Ditzionàriu in línia
de sa limba e de sa cultura sarda

medèsciri , vrb: merèschere, meresci, merèsciri, merèssere Definizione fàere cosa a manera de ndh'àere o de ndhe pòdere àere calecunu prémiu, bàntidu, làude, praxere, o fintzes calecuna cosa de male (po curpa, neghe, farta) Sinonimi e contrari imminèssere, manesci, meressire, meritai | ctr. demerèssere, smerèsciri Frasi is malafatoris chi apuntant fogu no merescint de bivi in mesu de sa genti! ◊ bos rendho tantas gràscias, ma no cantas ndhe meressides ◊ medescint abbruxadas, custas línguas de fogu! ◊ po s'amori chi tenis e chi donas, in totu s'umanidadi chi onoras, alabàntzia merescis e rispetu ◊ sunt poesias chi ant meréschidu su prémiu Etimo spn., ctl. mereixer Traduzioni Francese mériter Inglese to deserve Spagnolo merecer Italiano meritare Tedesco verdienen, eintragen.

mediài , vrb: ammediai 1, mediare 1, meriai, meriare, merijare, miriare Definizione nau mescamente de su bestiàmene, passare is oras de sole prus forte, in istade, in su meriagru, istare in s'umbra Sinonimi e contrari acamai, meliagrare Frasi sas berbeghes fint meriendhe suta de sa nughe ◊ candho sa robba comintzat a meriare, comente imbudhighinat sole, che la trubbas a sa sedha, a suta de sos chercos ◊ una piga est mediandhe in d-unu ratu ◊ in s’ora prus cajente de sa die issu est merijandhe Terminologia scientifica pst Etimo ltn. meridiare Traduzioni Francese faire la méridienne, faire la sieste Inglese to have a siesta, to stay in the shade Spagnolo sestear Italiano meriggiare, stare all'ómbra Tedesco im Schatten Mittagsruhe halten.

mediài 1 , vrb Definizione essire coment'e médios, pigaos a machiore, fora de sèi, pèrdere is sentidos Sinonimi e contrari irmedhighinare, ismemoriai Etimo srd. Traduzioni Francese être hors de soi Inglese to be beside oneself Spagnolo estar fuera de sí Italiano èssere fuòri di sé Tedesco außer sich sein.

mediàre , vrb Definizione essire o fàere méngius, prus bonu, agiustare, agatare rimédiu, nau fintzes in su sensu de cambiare in méngius su cumportamentu, is maneras de fàere Sinonimi e contrari abboniare, arranzare, megliorai, remediare | ctr. impeorai, pejorare Frasi chin cantu ghetamus apare, tota bida, no mediamus mai! ◊ su bisonzu ch'est andhau: semus mediandhe totus! ◊ pro mediare onzi male sezis pronta meighina ◊ in custa netzessidade no ischimus comente nos mediare! 2. su ditzu antigu narat gai: Mala ratza no médiat mai ◊ si s'errore podio mediare, Columba, de ti tènnere a muzere!…◊ so andhau abbissi la podio mediare Traduzioni Francese s'améliorer, se corriger Inglese to improve, to correct oneself Spagnolo mejorar, corregirse Italiano migliorare, corrèggersi Tedesco verbessern (sich).

medicài , vrb: medicare, meicare, meigai, meigare Definizione betare o pònnere meighina po curare o agiudare a sanare unu male, una maladia Sinonimi e contrari curai, meighinare Frasi meigaiat sa frúture pro no ndhe li tocare ◊ e sa bíngia meigada dh'as? Etimo ltn. medicare Traduzioni Francese panser (une blessure), soigner (qqch.) Inglese to medicate Spagnolo curar Italiano medicare Tedesco behandeln.

medíre, medíri , vrb: ammadiri, metire, mitire Definizione pigare is misuras, iscumbatare comente funt is cosas, cantu est, cantu est manna, larga e àteru sa cosa, su logu o àteru / est medinno còcoro = (nadu de su tempus) est randhinendhe a mal'istropiadura, betendhe ràndhine maduru Sinonimi e contrari addedare, ammetrare, mesurai Frasi Antoni, a tie iscusa pedo si no ti poto in su cantu servire ca malamente coso, sesto e medo ◊ no ti medo su ricatu (P.Casu)◊ ant avisau su maistru de linna po bènnere a medire su mortu po dhi fàere su baulu ◊ sas fortzas si devent mitire travallandhe!◊ semus medindhe s'olia e ponindhe in sacos ca est a maghinare cras Cognomi e Proverbi prb: si bèni misuras duas bortas no medis Etimo ltn. metire Traduzioni Francese mesurer Inglese to measure Spagnolo medir Italiano misurare Tedesco messen.

