Ditzionàriu in línia
de sa limba e de sa cultura sarda

ismendhàre , vrb: smendai Definizione agiustare su cumportamentu, pònnere arremédiu, iscontare, pagare su male fatu, is pecaos Sinonimi e contrari mendhare, corrígiri Frasi cales sunt sos pecados, sos orrores chi azis in sa cuscénscia a pizu apare, pro los chèrrere che màrtire ismendhare cun ijerros de fritu e de dolore? (A.Dettori) Etimo srd. Traduzioni Francese corriger Inglese to amend Spagnolo enmendar Italiano emendare Tedesco verbessern.

isminunchíre, isminuncíre , vrb Definizione torrare a s'ossu, essire iscarritzinu, làngiu Sinonimi e contrari apedhuncare, illanzigare, irromasire, istincare, scalaxiri, slangiri Traduzioni Francese maigrir beaucoup Inglese to lose weight a lot Spagnolo adelgazar mucho Italiano dimagrire mólto Tedesco abnehmen.

ismugràre , vrb Definizione truncare, segare Sinonimi e contrari immutzurrare, istuturai, secare Etimo srd. Traduzioni Francese couper Inglese to cut (off) Spagnolo cercenar Italiano recìdere Tedesco abschneiden.

isocríre , vrb Definizione betare o segare is ogos a sa linna Sinonimi e contrari isocrare Etimo srd. Traduzioni Francese enlever les bourgeons Inglese to take out buds Spagnolo desyemar, deschuponar Italiano sbocciolare Tedesco entknospen.

isòlbere , vrb: isòlvere, isòrbere, isòrvere, isòvere, issòrbere, issòrvere, ixòvere Definizione iscapiare cosa acapiada, bogare de pare is càbudos de un’acàpiu o nodu; iscagiare, nau de cosa tostada chi torrat a lícuida; acabbare un'incàrrigu, nau pruschetotu de organísimos fatos de gente votada / pps. isoltu; ibue ch'est isoltu? = a ue s'est imbertu? aundi est andau? Sinonimi e contrari ilgiobare, illiare, isprèndhere, scapiai / sòlbere | ctr. acapiae, prèndhere Frasi isòrbere unu nodu, una fune, un'animale ◊ isolvesit sas presuras de su pacu e lu abberzesit ◊ no resessit a ixòvere un'àinu dae sa lóriga 2. sos montes si ant a isòlvere che sale ◊ s'oro isoltu ◊ sa cosa fit ixovèndhesi che néula ◊ sa gherra lis issorviat sos sentitos in su lutrau 3. su cussizu pro lege s'ixoviat ca deviant fàghere votassiones noas 4. de candho ispricaiat su faedhu e isorveit sos primos passitos a pagu a pagu si fateit mannu Etimo srd. Traduzioni Francese défaire, dénouer Inglese to untie Spagnolo desatar, derretir, disolver Italiano sciògliere, slacciare, slegare Tedesco lösen, aufschnüren, losbinden.

isordulàre , vrb Definizione pònnere a tréulu una cosa giai bene posta, assentada Sinonimi e contrari isciasciai, iscordulare, iscunsertare, scuncodrai, suliertare, trauai | ctr. adaretzai, assantai, remonire 2. custa cosa est totu isordulada, nada goi, e no si cumprendhet! Traduzioni Francese mettre sens dessus dessous Inglese to upset Spagnolo trastornar Italiano scombussolare Tedesco in Aufruhr versetzen.

isorichedhàre , vrb: isorighedhare Definizione ispistorare, segare orrughedhos pruschetotu de is oros de s'istrégiu de terra o de imbidru Sinonimi e contrari irbicare, irmossighedhare, spissigorrai, spistorai Etimo srd. Traduzioni Francese ébrécher Inglese to chip Spagnolo desportillar Italiano sbreccare Tedesco anschlagen.

isorrobbàre , vrb: issorrobbare Definizione leare, furare s'orrobba, sa cosa, a s'àteru a poderiu, cun sa fortza, a gherra: si narat fintzes in su sensu de imbuidare, fàere buidu Sinonimi e contrari acrassare, afufai, arrapagnare, aungrare, furai, inghitai, irrobbare, sdorrobbai Frasi si lu cheriant isorrobbare, totugantos ischiant a s'ora chi arribbaiat ◊ andhant a issorrobbare una dommo e cadaunu teniat sa posta de mantènnere 2. fit note manna candho mi che corchei cun sos ossos pistaos e sa conca isorrobbada de onzi alenu (B.Mazzone) Traduzioni Francese voler, dérober Inglese to rob Spagnolo robar, hurtar Italiano derubare Tedesco berauben.

