A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

giocàre , vrb: ciocare Definitzione arregòllere e agguantare is oos asuta in caente po fàere naschire is pudhighinos, comente faent is pudhas chi si cicint in pitzu Sinònimos e contràrios acloai, clocire, crocolai, forcire, giochire, tzotzare, tzotzire Frases su trigu est fizu chi sa mama in sinu tenet sa terra, chi lu creschet sanu, comente est s'ou chi sa pudha giocat (L.Peralta) Ètimu srd.

giochidólzu , nm Definitzione su niu inue sa pudha istat assentada frochindho Sinònimos e contràrios crochidógiu, frucidroxu Ètimu srd.

giochíre , vrb: chiochire Definitzione arregòllere e agguantare is oos asuta in caente (binti una die) po fàere naschire is pudhighinos, comente faent is pudhas e pigiones chi si cicint in pitzu Sinònimos e contràrios acloai, clocire*, cocolae, forcire, giocare, tzotzare, tzotzire Frases cussu nidu est a oos giochidos ◊ a sa pudha li at postu dóighi oos a giochire ◊ sighi a mi nàrrere proite su cucu si che andhat a giochire in nidu anzenu (A.Dettori)◊ sas pudhas criant sos oos e los giochint puru Tradutziones Frantzesu couver, féconder Ingresu to brood, to fertilize Ispagnolu empollar Italianu covare, gallare Tedescu ausbrüten.

giochitàre , vrb: cioghitare, gioghitai, gioghitare, gioghitari, zochitare Definitzione pigare a giogu, istare a giogu Sinònimos e contràrios abbrengulare, agiogatzare, agiogulare, ciogare, giogallitai, imbalai, imballacai, ingiochetare, ingiogaciai, zochillare Frases como ti primmas, posca mi gioghitas! ◊ su pipiu fiat gioghitendi e si boliat cuncordari un'acuiloni ◊ vio mannos e minores giochitandhe Ètimu srd. Tradutziones Frantzesu amuser Ingresu to amuse Ispagnolu divertir, juguetear Italianu trastullare Tedescu unterhalten.

giocótu , nm, nf: ciacota* tzacota Sinònimos e contràrios allera, arréula, befa, ciasconu, cionfra, deleu, iscàranu, iséria, mofa, siera / badalocu, brúglia, ciasca, inciascu Frases no ti pòngias a giocotu su lúmene meu!

giócula , nf Sinònimos e contràrios gioga Frases umpiat s'abba cun d-una gioculedha marina.

giodhòne , agt Definitzione nau de ccn., chi dhi praghet a dhu pigare a frandhigos, a imbérriu Sinònimos e contràrios dengosu, paciosu.

giódhu , nm: zodhu Definitzione late caentau agiummai de budhire e apustis fatu mòrrere a madrighe (sa primu borta cun cagiau aghedu, apustis giodhu etotu): essit cagiau e aghedu, bonu meda coment'e alimentu / fàghere o fàgheresi a giodhu = faisí colagola, isciúndiri totu Sinònimos e contràrios casaxedu, fruja, latíschidu, mezoradu, zuncheta 2. comente at próidu mi so fatu a giodhu ◊ mi ant imboladu abba a subra e mi ant fatu a giodhu (G.Ruju) Terminologia iscientìfica mng Ètimu srdn. Tradutziones Frantzesu yaourt Ingresu yogurt Ispagnolu yogur Italianu yògurt Tedescu Joghurt.

giódhu 1 , nm Definitzione genia de erba, sa calidade peus de is lògios ca faet granu toscosu Sinònimos e contràrios allorgiumalu, lullumalu Terminologia iscientìfica rba, Lolium temulentum Tradutziones Frantzesu ivraie Ingresu darnel Ispagnolu cizaña Italianu zizzània Tedescu Taumellolch.

giòga , nf Definitzione upm., genia de tzintzigorru (dhue at logu chi est sa padedha 1 o pagellida)/ min. gioghita / gioga minuda = calidade de sintzigorredhu minudu (helix pisana, leucochroa candidissima); giógula marina = cóciula / in sa carena de sa zente, s'ossu de sa gioga, de sa croca = su fusti de sa coa, sa coa de s'ischina, crogale, itl. còccige; male de sa gioga = itl. fimòsi (su pizu de sa pedhe chi cuguzat sa conchedha de sa natura de s'ómine est tropu afissa e no si ritirat); in carchi logu est sa calanca de s'ogru Sinònimos e contràrios cocoi, croca Frases sa gioga candho pioet girat e si giughet sa domo a trazu ◊ dae sendhe criaduras andhaimis a gioga chi nos serviat a nos catzare su fàmine ◊ fimis cuntentos candho su chi poniat in su piatu fit cosa chi aimis regortu cun sas manos nostras: fenuju, gioga, cugumedhu, antunna, beda, ispàrau 2. in sa gioga tocait de fàghere un'iscanzadura, che unu trau de giacheta, pro fàghere sos ojos a su santu Tradutziones Frantzesu escargot Ingresu snail (big) Ispagnolu caracol Italianu chiòcciola Tedescu Schnecke.

