A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

contratingiósu , nm Definizione tapu de ortigu chi si ponet a parte de aintru de su portellitu de is cupones po binu, in s'istampu po su grifone chi de parte de foras si tupat cun su tingiosu Etimo srd.

contravelénu contrabbelénu

contraventzionài , vrb: cuntraventzionai Definizione pònnere contravintzione Frasi is carabbineris iant cuntraventzionau is chi no portànt is bullitinus Etimo srd. Traduzioni Francese donner, flanquer une contravention Inglese to fine Spagnolo multar Italiano multare Tedesco mit einer Geldstrafe belegen.

contraventziòne, contravintziòne, contravintziòni , nf Definizione su fàere calecuna cosa proibbia; su chi si faet pagare a unu chi no at arrespetau calecuna arrégula o norma Sinonimi e contrari multa 1 2. cussu andàt a iscola veti poita timiat sa contraventzioni ◊ pòveru Cincicorru andhandhe male aggravadu de contraventzione! Traduzioni Francese contravention Inglese violation, fine Spagnolo multa Italiano contravvenzióne Tedesco Übertretung, Geldstrafe.

contrazéniu contragéniu

contrèra , nf Definizione its, bandha, leada? Frasi su chelu est inchizadu, paret sinzu de lutu in sas nostras e àteras contreras.

contriàre , vrb Definizione andhare contras a unu, essire in contràriu a su chi bolet s'àteru, murrungiare calecuna cosa a unu Sinonimi e contrari contraíchere, scontrariai, iscontriai, scuntretzai | ctr. audire Frasi su maridu podet fàghere su padronu de totu chena chi nisciunu lu cóntriet Traduzioni Francese contrarier Inglese to oppose Spagnolo contrariar, contrastar Italiano contrastare Tedesco widersprechen.

contribbuènte , nm: cuntribbuente Definizione chie contribbuit, pagat afoghígios, chie de su chi badàngiat giaet su tanti chi istabbilit sa lei a s'amministratzione po su bene colletivu.

contribbuíre, contribbuíri , vrb: cuntribbuire Definizione agiudare, giare de su chi si podet; fàere is pagamentos púbbricos Frasi una de is raxonis chi m'ispingint a fai istampai custa oratzioni est po biri pubblicadas in língua sarda is làudis de sa Vírgini Maria e contribbuiri a pòniri in onori custa língua nostrali (A.Soggiu).

contribbulàdu , pps, agt: contribbulau Definizione de contribbulare; chi est sufrendho meda Sinonimi e contrari acoradu, acronnoau, afligidu, iscoradu, iscoridu, pascionadu | ctr. contentu, prexau Traduzioni Francese affligé Inglese distressed Spagnolo afligido Italiano afflitto, tribolato, travagliato Tedesco heimgesucht.

contribbulài, contribbulàre , vrb Definizione penoriare, provare o fàere provare penas, tribbulias Etimo itl. contribolare Traduzioni Francese affliger Inglese to distress Spagnolo afligir Italiano afflìggere, travagliare Tedesco quälen.

contribbulatziòne, contribbulatziòni , nf Definizione cosa chi faghet penoriare, sufrire, istare male Sinonimi e contrari ifadu, penória, tribbulia | ctr. gosa Etimo srd. Traduzioni Francese ennui, souci Inglese bother, torment Spagnolo molestia, tormento Italiano seccatura, torménto Tedesco Belästigung.

contribbulàu contribbulàdu

contribbútu , nm: cuntribbutu Definizione cosa chi si giaet o chi si faet po agiudare a un'iscopu, o dinare chi si depet pònnere po is bisòngios de sa colletividade Sinonimi e contrari agiudu / afochizu, pagamenta Frasi fit essia s’idea de fàchere pacare sos contribbutos pro picare sa pensione.

contrindicàu , agt Sinonimi e contrari controidu.

cóntrinu , agt Sinonimi e contrari contràriu Etimo srd.

controbbàre , vrb: cuntrobare Definizione abbaidare o provare a bíere Sinonimi e contrari cumproare, iscumbatare, iscuntrobbare Frasi sunt arrivaos a cuntrobare chi custu imbenteri fit isse.

controbbósu , agt Definizione nau de cosas de papare, chi funt malas a digirire, chi si digirint cun dificurtade Sinonimi e contrari contomosu.

contróbbu , nm Definizione genia de ifadu, fintzes dificurtade a digirire / cantare a c. = a trivas, unu incidat e s'àteru dhi arrespundit Sinonimi e contrari isdrobbu Frasi si no pensamos totus a su matessi modu, controbbu ti faghet?!

controída , nf Definizione su controire, proibbire calecuna cosa Sinonimi e contrari contraddiscione, proibbiscione Etimo srd. Traduzioni Francese défense, interdiction Inglese prohibition Spagnolo prohibición Italiano proibizióne Tedesco Verbot.