Legenda Incurtzaduras | Legenda Sìmbulos

spinnicài , vrb: ispinnicare*, spinnigai Definitzione apèrrere, istirare is pinnigas o cosa pinnigada, ispràghere, nau fintzes in su sensu de iscapiare, iscabbúllere Sinònimos e contràrios strogai | ctr. apigiare, pinnicai Tradutziones Frantzesu dérouler Ingresu to unroll Ispagnolu desdoblar Italianu spiegare Tedescu auseinanderfalten, entfalten.

spisedhài , vrb Definitzione nau de fémina, su dhi guastare o fàere pèrdere sa virginidade Sinònimos e contràrios sflorai Tradutziones Frantzesu déflorer Ingresu to deflower Ispagnolu desflorar Italianu deflorare Tedescu entjungfern.

spistorài , vrb: ispistolare*, spistuai Definitzione segare unu bículu, un'orrughedhu de una cosa mescamente de istrègios, de is oros Sinònimos e contràrios irbicare, irmossighedhare, isorichedhare, ispistorigare, scherdai, spissigorrai, spistoredhai Frases spistuai una tassa, una cíchera, unu pratu ◊ dhoi tenit unu testu totu spistorau ◊ apu spistorau su luminaxu Tradutziones Frantzesu ébrécher Ingresu to round off Ispagnolu mellar Italianu sbreccare, smussare Tedescu anschlagen, abstoßen.

spitiolài , vrb Definitzione sonare su pitiolu, sa sonàgia Sinònimos e contràrios pitiolai Frases is tallus spitiolant beulendi in is tancas ◊ seu spitiolendi is crais Ètimu srd. Tradutziones Frantzesu carillonner Ingresu to ring long and loudly Ispagnolu tocar fuerte el timbre Italianu scampanellare Tedescu lang und heftig läuten.

splanài , vrb: spranai Definitzione fàere in paris, imparisare, istèrrere cosa a aparigiadura; fintzes ispiegare, fàere méngius a cumprèndhere una cosa o chistione Sinònimos e contràrios aglianai, apalisare, arrepranai, ispianare Tradutziones Frantzesu aplanir Ingresu to smooth (over) Ispagnolu aplanar, allanar Italianu appianare Tedescu einebnen.

spodhài , vrb: spodhiai, spodhicai, spudhiai Definitzione istesiare s'una de un'àtera duas cosas apicigadas apare; apèrrere calecuna cosa imbodhigada, un'imbodhigu; foedhandho de calecunu impreau in calecuna faina, fàere cun coidu, arrennèscere a batire a concruos Sinònimos e contràrios ispitzigare, istacare / ilboligare / acabbulli, atoliare, istrobillai | ctr. apodhai Frases no arrennesciat a ndi spodhai sa castiada de pitzus de cudha fémina ◊ no ndi spodheis is billetus, po praxeri! 2. is féminas in su mòri a màriga in conca parint unu frocu chi si spódhiat su mengianu ◊ spódhiat unu paperi e agò ndi pigat unu paperotedhu piticadhedhu ◊ coida dimónia, spódhia is cambas ca no ses totu a un'ossu! 3. spódhia a fuedhai sentza de bregúngia! ◊ balla ca fillu miu dhu spódhiat s'italianu! ◊ at murrungiau cun su cumpàngiu ca cussu no ndi spodhat, de sa cosa ◊ dha tenit una cida, sa televisioni, po dh'arrangiai, ma no ndi spodhat! ◊ custu est su momentu de si spodhicai! ◊ issa si fut spudhiara po fai benni s'ambulantza a nci portai a mamma a su spirali Ètimu srd. Tradutziones Frantzesu détacher, débrouiller Ingresu to unravel, to take out Ispagnolu despegar, desenredar Italianu staccare, sbrogliare Tedescu lösen.

spollaciài , vrb: spudhaciai Definitzione nau de cosa téssia, bogare pendhilingiones, filu, trama, coment'e candho no est fatu s'oru ma si faet fintzes apostadamente po ricamare Sinònimos e contràrios ilbulzare, issilare, istramai, sfibicitai Tradutziones Frantzesu effiler Ingresu to pull threads out, of Ispagnolu deshilar Italianu sfilare Tedescu ausfasern.

