A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

contratingiósu , nm Definitzione tapu de ortigu chi si ponet a parte de aintru de su portellitu de is cupones po binu, in s'istampu po su grifone chi de parte de foras si tupat cun su tingiosu Ètimu srd.

contravelénu contrabbelénu

contraventzionài , vrb: cuntraventzionai Definitzione pònnere contravintzione Frases is carabbineris iant cuntraventzionau is chi no portànt is bullitinus Ètimu srd. Tradutziones Frantzesu donner, flanquer une contravention Ingresu to fine Ispagnolu multar Italianu multare Tedescu mit einer Geldstrafe belegen.

contraventziòne, contravintziòne, contravintziòni , nf Definitzione su fàere calecuna cosa proibbia; su chi si faet pagare a unu chi no at arrespetau calecuna arrégula o norma Sinònimos e contràrios multa 1 2. cussu andàt a iscola veti poita timiat sa contraventzioni ◊ pòveru Cincicorru andhandhe male aggravadu de contraventzione! Tradutziones Frantzesu contravention Ingresu violation, fine Ispagnolu multa Italianu contravvenzióne Tedescu Übertretung, Geldstrafe.

contrazéniu contragéniu

contrèra , nf Definitzione its, bandha, leada? Frases su chelu est inchizadu, paret sinzu de lutu in sas nostras e àteras contreras.

contriàre , vrb Definitzione andhare contras a unu, essire in contràriu a su chi bolet s'àteru, murrungiare calecuna cosa a unu Sinònimos e contràrios contraíchere, scontrariai, iscontriai, scuntretzai | ctr. audire Frases su maridu podet fàghere su padronu de totu chena chi nisciunu lu cóntriet Tradutziones Frantzesu contrarier Ingresu to oppose Ispagnolu contrariar, contrastar Italianu contrastare Tedescu widersprechen.

contribbuènte , nm: cuntribbuente Definitzione chie contribbuit, pagat afoghígios, chie de su chi badàngiat giaet su tanti chi istabbilit sa lei a s'amministratzione po su bene colletivu.

contribbuíre, contribbuíri , vrb: cuntribbuire Definitzione agiudare, giare de su chi si podet; fàere is pagamentos púbbricos Frases una de is raxonis chi m'ispingint a fai istampai custa oratzioni est po biri pubblicadas in língua sarda is làudis de sa Vírgini Maria e contribbuiri a pòniri in onori custa língua nostrali (A.Soggiu).

contribbulàdu , pps, agt: contribbulau Definitzione de contribbulare; chi est sufrendho meda Sinònimos e contràrios acoradu, acronnoau, afligidu, iscoradu, iscoridu, pascionadu | ctr. contentu, prexau Tradutziones Frantzesu affligé Ingresu distressed Ispagnolu afligido Italianu afflitto, tribolato, travagliato Tedescu heimgesucht.

contribbulài, contribbulàre , vrb Definitzione penoriare, provare o fàere provare penas, tribbulias Ètimu itl. contribolare Tradutziones Frantzesu affliger Ingresu to distress Ispagnolu afligir Italianu afflìggere, travagliare Tedescu quälen.

contribbulatziòne, contribbulatziòni , nf Definitzione cosa chi faghet penoriare, sufrire, istare male Sinònimos e contràrios ifadu, penória, tribbulia | ctr. gosa Ètimu srd. Tradutziones Frantzesu ennui, souci Ingresu bother, torment Ispagnolu molestia, tormento Italianu seccatura, torménto Tedescu Belästigung.

contribbulàu contribbulàdu

contribbútu , nm: cuntribbutu Definitzione cosa chi si giaet o chi si faet po agiudare a un'iscopu, o dinare chi si depet pònnere po is bisòngios de sa colletividade Sinònimos e contràrios agiudu / afochizu, pagamenta Frases fit essia s’idea de fàchere pacare sos contribbutos pro picare sa pensione.

contrindicàu , agt Sinònimos e contràrios controidu.

cóntrinu , agt Sinònimos e contràrios contràriu Ètimu srd.

controbbàre , vrb: cuntrobare Definitzione abbaidare o provare a bíere Sinònimos e contràrios cumproare, iscumbatare, iscuntrobbare Frases sunt arrivaos a cuntrobare chi custu imbenteri fit isse.

controbbósu , agt Definitzione nau de cosas de papare, chi funt malas a digirire, chi si digirint cun dificurtade Sinònimos e contràrios contomosu.

contróbbu , nm Definitzione genia de ifadu, fintzes dificurtade a digirire / cantare a c. = a trivas, unu incidat e s'àteru dhi arrespundit Sinònimos e contràrios isdrobbu Frases si no pensamos totus a su matessi modu, controbbu ti faghet?!

controída , nf Definitzione su controire, proibbire calecuna cosa Sinònimos e contràrios contraddiscione, proibbiscione Ètimu srd. Tradutziones Frantzesu défense, interdiction Ingresu prohibition Ispagnolu prohibición Italianu proibizióne Tedescu Verbot.