isossàre , vrb Definizione bogare o istacare is ossos de sa prupa: dhu narant fintzes de unos cantu frutos chi portant ossu Sinonimi e contrari desossai, idossinare, irdossorae / isossichedhare Frasi custa peta est bene cota: isossat totu 2. su péssighe duraghe no isossat ◊ s'olia cheret isossada pro fàghere su pane cun olia Etimo srd. Traduzioni Francese désosser, dénoyauter Inglese to bone, to stone Spagnolo deshuesar Italiano disossare, snocciolare Tedesco ausbeinen, entkernen.

isossichedhàre , vrb: isossighedhare Definizione bogare s'ossu de is frutos chi ndhe portant (es. péssighe, pruna, piricoco) Sinonimi e contrari isossare Etimo srd. Traduzioni Francese dénoyauter Inglese to stone Spagnolo deshuesar Italiano snocciolare Tedesco entkernen.

isozàre , vrb Definizione pèrdere, bogare, segare s'ógiu, su grassu (fintzes solu po che dhu seberare de àteru, es. su lardu o s'ogiuseu de sa petza) Sinonimi e contrari disozare, idogiare, isozighinare, sdollai | ctr. aozare, ingrassai Frasi su casu in istiu, si no est in logu friscu, s'isozat ◊ su brou est menzus isozadu si est tropu rassu ◊ sa pedhitza contzada si cuguzat de piúere de ghixu e si abbàtigat fintzas a l'isozare su pilu Etimo srd. Traduzioni Francese dégraisser Inglese to degrease Spagnolo desgrasar, desengrasar Italiano sgrassare Tedesco entfetten.

ispabajàre , vrb: ispapajare Definizione coment'e apèrrere, ma nau prus che àteru in su sensu de lassare meravigliaos meda, fintzes coment'e chentza crèdere, timendho, in pentzamentu; fàere a tímere / colore ispabajau = ispramau, biu biu Sinonimi e contrari ilbambarriare, ispalpedhare, ispampanai, ispamparinare / abbaucare, atolondrai, atordire, spantasiai / acicai, asciuconare, asciustrare, ispramai, isprauriri 2. Mariedha est cun sos ogos ispabajaos de sa rigonza e de sa timoria ◊ mi borto a cada bandha e tandho, ispapajau, mi dimandho: Ma dego, Deus meu, ite soe? ◊ a mimme ispapajau lassaes! ◊ Bustianu fit ispapajau de su chi fit biendhe: mai crediat de acatare una cosa gai ◊ cudhu abbarrat mudu e sichit a si lu pompiare ispapajau ◊ est mortu chin sos ocros ispapajaos ◊ boches e prantu ispapajau prenabant su bichinau ◊ a s'apedhu ispapajau de sos canes, Predànghelu fit iscampiau dae s'alapinna Traduzioni Francese effrayer Inglese to stun Spagnolo asombrar, sobrecoger Italiano sbigottire Tedesco bestürzen.

ispabaràre , vrb Definizione pònnere ispratu, istérriu de si pòdere bídere totu, bene Sinonimi e contrari ispàlghere, istèrrere, istirare, stendiai | ctr. atuturae, imboligare Frasi torrant cun cudha tela manna, naro chi fit nessi duos metros e chimbanta, la ponent in terra e l'ispàbarant (M.Bua) Traduzioni Francese déployer Inglese to spread Spagnolo desplegar, extender Italiano dispiegare Tedesco ausbreiten.

ispabigliàre , vrb: ispibigliai, ispibigliare, spibigliai Definizione segare su pibillu abbruxau de is candhelas, ma fintzes arrangiare o pònnere su pibillu bonu; in cobertantza, fàere prus biu, prus ischidu, prus abbistu / i. su sonnu = catzare su sonnu Sinonimi e contrari ispibillonai, ispipigliare 2. bídere des s'ama, si s'oju ispibíglias! ◊ sos tragos m'ispibigliaiant e bidio sos fumos de sos arrustos Etimo spn. Traduzioni Francese moucher une bugie, raviver Inglese to snuff, to revive Spagnolo despabilar Italiano smoccolare, ravvivare Tedesco schneuzen, beleben.

