A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

chiesisíat , prn Definizione chie (si) siat, css. persona, chie si bògiat chi siat, unu/una bastat chi siat Sinonimi e contrari chincoi, chinechisiat, chinecoe, chinisiollat, siachisiat / chie, chine Frasi chiesisiat podet fàghere una cosa goi ◊ chiesisiat chi cherfat intrare, catzachelu! Etimo srd. Traduzioni Francese qui que ce soit, n'importe qui Inglese anyone Spagnolo quienquiera, cualquiera (que) Italiano chicchessìa, chiùnque Tedesco wer auch immer.

chietàre , vrb: achedare* Sinonimi e contrari apachiare, apasaogare, assebiai.

chietèsa , nf Definizione su èssere totu chietu, assentau, firmu Sinonimi e contrari assébiu Frasi su bilde de cussa tanca contra a sole lughet, cumbidendhe sos ojos chi si bi frimmant in chietesa ◊ fiat chietu ma de una chietesa chi fadiat a timiri Etimo srd. Traduzioni Francese calme, repos Inglese quiet Spagnolo tranquilidad, calma Italiano quïète Tedesco Ruhe.

chiétu chétu

chietúdini , nf Definizione su èssere totu chietu, séliu Sinonimi e contrari assébiu, chietesa.

chifílu , avb: achifilu* Definizione a trotu, male / bènnere, essire a chifilu = a chivésciu, a trotu Sinonimi e contrari abboe, achibboe, acorrimboe, calembru, chivessu, imboe, ochirioe.

chígala chícula

chíghela, chíghera chíchela

chíghere , nm Definizione basolu becudu, fasolu cíxiri, genia de laore a tiradura e su granu chi faet, bonu po papare, coment'e unu pisu ma tundhu e cun su bicu ue bogat sa tzeurra: faet sa tega curtza curtza cun d-unu o duos granos) Sinonimi e contrari basolubitzudu, basoludundhu, cígiri Frasi fut su chíghere orrostiu su prus pastu preferiu po dhos fàere bufare! ◊ in iscola poniant is piciochedhos addoraos a benugos nuos in terra, a bortas cun chíghere asuta Terminologia scientifica lrs, Cicer arietinum Etimo ltn. cicer. Traduzioni Francese pois chiche Inglese chickpea Spagnolo garbanzo Italiano céce Tedesco Kichererbse, Kicherling.

chigherína , nf Definizione coígiu, cosighedha coigiada Sinonimi e contrari minudàntzia, nennaria, pimpirimpalla, pistiridhu.

chighigliàre , vrb Definizione erríere a iscracàlios mannos Sinonimi e contrari iscacagliare, isgangagliare Etimo srd. Traduzioni Francese chahuter, rire brusquement Inglese to laugh in an unseemely manner Spagnolo reír a carcajadas Italiano rìdere scompostaménte Tedesco schallend lachen.

chighígliu chichígliu

chighilliàdu , agt Definizione chi est postu in chighílliu Sinonimi e contrari aunzadu, avolotadu, bolluzadu, suguzadu Frasi sa zente fit totu chighilliada dai sos sinedristas, fariseos e iscribbas Etimo srd. Traduzioni Francese agité, excité Inglese excited Spagnolo agitado, excitado Italiano agitato, eccitato Tedesco aufgeregt.

chighillítu , nm Definizione chirighiri, tocamentu po fàere erríere, fintzes iscrafíngiu Sinonimi e contrari chillighilli.

chighílliu chichígliu

chighíllu chichígliu

chighína , nf, nm: chigina, chijina, chinisa, chiníscia, chisina, chixina Definizione su materiale a pruinedhu fine chi abbarrat de sa cosa e mescamente linna) abbruxada (de colore biancu brutu si est abbruxada bene) Sinonimi e contrari chíghine, chinisu, cinus Modi di dire csn: sas chixinas, sos chisinos = su mércuris candho comintzat su barantinu; betare sas chisinas a unu = betàreli maledissiones, fàghereli fatuzos; falare o fàghere una cosa o unu logu a chisina = abbruxai totu; zúghere sa cara che a sa chisina = portai faci lègia, istai mali; èssere a una chisina = èssiri imbriagus; frocas de chisina = tàpile ladu de chisina, fozisina brusiada chi bolat; mòrrere in sa chisina = bregúngia manna pruscatotu po un'ómini, nau de chini si morit in domu e no trabballendi Frasi ube si fachet focu bi abbarrat chisina ◊ su fogu at falau a chisina totu su monte ◊ paret unu vulcanu bombitendhe chigina e bràgia ◊ cussu logu est carralzadu de chixina, ca l'ant brujadu ◊ cussu est fatu a chigina e ismentigadu puru 2. zughet sa cara chei sa chisina, in colore de chisina ◊ ti faches chei su frore de sa chisina pro onzi cosichedha ◊ pro te no benit mai mércuris de chijina e gai sempre in màscara ses tue! (S.Casu) Etimo ltn. *cinisia Traduzioni Francese cendre Inglese ash Spagnolo ceniza Italiano cénere Tedesco Asche.

chighinàrzu , agt Definizione chi istat imbuscinau in su chinisu, totu brutu de chinisu Sinonimi e contrari chighineri, chijinalzu Etimo srd. Traduzioni Francese sale de cendre (ou couvert) Inglese ashy Spagnolo ceniciento Italiano ceneróso Tedesco mit Asche bedeckt.

chíghine , nm Definizione su chi abbarrat de sa cosa abbruxada, chinisu e orrughedhos de crabone / fàghere a c. = achighinare, abbruxai Sinonimi e contrari chighina*, chinisu, cinus Cognomi e Proverbi smb: Chighine, Chighini.

chighinéri , agt: chijineri, chiniseri, chisineri Definizione chi istat sèmpere in su chinisu, acanta a su fogu, in sa forredha, chentza trebballare Sinonimi e contrari chinisaju, fochilarju, mandrone, praitzosu Frasi est che bídere in campu su leone cun batu chijineri e trisinadu Etimo srd. Traduzioni Francese paresseux Inglese lazy Spagnolo perezoso Italiano neghittóso Tedesco träge.