A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

atzuntzudhàre , vrb: atzutzudhare Definitzione betare o pònnere is manos apitzu s'unu a s'àteru, brigandho e atripandhosi Sinònimos e contràrios acanciofai, aciufai 1, crazugai, incabigliare, tipiliare, tipilire, trifiare Frases si sont atzuntzudhaos e intas sàmbene s'ant bocau! Ètimu srd. Tradutziones Frantzesu en venir aux mains Ingresu to quarrel Ispagnolu pelear Italianu azzuffarsi Tedescu sich raufen.

atzuntzudhiàre , vrb Definitzione pònnere sa tzudha, èssere a titillias o trémias de fritu Sinònimos e contràrios atzuntzudhire.

atzuntzudhíre , vrb Definitzione artzare o inteterare su pilu, pònnere sa tzudha de s’assíchidu Sinònimos e contràrios aciuciudhae, altudhire, assunciudhai, aturtudhire, atzultzudhare Frases cussu sonu sorrogau in su crofu de sa note a sa fémmina dh'at fata atzuntzudhire Ètimu srd.

atzuntzúdhu , nm Sinònimos e contràrios atzufatóriu, atzufu.

atzuntzurràda , nf Definitzione su atzuntzurrare; in cobertantza, prova, lómpia a calecuna cosa Sinònimos e contràrios acirrada, ingullida 2. cudha no podiat atzetare sas atrividas suas a sa prima atzuntzurrada! Ètimu srd.

atzuntzurràre , vrb Definitzione bufare a bruncu, de s'istrégiu Sinònimos e contràrios aciumai, trincai Frases mi atzuntzurro sa tzuca ◊ su giòvanu fit gioghendhe a sa murra e atzuntzurrendhe binu dai tzochitas e carradelledhos 2. si atzuntzurrat sempre sa muzere! Ètimu srd.

atzupàda , nf: atzupata Definitzione su atzupare, su atumbare a calecunu logu, su si firmare in su chistionu Sinònimos e contràrios atàbbida, atapada, atopu 1, atumbada, atzapulada, imbrúnchinu, imbrunchioni, trambucada Frases est andhendhe dae un'atzupada a s'àtera, candho unu male candho un'àteru ◊ a piús de s'atzupada chi sa mesina li at dadu, s'incontrat istrapatzadu de unu tristu ainalzu Sambenados e Provèrbios prb: dogni atzupada a su pódhighe malu!… Ètimu srd. Tradutziones Frantzesu obstacle Ingresu obstacle Ispagnolu tropezón Italianu inciampo, inciampata Tedescu Stolpern.

atzupàre , vrb Definitzione atumbare a calecuna cosa, andhandho, su si firmare foedhandho Sinònimos e contràrios abbruncai, imbronconai, intuviae, trabbucai 1 Frases truvat a un'ala e atzupat a su carrone de una craca bullitada ◊ sos túncios de s'albore si atzupant cun sos sónnios mios ◊ zughia su piatu in manos, mi ant atzupadu e apo ispramminadu sa minestra in terra! Tradutziones Frantzesu trébucher Ingresu to bump, to trip up Ispagnolu tropezar Italianu urtare, inciampare Tedescu stoßen, stolpern.

atzupàre 1 aciupàe

atzupàta atzupàda

atzupatzúpa , avb Definitzione de un'atzupada a s'àtera, a fortza de atzupadas Frases comente male at pótidu, a s'atzupatzupa che arrivit a bidha Ètimu srd.

atzupíre aciupíre

atzúpu , nm Sinònimos e contràrios abbrúnciu, arrocu, atzupada, barrancu, imbrúnchinu, imbrunchioni, trambucada Ètimu srd. Tradutziones Frantzesu trébuchement Ingresu obstacle Ispagnolu tropiezo Italianu inciampo Tedescu Stolpern.

atzuridàre , vrb Definitzione pigare a atzúrridos Sinònimos e contràrios afrontai, agiostrare, atzurrire, cadojare, iscamurriare, rumbicare, sfacidhiri Ètimu srd. Tradutziones Frantzesu reprocher Ingresu to grudge Ispagnolu regañar Italianu rimproverare, rinfacciare Tedescu vorwerfen, tadeln.

atzurpàdu , agt Definitzione intzurpau, nau in su sensu de inciariu, alligru a binu, e fintzes chi at pérdiu sa passiéntzia, chi no ndhe podet prus de baliare Sinònimos e contràrios inciurpau Frases su priore sichiat a betare su binu e candho fint atzurpados fachiant su cuncórdiu 2. abboghineit ca fit atzurpadu dai s'atédiu Ètimu srd.

atzurrài , vrb Definitzione imbrutare de brodu, de súciu Ètimu srd.

atzurrídu , pps, agt Definitzione de atzurrire Sinònimos e contràrios ardilosu, assudu, atreviu 2. su dimóniu abbóghinat "Torra insegus!" e Antoni li rispondhet atzurridu "Ista mudu!"◊ cussas sunt lestras che lampu, atzurridas e revessas ◊ sos deos dae nois riveridos no lu sunt ca semus piús de issos atzuridos ◊ sas piús atzurridas che la finiant a briga e cun ràfias puru Tradutziones Frantzesu audacieux, hardi Ingresu bold Ispagnolu osado, atrevido Italianu audace, ardito Tedescu mutig.

atzúrridu , nm Definitzione boghe o cosa chi si narat a briga Sinònimos e contràrios abburruntu, afetuada, apoboretada, rimbicu Ètimu srd. Tradutziones Frantzesu cri, reproche Ingresu shout, reproach Ispagnolu grito, reproche Italianu grido, rimpròvero Tedescu Verweis.

atzurrigalimè! , iscl Definitzione genia de atzitzamentu chi si faet a su cane, foedhu chi si narat atzitzandho is canes Ètimu srd.

atzurríre , vrb Definitzione lòmpere, giare o pònnere is manos apitzu a ccn.; pigare a atzúrridos Sinònimos e contràrios afarcai, botzicare, intriglire, tzurricare / afrontai, agiostrare, atzuridare, cadojare, iscamurriare, rumbicare Frases est unu cane chi si atzurrit deretu a su furisteri ◊ Pepedhu perdeit su sentidu, atzurreit su mastru de linna e ambos si mazeint che sa fae (G.Addis) Tradutziones Frantzesu se jeter, se lancer Ingresu to throw oneself Ispagnolu lanzarse Italianu avventarsi Tedescu sich stürzen.