giòga 1 , nf Definitzione its: sa gioga de sa gianna (fata de linna) = giótula?

giogàda , nf: giugada, zocada Definitzione su giogare (calesisiat su giogu); in cobertantza, brulla mala, pesante Sinònimos e contràrios ghelea Frases at bintu una giogada a su loto 2. labai no si fatzat cancuna giogada su tiau! Ètimu srd. Tradutziones Frantzesu partie, jeu Ingresu play, stake Ispagnolu partida, broma pesada, apuesta Italianu giocata Tedescu Partie, Streich.

giogadòre , nm, agt: giogadori, zocadore Definitzione chie giogat, o est giogandho, o est giau a su giogu; chie ischit a fàere giogos po fàere divertire àtere Sinònimos e contràrios gioghista, zocalleri, zogante Frases ómini giogadore, ómini pedidore! Terminologia iscientìfica prf Ètimu srd. Tradutziones Frantzesu joueur, jongleur Ingresu player, juggler Ispagnolu jugador, malabarista Italianu giocatóre, giocolière Tedescu Spieler, Jongleur, Spaßmacher.

giogadórgiu , nm: giogadroxu, zocadorju Definitzione logu inue faet a giogare, inue si giogat; funtzione mala, cosa o faina de fàere ischifu, bregúngias Frases funt istaris isbisurius, cun is murus iscancaraus, isdorrocaus, giogadroxus de pisitus e mardonas Ètimu srd.

giogadòri giogadòre

giogadróxu giogadórgiu

giogàe, giogài , vrb: ciogare, giogari, giogare, zocare Definitzione fàere calecuna cosa po ispàssiu, po passare ora, pigare gustu, chentza cabu tanti de istare faendho, o fintzes po pònnere de bona ispétzia, fàere a erríere s'àteru; pònnere una posta giogandho po bínchere; fàere brulla mala a unu, mescamente in su sensu de ndhe aprofitare, de dhi fàere male cun calecuna trassa o àteru (ma si narat fintzes po s'efetu chi faet una maladia, candho unu cumènciat a no èssere prus in sensos, perdendho atuamentos)/ ind. imp. 1ˆ p. pl. giogaemus Sinònimos e contràrios abbrengulare, agiogatzare, agiogulare, chestiare, giochitare, ingiogaciai, ischeltiare / spassiai | ctr. trabagiare Maneras de nàrrere csn: giogare a unu chei su pudhu a carrasciale = isparàrelu; giogare in manos o in ungras a unu = bènnere in posse de unu; giogare su pitzinnu = tocare, foedhare, fàere brullighedhas po dhu fàere erríere o alligrare Frases asuta de is muscàrgios furint a chie ancora papandho, a chie giogandho a cartas o faendhosi un'arrallada ◊ is pipius giogant a pincaredhu, a babbus e mamas, a maistus ◊ sa mama est gioghendi su pipiu ◊ is pipius andhant a giogari ◊ giogao sèmpere in partza o in caminu a sodraos e bandhios faendho su cuagua ◊ sos pisedhos in su rodone de sas cumbessias fint gioghendhe cun cadhos de canna 2. mi giogo su cadhu a caltas! 3. a pugnolaras ti gioghint! ◊ si ti atrivias a faedhare su sardu in iscola, su mastru ti giogaiat a istuturradas ◊ l'ant giogadu che a su pudhu a carrasciale ◊ candu mai in dí de oi ghetant sa grida: a tui megat de ti giogai su ciorbedhu! ◊ issu si fut giogau a pipiu e abarrau est iscimprotu ◊ su babbu est gioghendisí, su mali est lómpiu a su ciorbedhu!◊ in pagos annos cussu si at gogadu su bene chi li at lassadu su babbu: bai est a lu frustare, su dinari! (B.Sini) 4. custa tzitade puru lis est giogada in manos ◊ su dinari chi li giogaiat in farrancas no l'ispendhiat ◊ cussu fut s'únicu billetu de deximila chi mi est giogau in ungas ◊ ancu che esserat ruta in calchi pescione, prima de mi giogare suta: fateit a rúere a mie puru, s'acheta! Ètimu ltn. jocare Tradutziones Frantzesu jouer Ingresu to play Ispagnolu jugar Italianu giocare Tedescu spielen, einsetzen, jemandem einen Streich spielen.

giogallitài , vrb: gioghillitai Definitzione pigare a giogu, giogare Sinònimos e contràrios abbrengulare, agiogatzare, agiogulare, ciogare, giochitare, imbalai, ingiogaciai Ètimu srd.

giogàlzu , nm: giogarzu Definitzione genia de cullera fata cun sa punta de su corru de pegus de bulu, o de mascu brebeghinu, coment'e trastu de su barracu o cuile Sinònimos e contràrios cogalzu, collàrgiu, cragallu Frases bàtindhe su conchedhu de su giodhu e duos giogalzos ca immurzamus! ◊ in sa caramita nonnu meu poniat giogarzos, trudhas e padedhas Ètimu srd.

giogansàu , agt Definitzione chi est leau de su giogu, chi istat sèmpere giogandho, chentza cabu Sinònimos e contràrios ingiogansau, ingiogatzidu Ètimu srd.