ispaciài, ispaciàre, ispaciàri , vrb: ispatzare, spaciai Definizione bèndhere, àere bendha de mercantzias; acabbare totu su chi si tenet o chi si portat (bendhendho puru); mòrrere Sinonimi e contrari bèndhere / consumai, finire, ifidigare, mòrrere Frasi sos barracajos sunt a boghes in chilca de che ispatzare sa cosa ◊ sa mercantzia sua ognune chircat de l'ispatzare ◊ cantu a Gavinu as dadu unu lominu gai ispatzes un'untza de giarrete! 2. passa, chi bollis passai: crapitas prus po mei no bollu a ispaciai! ◊ sas reservas de energhia sunt ispaciandhosi ◊ candu beniat su mese de nadale su landhe fut ispaciau ◊ de sa sedha ndhe tèngias bonu proe, dh'ispaces in salude e alligria! ◊ su dinai est ispacendi! 3. s'isposa de su póberu ispaciadu fit bestida in niedhu ◊ custu est mali chi no sanat: eis a biri ca m'ispàciu! ◊ mancai m'ispaci in galera, ma si dha fatzu pagai, disgratziau! Cognomi e Proverbi prb: sa robba de sos macos s'ispatzat innantis Etimo itl. spacciare Traduzioni Francese écouler, vendre Inglese to sell off Spagnolo vender, agotar Italiano smerciare, esaurire Tedesco verkaufen.

ispadhiciàre , vrb Sinonimi e contrari ispaghinare, ispàlghere, isparcinare, isparminare, isparpinare, isprabinare | ctr. ammuntonae Traduzioni Francese éparpiller Inglese to scatter Spagnolo desparramar, esparcir Italiano dispèrdere, sparpagliare Tedesco zerstreuen, verstreuen.

ispadriàre , vrb Definizione foedhare bene, craru, pàdriu, nau prus che àteru de sa manera de nàrrere is foedhos; a logos fintzes abbaldantzare, bagianai, fàere su bantaxeri, su pageri Frasi a bídere giustu e ispadriare mi est piús de profetu (Ptz.Mura) Etimo srd. Traduzioni Francese prononcer Inglese to pronounce Spagnolo pronunciar, articular, recalcar Italiano pronuntziare Tedesco aussprechen.

ispaghinàre , vrb: ispagnai, ispainai, ispainare, ispaniai, ispaniare, isprainare, spagnai Definizione pigare e betare o pònnere ispratu a ispergiadura, ispainau peri su logu; isterrigorzare, pònnere crocau totu istérriu Sinonimi e contrari illaizare, isciudrare, ispàlghere, isparcinare, isparminare, isprabinare / isterrighinare, isterrinai | ctr. ammuntonae, collire Frasi a su fenúciu a pizu si ghetat unu pacu de sufrissu vene ispaghinau e un’ispiugherada de casu ◊ Bidhanoavorru est diventada famosa po sa cultura chi arrennescit a ispaniai ◊ s'ispagnat su concimi ◊ ossus ispainaus a ingíriu de su foghidoni ◊ isciú sa pudha, chi m'ispànias sa palla!◊ est ispaghinendhe sa chisina 2. sa gatu est ispaghinàndhesi in terra 3. sas crapas sont ispainatas in sas ripas de su monte Etimo ltn. *expaginare Traduzioni Francese étendre, répandre Inglese to spread Spagnolo esparcir, derramar Italiano spàndere, spàrgere, diffóndere Tedesco ausstreuen, verbreiten.

ispagiàre, ispagliài , vrb: ispazare, ispaxae, spalgiai Definizione bogare sa pàgia, chèrrere sa pàgia de mesu de su laore po dhu chistire límpiu; nau de ccn. su si giare a bíere prus de su chi est, unu, fàere braga, fàere su pageri Sinonimi e contrari abentuai, irghinitiare, spalligai / abantai, bragai, ispallerai, pazesare Frasi si che ispazat s'arzola iss'etotu: no cheret azudu ◊ a dedie fimus ispazendhe, a denote carruzendhe ◊ su laore in s'argiola ispagiavas si fut bentu in favore 2. tandho, ca as oliàriu, ite ispazas si de su chi produit no ndh'assazas? ◊ sunt ispazendhe pro sos milliardos chi nachi tenent ◊ sos catziadores ispazant narandhe chi cun issos cunillos e sirvones ant pacu vida Etimo srd. Traduzioni Francese dépailler Inglese to separate wheat from straw, to show off Spagnolo aventar, jactarse Italiano spagliare, brezzare Tedesco das Stroh entfernen von.

ispajolàre , vrb: ispogiolare, ispojolare, ispujolare Definizione púnghere su pogiolu, o pojolu, asuta de s'origa Sinonimi e contrari iggannai, irgangare, ispaulare, ispobiai, ispojai, sgraguenai, spuinai Frasi apustis chi l'at dau su corfu a conca, a su porcu, pro che l'acabbare l'at ispojolau su trucu ◊ l'at ispojolau chin s'istillu ◊ ita est, procu, ca dhu bolint ispujai? Etimo srd. Traduzioni Francese égorger Inglese to slaughter Spagnolo degollar Italiano sgozzare Tedesco die Kehle durchschneiden.