Ditzionàriu in línia
de sa limba e de sa cultura sarda

istriài, istriàre , vrb Definizione fàere istrigaduras, po su bonu o po su malu Sinonimi e contrari afatugiare, afaturai, ammaghiare, ammainai, apungare Frasi sa fémina at istrigau bèni su pipiu, dh'at aprapau in dogna parti pispisendi e narendi brebus 2. est cumenti e chi mi apant istriau is ogus suus cun sa luxi insoru! Etimo srd. Traduzioni Francese ensorceler Inglese to bewitch Spagnolo embrujar, hechizar Italiano stregare Tedesco verzaubern.

istriàre 1 , vrb Definizione sentire istriore de su fritu o de sa timoria Sinonimi e contrari arpilare, astriare* Traduzioni Francese frémir d'horreur Inglese to be appalled Spagnolo espeluznarse Italiano raccapricciare Tedesco schaudern.

istribitàre , vrb: istribitzare Definizione fàere istribitu, moida, giare genia de cropos cun is peis a terra, fintzes coment'e po si ammostare contràrios a calecuna cosa, o po fàere fuire Sinonimi e contrari intrigliare, istrampizare, istripizare 2. istribitant e apedhant chi custas cosas sunt tropu ◊ si est pesadu a pabarotadas, istribitzendhe cun maigantu arrennegu Traduzioni Francese faire du vacarme Inglese to make a din Spagnolo hacer ruido Italiano strepitare Tedesco lärmen.

istrígnere , vrb: istrínghere, istringi, stríngiri Definizione acapiandho o poderandho, tirare forte is càbudos de su lióngiu, agguantare cun fortza; bènnere o pònnere prus acanta, a cracu; foedhandho de cosas de papare, isserrare de su corpus Sinonimi e contrari acoltziare, afianzare, afíere, astrínghere, isserrare | ctr. illascare, isciagai Frasi est poderandhosi sa conca e istringhendho is barras po su ferenu ◊ dèu abarru pagu a istringi su crobu! ◊ chin sa manu istringhet su frore ◊ est coment’e s’anguidha candu si bolit istringi po dh’aciapai: illiscinat! ◊ m'istringhent sa manu mandhèndhemi cun Deus ◊ tocat a tirare sa letranga e a istrínghere sa chíngia ◊ po no intèndhere su fritu s'istringhet s'isciallu in tzugu 2. istringhídebbos de prus, ca no che cabimus totugantos, sinono! Etimo ltn. stringere Traduzioni Francese serrer Inglese to grip Spagnolo apretar, estrechar Italiano strìngere Tedesco drücken.

istrimuzíre , vrb Definizione batire a malu puntu de debbilesa a fortza de trebballu Sinonimi e contrari arrematai Frasi za l'as istrimuzidu custa chida, su zuo, sempre arendhe! Traduzioni Francese épuiser Inglese to wear out Spagnolo extenuar, agotar Italiano stremare Tedesco erschöpfen.

istripidàre , vrb: istripitare Definizione fàere una genia de movimentu cun is cambas, ponendhodhas a grughe ballandho; fàere tzàcurros cun is peis iscudendho su fundhu de s'iscarpa a terra ballandho, fàere istribitu fintzes po cosa in contràriu Sinonimi e contrari aciapitai, atzopitai, istripizare, sciampitai / bacanare, sciumbullai, tzacai Frasi "Ràida?!…" isclameit, istripidèndhesi a sa notíscia ◊ àltziat sa boghe, si leat matana, istrípidat e sonat e, si li dant contra, segat s'arresonu ◊ eris note fit ballendhe: deo no lu aio bidu mai gai allegru, istripidendhe forte cun ambos pes! 2. prima de iscanzare die si est ischituladu e a pupa de iscuru est isérghidu che cane istripidadu (G.Mele) Traduzioni Francese piétiner, trainer les pieds, faire du vacarme Inglese to make an uproar, to shuffle Spagnolo pisotear Italiano scalpicciare, strepitare Tedesco zertrampeln, lärmen.

istrisignàre , vrb: istrisinare, striscinai Definizione pigare cosa trísina trísina chentza dh'artzare de terra, andhare a su friga friga in terra, fintzes illascinare; pònnere crocaos istérrios in terra / istrisignare is dentes = arrodare dentes, tzacarrai is dentis Sinonimi e contrari atrasinai, istrascinai, istrisinzare, traginare, trazare, trijinare / allescinai / isterrigorzare Frasi lèalu in pesu cussu traste, no l'istrísines in terra ca l'imbrutas! Traduzioni Francese traîner Inglese to drag Spagnolo arrastrar Italiano trascinare Tedesco schleppen.