meditài, meditàre , vrb Definizione cunsiderare bene una cosa, una chistione, su chi si liget o chi s'intendhet mescamente candho est de importu mannu Sinonimi e contrari cumpassare Traduzioni Francese méditer, songer, réfléchir Inglese to meditate Spagnolo meditar Italiano meditare Tedesco nachdenken, nachsinnen, meditieren (su=über+Akk.)

medràre , vrb Definizione mediare in is maneras de fàere, in su cumportamentu, callai a cerbedhu, imparare a èssere méngius Sinonimi e contrari afrenai, arregulai, insabiai, medrire, moderai Etimo spn. medrar Traduzioni Francese s'assagir, revenir à la raison Inglese to recover one's wits Spagnolo sentar la cabeza Italiano rinsavire Tedesco wieder vernünftig werden.

megài, megàri , vrb: amegai* Definizione m. a, de…: èssere apunta a…, acanta a…, èssere faghindhe… (si podet nàrrere de su presente e fintzes de su passau, imp.) Frasi megàt de si fai una barca ◊ eita megat de sutzedi? ◊ megas de mi fai su chilighiti ◊ murighendi in sèi in sèi si megàt: Oi etotu bollu imparai a ligi ◊ ita megas de arrallai? ◊ ita megas de fai? ◊ no intendis su chi megant de ti nai?! ◊ bah, dèu megu a nci andai: adiosu! Traduzioni Francese être sur le point de… aller + v. Inglese to be going to… Spagnolo estar para, estar a punto de… Italiano èssere nell'atto di… Tedesco im Begriff sein (Inf.), gerade.

megliorài , vrb: ammellorai, melliorai, mellorai, mengiorai, metzorare, mezorare, milliorai Definizione essire o fàere méngius, prus bonu, fàere mezoros, òperas de bonu Sinonimi e contrari abboniare, agiuventare, mediare | ctr. impeorai, pejorare Frasi su malàidu est mezorendhe die cun die ◊ s'innétiat su terrinu pro mezorare s'incunza ◊ cun cussu dinari faghimus tribàglios e mezoramus sas carrelas ◊ pentzade a comente pòdere mezorare sa Sardínnia! Etimo ltn. meliorare Traduzioni Francese améliorer, s'améliorer Inglese to better Spagnolo mejorar Italiano migliorare Tedesco verbessern (sich).

meighinàre , vrb: ammexinai, meiginare, mexinai Definizione pònnere o betare meighina Sinonimi e contrari curai, licuidai, medicai Frasi cras andhamus a meighinare sa binza ◊ sas berbeghes cherent meighinadas ca si sunt irmalaidendhe Etimo srd. Traduzioni Francese panser (une blessure), soigner (qqch.) Inglese to treat Spagnolo medicar, curar Italiano medicare, curare Tedesco behandeln.

melài , vrb: ammelai* Definizione cundhire cun su mele, indrucare Sinonimi e contrari ammerrare, immelai / addruchire, addulcare, indrucai, indurchire Traduzioni Francese sucrer Inglese to sweeten (with honey) Spagnolo endulzar con miel Italiano addolcire, condire col mièle Tedesco mit Honig anmachen.

melàre , vrb: meliare, mellare, miliare Definizione istare a iscràmios, comente faet su paru brebeghinu e cràbinu Sinonimi e contrari belai, beolare, ilbelidare, meulare, miaurai Frasi sos crapitos, apenas mi bidiant arribbandhe, atacabant a miliare ◊ una crapa est mellanne ca s'astore l'at orfanada Traduzioni Francese bêler Inglese to baa, to bleat Spagnolo balar Italiano belare Tedesco blöken (pecora), meckern (capra).

meledài, meledàre , vrb Definizione pentzare calecuna cosa cun pagu cunsideru, cambiare pàrrere, idea, fintzes solu pentzare Sinonimi e contrari imberriocare, penciai, tramesare Frasi fit meledendhe comente fàghere a dimandhare sa fémina ◊ isse meledat giogos innotzentes ◊ s'ispera rebelde non lassat meledare a beranos benidores (F.Dedola)◊ no mancat mai calchi colonellu chi est meledendhe calchi colpu de manu ◊ semus meledendhe ite podent fàghere sos emigrados pro sa Sardinna Etimo ltn. meletare Traduzioni Francese méditer, songer, imaginer Inglese to meditate, to devise Spagnolo meditar, idear Italiano meditare, escogitare Tedesco ausdenken.