spollincài , vrb: ispollincare* Definitzione bogare totu su bestimentu Sinònimos e contràrios innudare, ischígnere, ispogiare, spollitai | ctr. bestire, chígnere Frases lah, chi brintant a innòi cussus ti fatzu spollincai e ti fatzu sorfatai totu! ◊ si non fiat po sa bregúngia si spollincamus e bienta ca nosu seus límpius che sa prata! Tradutziones Frantzesu déshabiller, se déshabiller Ingresu to undress Ispagnolu desnudar Italianu spogliare Tedescu entkleiden.

spòndi, spòndiri , vrb: ispiòndiri*, sprondi, spròndiri, sprúndiri, spundi 1, spúndiri Definitzione iscúdere, betare, fèrrere o fintzes andhare o essire atesu; aporrire, giare una cosa in manu a s'àteru; fintzes essire, istèrrere, bogare a fora o prus in fora Sinònimos e contràrios aceiri, aggradiare, imperiare, imprònnere, fèrrere, ghetai, spiondai, sprilliri / aporrire Frases su pisitu fait curri su lómburu cun is farrunchedhas po nci dhu spúndiri sempri prus atesu ◊ cantu nci dha spondis, sa pedra, tirendi a manu? ◊ e bai inoramala… toh su coru! - narat Bissenti spondedhucedhu in faci a s'arretori ◊ sa nosta est sa terra de chini, po s'amarolla, est istétiu sprúndiu atesu de domu lassendi genti abetendi (F.Carlini) 2. lah no ti spundas tropu atesu de cuilarxa ca cussu ti bolit ispitzulai! 3. sprondimindi su tobàciu ca frigòciu su nadiai a su pipiu! 4. custa zona est diventada aici manna chi nci spundit fintzas a su ponti Tradutziones Frantzesu lancer Ingresu to throw Ispagnolu arrojar, lanzar Italianu lanciare, proiettare Tedescu werfen.

spossidíri , vrb: ispossidiri* Definitzione bogare de possessu, pigare su possessu a chie dhu tenet Sinònimos e contràrios ispossessare, ispropiare Frases cussa est genti spossidia de chini tenit su dinai e si creit meri de su mundu ◊ sa giustítzia ndi dh'at spossidiu de su chi iat fatu cun is furas (G.Mura)◊ mira chi ses pòbira e tropu spossidia! Tradutziones Frantzesu exproprier Ingresu to expropriate Ispagnolu expropiar Italianu espropriare Tedescu enteignen.

spreài , vrb: ispreare*, spriai Definitzione àere o pigare ispreu, una genia de dispraxere, de gana lègia, de timoria manna Sinònimos e contràrios apantarjare, asciustrare, aterrighinare, ilvilire, ispramai, spraudiri / iscadhai, spreuai 2. su furriotu spriat su pilloni Tradutziones Frantzesu dégoûter Ingresu to sicken Ispagnolu disgustar Italianu disgustare Tedescu anwidern.

spreitzài, spreitziài , vrb Definitzione lassare o bogare sa mandronia, sa preitza Sinònimos e contràrios ismandronire, smandronai | ctr. ammandronae Ètimu srd. Tradutziones Frantzesu guérir de la paresse Ingresu to give up laziness Ispagnolu desemperezarse Italianu spoltrire Tedescu die Faulhiet austreiben.

spretziài , vrb: isprexare* Sinònimos e contràrios disprejare, ilbantare, ilzenzare, innorare, menispresiare Frases cussu no est ómini de spretziai, no perdit su tempus me in su tzilleri o in s'arrólliu (J.Murgia) Tradutziones Frantzesu dédaigner Ingresu to disdain Ispagnolu desdeñar Italianu sdegnare Tedescu verschmähen.