istrobeíre , vrb: istrobire, istrobiri, istropedire, istropeire, strebiri Definizione pigare e bogare sa trobea a unu pegus troboiu; lassare andhare líbberos, iscabbúllere de una dificurtade Sinonimi e contrari istravare, istrobejare / iscabbúllere / ilboligare, istrepojare | ctr. trebeire Frasi sos pudhedros cherzo istrobeire pro los ispramminare a curridorza 2. bollu biri comenti s'at a s'istrobiri fillu tuu de custa trobea! 3. est istrobenno e filanno sa lana Etimo srd. Traduzioni Francese désentraver Inglese to unhobble Spagnolo desapiolar, desmanear Italiano spastoiare Tedesco von den Fußfesseln befreien.

istrocàre 1 , vrb Definizione essire o birare s'abba de is surcos tropu prenos, fintzes essire s'abba de su letu de un'erriu, essire de su trocu Sinonimi e contrari besciare, iscarropai Etimo srd. Traduzioni Francese déborder Inglese to overflow Spagnolo desbordar Italiano esondare Tedesco über die Ufer treten.

istrochíre , vrb Definizione foedhare trochendho is murros e faendho sa boghe che a sa persona de istròchere, fàere ingestos coment'e po pàrrere un'àteru po dhu pigare a befa, po erríere; tròchere is murros po contrariedade Sinonimi e contrari istòlchere, istrochizare, strochillai 2. s’intrada de sa truma abbulotera in chéjia faghiat istrochire su mutzighile a sas mammais Etimo srd. Traduzioni Francese contrefaire, faire des grimaces Inglese to counterfeit Spagnolo imitar Italiano contraffare, smorfiare Tedesco nachäffen.

istroligàre , vrb: astrolicare, istrollogare, strolicai Definizione foedhare credendho a is astros, a intzertu, foedhare a s'afaiu, nàrrere istrolichéntzias, nàrrere o istare naendho istrollogos Sinonimi e contrari schiribitzai / illeriare, istralobbiare / iscassoletare, istantariare, sciolloriai Etimo itl. Traduzioni Francese délirer, radoter, prédire l'avenir Inglese to foretell, to rave Spagnolo delirar, desvariar Italiano farneticare, strologare Tedesco irrereden, sich den Kopf zerbrechen über.

istronàe , vrb: istronai 1, istronare, stronai 1 Definizione coment'e issurdare, nau po sonu o cropu forte, ma nau fintzes in su sensu de fàere sa conca o sa mente coment'e cunfúndhia, chentza cumprèndhere bene Sinonimi e contrari alloriai, atordire, atronai*, irbaloricae, iscirbí, isorgonare, scilibriri Frasi so totu istronadu de custu tússiu forte ◊ no istes istronèndhemi sas orijas ca tantu betas peràulas debbadas! 2. a ndhe zuchiat de piripisone apenas chi fit a mesu costa: una boche de fémmina at istronau che sirena e isse l'at connota deretu! Traduzioni Francese assourdir, étourdir Inglese dazed, to confuse Spagnolo trastornar, confundir Italiano intronare, frastornare Tedesco betäuben, stören.

istropiài, istropiàre , vrb: istrupiare, stropiai Definizione pònnere istrúpiu, fàere dannu, guastu de dhi abbarrare, a sa carena; fàere dannu mannu a calecuna cosa, su dha cambiare in manera chi no serbit prus Sinonimi e contrari bisastrare, diculai, guastai, immelmare, irfrezare, iscempiai, iseniare Frasi dae tentu cun sa bistrale, no t'istrópies! ◊ si non si fint fatos abbanna e impresse puru si fint istropiatos male ◊ zuchiat sos podhichitos fichios in pupias, coment'e in cherta de ischertzare sos ocros, fortzis chircandhe abberu de s'istropiare 2. istropiaiat totu sos númenes ◊ non si agataiat "podestà" chi no istropiaiat s’italianu in sa faedhada Traduzioni Francese estropier, mutiler Inglese to cripple Spagnolo lisiar, tullir Italiano storpiare, mutilare Tedesco verunstalten, verstümmeln.

istrugàre , vrb: istujare, itujare Definizione tirare o segare su tzugu; isconcare, truncare, segare a iscosciadura (foedhandho de naes o cambos de is matas) Sinonimi e contrari iscabitzare, isconcai / stuturigai Frasi su pitzinnu at segadu unu vasu de fiores e istujadu duos gravèglios ◊ patindhe onzi die fàmine, in chirca de si azibbare at istujadu duas pudhas ◊ at itujadu duos ómines 2. unu istaiat a s'àteru istujendhe ca totu s'adhe deviamus rugare e si fit su fogu mannu acurtziendhe (M.Dore) Etimo srd. Traduzioni Francese décapiter Inglese to behead Spagnolo decapitar Italiano decapitare Tedesco enthaupten.

