A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

afétu , nm: ofetu Definitzione sentidu bonu, de amore, chi si provat po un'àteru / ghetai o fissai, pònnere afetu a unu = istimai a unu, pònnere amore, indiosàresi de ccn. Sinònimos e contràrios amore, apegu, friscione, iltimassione, istima Frases pustis de tantu tempus dhi at ghetau afetu ◊ gei dhis at ghetau afetu, pobidhu miu, a custas tzípulas!…◊ de sendi piciochedhu ti apu fissau afetu ◊ is afetus mius no s'isciollint ◊ s'afetu est postu a tie, rosa mia! Ètimu itl. Tradutziones Frantzesu affection Ingresu fondness Ispagnolu afecto, cariño Italianu affètto, affezióne Tedescu Zuneigung.

afetuàda , nf Definitzione su chi si narat a briga a un'àteru, o fintzes paribari, po cosa male fata, ma podet èssere fintzes su chi si narat a difesa de ccn. Sinònimos e contràrios abburruntu, atzúrridu, certu, murrúngiu Frases mi at istunigadu s'ortu cun sos fiados e li apo fatu s'afetuada (G.Ruju)◊ nonna mi at fatu s'afetuada ca no bi so andhada addaghi at lómpidu sos annos ◊ nos amus fatu s'afetuada pari pari e semus torrados a su sólitu Ètimu srd. Tradutziones Frantzesu reproche, éclaircissement Ingresu rebuke, exclamation Ispagnolu reproche, aclaración Italianu rimpròvero, chiariménto Tedescu Vorwurf, Erklärung.

afetuàre , vrb Definitzione giare atentzione e fàere capia de una cosa, pentzare a sa cosa; fintzes pregontare Sinònimos e contràrios abberguare, assagumare, atinai, atoare / precontare Frases it'errore: no as afetuadu e rifletidu e as mortu un'innossente! ◊ nos poniavamus chin Zosepe a ascujare e isse mi contavat su chi aviat afetuau 2. afétua si ant batidu cudha cosa! Tradutziones Frantzesu réfléchir Ingresu to reflect Ispagnolu reflexionar Italianu riflèttere Tedescu nachdenken.

afetuósu , agt Definitzione nau de ccn., chi sentit istima a s'àteru Sinònimos e contràrios acaritu, amorosu, carosu, ternurosu.

afetzionàdu , pps, agt: afetzionau Definitzione de afetzionare, afetzionai Tradutziones Frantzesu affectionné Ingresu fond Ispagnolu apegado Italianu affezionato Tedescu treu.

afetzionài, afetzionàre afessionàre

afetzionàu afetzionàdu

afetziòne , nf: afressione Definitzione sentidu de istima Sinònimos e contràrios amistàntzia, amore, apegu, istima Frases si mi abberint su petus mi agatant in su coro s'afetzione tua!

afetzionósu , agt Definitzione chi sentit o provat istima, amore, nau fintzes in su sensu de lastimosu, chi làstimat Sinònimos e contràrios acaritu, amoríbbile, carosu / cumpassivu, lastimosu 2. mama afetzionosa, fiza tinzosa Ètimu srd.

aféu , nm Definitzione cosa chi si narat o chi si faet coment'e brigandho o faendho a bregúngia a unu, o fintzes coment'e bregúngia o duritu chi si sentit; a logos est s’ingiúliu o paranúmene Sinònimos e contràrios afrenta, afrontu, aggràbiu, aggrau, innóriu, inzenza / annomíngiu Frases su piús crudele afeu sufro pro no ti lassare ◊ lu ponent in afeu: iscuru a chie est male afortunadu! ◊ cun tristura in custa badhe de afeu passat su cristianu 2. mi lasso s'oltu meu abbutinare: - a bi lu dennegare ndh'apo afeu (Zicconi Tanchis) Ètimu srd. Tradutziones Frantzesu reproche, blâme Ingresu blame, reproach Ispagnolu reprensión Italianu rinfàccio, biàsimo Tedescu Vorwurf, Tadeln.

afeullàe , vrb: afeurrai, afeurrare, afiurrai Definitzione avelenare a feurra Sinònimos e contràrios aferulare Frases su pastori bonu no aféurrat is brebeis Ètimu srd.

afeurràda , nf Definitzione su afeurrare Sinònimos e contràrios afeurramentu Frases as a bíere s'afeurrada chi ne bodhint is brebès passanno in logu prenu de feurra!◊ ant tentu afeurradas de mòrrere finas binti pegos in tempus de una die Ètimu srd.

afeurradúra , nf Sinònimos e contràrios afeurramentu Ètimu srd.

afeurrài afeullàe

afeurraméntu , nm Definitzione s'abba ferrada: su male de sa feurra, male chi benit a su bestiàmene chi at papau tropu feurra Sinònimos e contràrios aferulada, afeurrada, afeurrognu Terminologia iscientìfica mld Ètimu srd. Tradutziones Frantzesu ferulosis Ingresu ferulosis Ispagnolu ferulosis Italianu ferulòsi Tedescu Ferulosis.

afeurràre afeullàe

afeurrógnu , nm Sinònimos e contràrios afeurramentu Frases sa prova de s'afeurrognu est canno s'animale iscorgiau portat mantzas de sàmmene in sa pedhe Ètimu srd.

afexàu afecàu

afexiài afegàre

afiacàre , vrb Definitzione pònnere asuta a unu binchendhodhu gherrandho.