spreviài , vrb Definitzione passare ora chentza fàere faina, ispassiandhosi, chentza pentzare a su trebballu Sinònimos e contràrios addiviai, desogai, disaviare, istrabiare 1 Frases tochit ca esseus a màchina, aici si spréviat unu pagu! ◊ seu bessendinci a spreviai Tradutziones Frantzesu s'amuser Ingresu to take one's mind off Ispagnolu divertirse, entretenerse Italianu svagarsi, distrarsi Tedescu sich zerstreuen.

spribillonài , vrb Definitzione su andhare spibítzia spibítzia, tastandho de dónnia cosa mescamente cosighedhas piticas, a orrughedhos Sinònimos e contràrios ispilucare, ispitulare, papitare, spibitzai Ètimu srd. Tradutziones Frantzesu mangeotter Ingresu to nibble Ispagnolu picotear Italianu spilluzzicare Tedescu knabbern, naschen.

sprobigài , vrb: isprobigai*, sprobugai Definitzione arrennèscere a cumprèndhere, a bíere, a fàere calecuna cosa de dificurtosu; fàere impresse Sinònimos e contràrios cumprèndhere, sebeltare, spirigai, spodhai / acoidai, ispontziai Frases dhui est sa giustítzia, chi sprobigat totu ◊ dèu de italianu ndi spróbigu pagu ◊ citudidha, ca immoi seu isprichendidhu sa cosa po chi su pratori dha potzat sprobugai! ◊ cumbenit chi si sprobighit prima de iscurigai! Tradutziones Frantzesu se débrouiller Ingresu to extricate Ispagnolu desenredar Italianu sbrogliare Tedescu entwirren.

spumài 2, spumàri , vrb Definitzione illimpiare cun s'ispumadore, ispatzulare Sinònimos e contràrios imbrustiare Frases apu spumau is pantalonis Tradutziones Frantzesu brosser Ingresu to brush Ispagnolu cepillar Italianu spazzolare Tedescu bürsten.

spuncionài , vrb: ispuntzonare* Definitzione agiummai coment'e púnghere a puncione, púnghere cun calecuna cosa puntuda; nàrrere o foedhare a unu po dhu cumbínchere a fàere calecuna cosa; trebballare a puncione Sinònimos e contràrios impunciai, impuntzonare, insissiligai, intzidiare, púgnere Frases spuncionat aínturu de sa tana cun sa pértia po ndi fai essiri un'animali 2. sa pingiaredha antiga fiat totu spuncionada e portàt duas manighedhas po dh'aguantai Tradutziones Frantzesu poinçonner Ingresu to punch Ispagnolu picar Italianu punzonare Tedescu stanzen.

spuntedhài, spuntedhàre , vrb: ispuntedhare* Definitzione bogare o trantzire is puntedhos, is frucàgios, de asuta de sa cosa apuntedhada Sinònimos e contràrios | ctr. apontedhae Tradutziones Frantzesu ôter les étais Ingresu to unprop Ispagnolu desapuntalar Italianu spuntellare Tedescu die Stützbalken entfernen von.

spurtíri , vrb: ispirtire* Definitzione pistidhire in sa carre comente faet cosa budhia, su sole o àteru, ma fintzes comente faet cosighedha a punta che lana tostada o tètera, cosa arrasposa; giare ifadu, coment'e de cosa chi punghet o pistidhit in sa pedhe Sinònimos e contràrios fríere, ispitudhare, ispitulare, papai, pistidhire, piticare Frases spurtit custu soli: seus in gennarxu e pareus in maju! ◊ notesta mi spurtiat custu pei, comenti dhu portu unfrau ◊ custu maglioni comenti mi tocat mi spurtit in su tzugu, ca sa pedhi est prus dilicada ◊ dhi spurtiat sa buca: fiat bíndhighi dis crocau 2. funt is ingiustítzias chi ti spurtint Sambenados e Provèrbios prb: a chini spurtit coit Tradutziones Frantzesu démanger, brûler Ingresu to itch, to smart Ispagnolu picar Italianu dare prurito, bruciare Tedescu jucken, brennen.

«« Torra a chircare