istrumài, istrumàre, istrumàri , vrb: istrummare, strumai Definizione si narat de sa fémina candho ndhe faet su pipiu chentza lómpiu, mortu; isfàere o isciusciare calecuna cosa (coment'e bogare una parte de sa truma)/ fémina istrumada = chi s'est istrumada, ndhe at pérdiu su fedu Sinonimi e contrari abbortai, agurtire, antiri, distrúere, isconciare, istrumingiai, sciusciai / ispartzire Frasi fumendhe sos primmones ti as brujadu: est acurtzu sa die chi t'istrumas ◊ Giuannedha fit ispetendhe… si est posta a samunare in terra e si est istrumada ◊ si nch'est istrumada, est lunàdica e sèmene no ndhe batit a frutu ◊ bi ndh'at chi si faghet istrumare, como chi sa lege lis dat amparu ◊ mortu est maridu meu… so ràida e m'istrumo! ◊ sa fémina istrumada zughet sa fossa abberta baranta dies 2. po fai logu a ponni su contaroi ndi ant istrumau un'arrogu de muru ◊ a cini fait e istrumat no dhi mancat faina ◊ is pieghedhas de sa fardeta si apredant cun contonedhos po no si nd'istrumari Etimo ltn. extremare, exterminare Traduzioni Francese avorter Inglese to have an abortion Spagnolo abortar Italiano abortire Tedesco abortieren.

istrumbullài , vrb Definizione pònnere trumbullu, avolotu, pentzamentu, fàere pentzare Sinonimi e contrari istrevuzire, sciambullai, strumbuligai Frasi dógnia borta m'istrumbullat su coru, candu dh'intendu, cussa pipia! ◊ Gesús dh'iat fatu fissu una castiada: Simoni si fiat inténdiu istrumbullendi cun sa violéntzia de una temporada ◊ nara, ma mi bois istrumbullai is figaus?!◊ de seguru est cussa canciofa de sa cena chi mi at istrumbullau s'istògumu! Etimo srd. Traduzioni Francese bouleverser Inglese to disturb Spagnolo trastornar Italiano sconvòlgere, turbare Tedesco erschüttern, verwirren.

istruncài , vrb: istruncare, istrunciai, struncai Definizione segare a truncadura, fàere a orrugos segandho prus che àteru chentza ferramenta, a comente essit, chentza precisione (chentza bòlere o bolendho) Sinonimi e contrari arrogai, istuturai, truncare 2. cuss'arroghedhu de civraxu, tostau e istrunciau de segadura, parriat segau de su maistu de carrus! Etimo srd. Traduzioni Francese casser, briser Inglese to break off Spagnolo tronchar Italiano stroncare, spezzare Tedesco abbrechen.

istrussàre , vrb: istrussiare Definizione bogare e fintzes betare a orrosiadura, a ispergiadura manna cun fortza Sinonimi e contrari bocare Frasi su trau a cada isúlfida istrussiaiat salia dae sas nàstulas ◊ su preíderu at istrussiadu su locu de abbasanta ◊ comente li est crebada sa ferida at istrussiadu su letolu de martza e sàmbene Traduzioni Francese émettre Inglese to emit Spagnolo emitir Italiano eméttere Tedesco ausstoßen.

istruvedhàre , vrb Definizione sonare sa truvedha; sonare a s'afaiu Sinonimi e contrari straullai Frasi istat tota die istruvedhendhe Etimo srd. Traduzioni Francese racler, tapoter Inglese to strum Spagnolo rascar, aporrear (piano) Italiano strimpellare Tedesco klimpen auf.

istudiàe, istudiài , vrb: istudiare Definizione fàere istúdiu, istúdios; mandhare o andhare a iscolas artas, giare annestru, imparu a s'àteru / i. una cosa a trama trama = bene meda, a s'atenta Sinonimi e contrari imparai, istruire 1 Frasi in su logu chi ap'eo istudiadu bei podet donzunu istudiare (Maloccu)◊ candho istúdias afina su pessamentu! ◊ a istudiare no pragiat ne in ierru, ne in istade e ne mai ◊ de sa piciocalla propietària nemus fut andau a istudiai 2. su mannu, ca ndh'aiant bisonzu, l'ant mandhadu a pastorigare: su minore l'ant istudiadu ◊ póveru póveru, intantu at istudiadu totu sos fizos! ◊ professores de illusione sos ch'in s'iscola mi ant istudiadu! Traduzioni Francese étudier, instruire, apprendre Inglese to study, to learn Spagnolo estudiar, instruir Italiano studiare, istruire Tedesco lernen, belehren.