meliagràre , vrb: ammeriagare, meriaciare, meriacrare, meriagare, miliacrare, miliagrare, miriaciare, miriacrare, miriagare, miriagrare Definizione nau mescamente de su bestiàmene, passare is oras de basca, de sole prus forte, in istade, in su meriagru, istare in s'umbra Sinonimi e contrari ammediai 1, merajare Frasi sos pastores controllant donzi tantu sos masones chi sunt meliagrendhe ◊ in cudhu padentinu de sabucos li piachiat a meriacrare ◊ in custu logu no che at umbras bonas pro miriagrare ◊ s'alveghe miliagrat, baca e bígiu cun sa coa si catzant sa musca Etimo srd. Traduzioni Francese faire la méridienne, faire la sieste Inglese to have a siesta, to stay in the shade Spagnolo sestear Italiano meriggiare, stare all'ómbra Tedesco im Schatten Mittagsruhe halten.

mendigài , vrb: mindhigàre, mindigai, minnicare Definizione pedire sa lemúsina, fàere su pedidore; torrare, o èssere, a míndhigu Sinonimi e contrari lemusinai, pedie, pedulianare, mischinzare / abasciai, amenguai, immenguare, miminare, torrae / arrunzinare | ctr. donai, giare / errichire Frasi a unu mindhigu no li mancat it'e mindhigare ◊ cussos no si abbarrant a mannos a minnicare pasturas e mànnicos dae palas de sos àteros 2. est mindigada sa sustàntzia chi lompit a is fròngias Traduzioni Francese mendier, être en difficultés financières, vivre dans la gêne Inglese to beg, to be in shortage Spagnolo mendigar, vivir en la estrechez Italiano mendicare, èssere in ristrettézze Tedesco betteln, in beschränkten Verhältnissen leben, abgebrannt sein.

menentàre , vrb: ammenetzare*, menetare, menetzare, minatare, minetare, minetzare Definizione fàere minetas, ammeletzos, fàere a tímere impromitindho dannu, male, cropos o àteru Sinonimi e contrari ammabetzai, meletare Frasi mi ant minetzau de morte pro sa disamistade de sa famíglia mea ◊ mi aias minatadu de mi dare sa morte ◊ a s'isposu meu, chi m'iat lassau, dh'io menetzau ma no dh'io fatu nudha Traduzioni Francese menacer, intimider Inglese to menace Spagnolo amenazar, intimidar Italiano minacciare, intimidire Tedesco drohen (di=mit+Dat).

menguài , vrb: amenguai, menguare, menguari, minguai, minguare Definizione fàere o torrare a prus pagu, fàere torrare sa cantidade o sa mannària de una cosa Sinonimi e contrari abasciai, arreduire, atzicare 1, emenguare, ilminorigare, immeltzare, immenguare, impagai, impicochire, irminèscere, menguanare, miminare, scimai, torrae | ctr. crèschere Frasi mi est menguendhe dies de vida ◊ issa est sa chi mi ménguat su briu ◊ bidinne ses, sas provistas sunt menguanne! ◊ sas arbeghes sunt menguanne su late ◊ sa zente abbellu abbellu fit menguandhe e fintzas su lamentu de sa biuda fit prus pasau Etimo spn. Traduzioni Francese décroître, diminuer Inglese to decrease, to drop Spagnolo menguar Italiano decréscere, diminuire, digradare Tedesco vermindern, senken, kürzen.

menguanàre , vrb Definizione torrare a prus pagu Sinonimi e contrari allatzicare, amenguai, immenguare, miminare | ctr. crèschere Etimo srd. Traduzioni Francese diminuer, baisser Inglese to diminish Spagnolo menguar, disminuir Italiano scemare Tedesco abnehmen.

menispresiàre , vrb: menospretziai, menuspretziai, mindispretziai, minisprejare, minispressiare, minispretzare, minispretziare, minuspressiai, minuspretziare Definizione crèdere o cunsiderare una cosa o a unu de pagu prétziu, de pagu contu, pentzare o foedhare male de unu Sinonimi e contrari abbituperare, aciociai, afrentai, desdorai, disprejare, ilbantare, ilzenzare, irdinzare, ispresciare, ispucire, isvenzare | ctr. abantai, arrespetai, calculai Frasi tui minuspréssias sa gherra chei s'òpera peus de sa Terra (G.Moi)◊ pariat chi eo minisprejavo sos mortos ◊ a boltas bantamus cosas chi sunt piús pagu útiles de àteras chi minispretzamus ◊ una carroga, spallerendusí cun is atras, dhas menospretziàt ca fiant is prus lègias (M.Figus) Etimo spn. Traduzioni Francese mépriser (qqn.), dédaigner (qqch.) Inglese to despise Spagnolo menospreciar, despreciar Italiano disprezzare, spregiare Tedesco verachten.