbeerspinner (seiden).

bacúcu bacócu

bàculi bàcalu

baculínu , nm Definizione bàculu bellighedhu chi portant is sennores Sinonimi e contrari baculedhu.

bàculu, bàcuru bàcalu

badabocài , vrb: abbadalocai, badalocae, badalocai, badalocare, badalogare, badalucai, badalucare, bardabocai, bardalocari Definizione nàrrere badalocos, pigare in giru, cullonare, foedhare a s'afaiu, nàrrere machines o isciolórios Sinonimi e contrari aciarollai, sciolloriai Frasi invècias de abarrai ingunis badabochendu, bandai a fai caincuna cosa! ◊ seu arriendu po cussas istrias chi si lassant badalocai de is furbu ◊ ohi, ohi, chi sighit a bardabocai perdu sa libbertadi! Etimo itl. badaloccare Traduzioni Francese palabrer Inglese to chatter Spagnolo parrafear, divagar Italiano sproloquiare Tedesco salbadern.

badacéri , agt, nm Definizione chi o chie costumat a istare foedhandho a isciolóriu Sinonimi e contrari argioleri, badaciosu, ciaciareri, ciaciarone, ciavanone, foxileri, illanadu, paraleta, paraletadore, tàcula Terminologia scientifica ntl Etimo srd. Traduzioni Francese bavard, babillard Inglese chatterer Spagnolo charlatán, cotorra Italiano ciarlóne Tedesco geschwätzig, Schwätzer.

badàcia , nf Definizione su istare sèmpere foedhandho naendho isciolórios, cosas chentza cabu Sinonimi e contrari argiolu 1, arralla, bataralla, ciaciarra, ciaramedha, tzàntzara Frasi cun totu sa badàcia issoro, no sunt reséssidos a fàghere diventare sa tzitade neta e moderna Etimo srd. Traduzioni Francese babillage Inglese gossip Spagnolo charla Italiano ciarla Tedesco Gewäsch.

badaciàre , vrb Definizione foedhare naendho illérios, cosas chentza cabu Sinonimi e contrari argiolae, arrallai, badulare, ciaramedhare, friganzare, paraletare Etimo spn. badajar.

badaciósu , agt, nm Definizione chi o chie istat sèmpere foedhandho a isciolóriu Sinonimi e contrari argioleri, badaceri, càdara, ciaciareri, ciaciarone, ciavanone, foxileri, giacarone, illanadu, paraleta, tàcula Terminologia scientifica ntl Etimo srd.

badaciúmene , nm Definizione cosa chi si narat a illériu, a sa sighia Sinonimi e contrari badàcia, cantaza, tiutau Etimo srd. Traduzioni Francese rengaine Inglese rigmarole Spagnolo perorata, monserga Italiano tiritèra Tedesco Salbader.

badagnàe, badagnàre , vrb: badangiare, badanzare, vadangiare Definizione àere o fàere badàngiu, torracontu in calecuna cosa o trebballu Sinonimi e contrari balanzare, codangiare, gadangiai*, gualanzare, introitare | ctr. galtare, ispèndhere, pèldere Frasi a su mere li faghet badagnare pagu ◊ bàtero sodhos chi badanzat che los béntulat in su tzilleri! ◊ su chi aiat badanzadu fit a prétziu de sacrifítzios mannos ◊ innoghe badàngias pagu cosa.

badàgnu , nm: badàngiu, badanzu, balàngiu, balanzu Definizione torracontu, benefíciu chi si ndhe tenet de calecuna cosa; segundhu comente si narat, bolet nàrrere dannu Sinonimi e contrari badagnu, gadagnu*, gagnu, gualanzu, intróitu, lucru, profetu, torracontu / achidu | ctr. dannu, példua Frasi ite badagnu ndhe godis ca s'aera est sana! ◊ balanzos de cocoi… aficos mortos: su tantu de si campare! ◊ divide su badanzu ca su fundhu est su meu! ◊ bois de balanzu perunu a domo no ndhe sezis batindhe 2. odheu, fizu meu, no ti gherres cun neune, no mi batas balanzu!… Traduzioni Francese gain, bénéfice Inglese gain, earnings Spagnolo ganancia, beneficio, provecho Italiano guadagno Tedesco Gewinn.

badàlciu, badàlciulu , nm Definizione trastu arrimau, béciu, a istrobbu Sinonimi e contrari baldulete, bascaràmene, cadógiu, carramacina, imbaratzu, istivuzu, istrèpete, istrepu Frasi chissai dai cantos annos sunt frundhidos tra badàlciulos vetzos in cozolu! ◊ in mesu a sos badàlciulos e giones sos pisedhos cuados giogaiant a gherra Etimo itl. bagaglio.