Ditzionàriu in línia
de sa limba e de sa cultura sarda

sciadhíe , vrb: sciadhiri Definizione passare de un'oru, de unu tretu, de unu tanti, nau de logu o de tempus o àteru, essire de prus; essire o bogare de su logu suo, nau de un'arremu, essire de arratza diferente; iscassedhare, fartare Sinonimi e contrari colare, irghelare, passae / ilgiogare, innoigare, irbesciai, isconzare / iscrizeniare Modi di dire csn: lassai sciadhiri una cosa a unu = perdonarebbila, no ndhe fàghere contu, lassare andhare; fai bias sciadhitas, sciadhias = fai moris fadhitus, forchidhos Frasi chi sa lítera sciadhit su pesu, est doveri de dha tassai ◊ sciadhia sa caserma, essendu a manu dereta dhui at un'ofelleria ◊ dh'at sighiu e peri sciadhiu, currendu ◊ a chistionai su tempus nci sciadhit chena chi unu si ndi acatit ◊ chi ia tentu s'edadi de issa un'ómini aici no mi dh'ia lassau sciadhiri ◊ no nci sciadhiat noti chi non mi cumpariat in su sonnu ◊ in su caminu no dhue sciadhiat su giú chin su carru, no dhue colànt duas personas paris! 2. mi soi sciadhiu unu bratzu ◊ su cuadhu s'est sciadhiu unu pei 3. po una borta chi ti at mossiau, burrincu, si dha podias peri lassai sciadhiri 4. tui as sciadhiu, no paris mancu de s'arratza de sa famíglia (G.Mura) 5. no si seus atobiaus: si bit ca eus fatu bias sciadhitas ◊ soi iscriendu e mancai mi apu a isbalgiai calencunu acentu chi nci sciadhit chene dhu biri (C.Carta) Etimo srd. Traduzioni Francese dépasser, s'écouler Inglese to go beyond Spagnolo translimitar, superar Italiano oltrepassare, trascórrere Tedesco überschreiten, übersteigen, vergehen.

sciài , vrb: (scià-i) sciàiri (scià-i-ri) sciari Definizione su essire de pare de sa cosa de no abbarrare nudha intreu; fintzes su pèrdere o calare de un'istrégiu istampau / cong. 1ˆ p. sing. (chi dèu) sciatza; pps. sciatu; èssiri sciai sciai = colagola Sinonimi e contrari ifàghere*, isciusciai, isconciare / sfai Frasi calincuna dí si sciait su mundu ◊ gei fut un'ora a tzérrius, s'arratori, pariat ca si sciadiat su mundu! ◊ bosatras feis e sciadeis e dèu seu s'úrtimu a iscí is cosas ◊ est prus fàtzili chi si sciatzant su celu e sa terra prima chi arruat su prus piticu fuedhu de sa lei de Deus (Ev.) 2. sa màriga filia nci at sciatu totu s'àcua ◊ chi sa carrada sciait ndi perdeus su binu! ◊ s'àcua sciaiat de is tubbus istampaus ◊ custa miza est sciai sciai de meli! Traduzioni Francese se désintégrer Inglese to disintegrate Spagnolo desintegrar Italiano disintegrarsi Tedesco zerfallen, sich zersetzen.

sciamài, sciamàri , vrb Definizione guastare sa bona fama o s'onore unu bogandhodhi fogu, naendhondhe male Sinonimi e contrari allimbare, foghigiai, infamai, innorare, irfamiare*, sconcetuai, tragagiai Frasi Giusepi, s'isposu suu, chi fut ómini giustu e no dha boliat sciamai, iat detzídiu de dha denuntziai a iscusi ◊ dèu no portu un'aremigu, ma torru onori a Babbu miu e bosatrus mi sciamais (Ev)◊ su maistu si divertiat a mi sciamai Traduzioni Francese déconsidérer, dénigrer Inglese to discredit Spagnolo desacreditar, difamar Italiano screditare Tedesco diskreditieren.

sciambullài , vrb: isciumbullai, simbullare, sumbullai, sumbullare, summullai Definizione fàere sciumbullu, betare apare, pigare a tontonadas, a iscutuladura, mòvere a cropu, su si mòvere cun coidu po fàere faina, avolotu, fàere mòvere Sinonimi e contrari abbolojare, abbuligiai 1, arrebbulliai, intruai, issumbullare, sachedhare, streulai, trumbugliai / agiolotare, atrepillai, pesai, istrumbullai, subuzare* / bacanare Modi di dire csn: sciumbullai a chitzi = suguzare, ischidare, pesare chito; sumbullai de sa brenti = tzocos de mata, morigamentu de istentinas; sciumbullai su bestiàmini = essire a morigadorzu, mòere su bestiàmine a pàschere intro de note Frasi Coixedha sumbullat totugantu ◊ ant simbullau totu sa vidha cricandhe giovanedhas! ◊ su pastori chi tenit incuru a summullai essit a is duas de noti (F.Lai)◊ cussu commo cheret bènnede a sumbullare su logu!◊ sumbulla sa cedha ca depit pàsciri! 2. mi ndi apu a èssiri pesada cuatru bortas po ndi dha sciumbullai de su letu ca depiat pigai su postali!…◊ su cantu de su caboni cumbidat sa genti a sciumbullai ◊ a mengianu a chitzi no boint sciumbullai! Traduzioni Francese bouleverser, secouer Inglese to ruffle, to shake Spagnolo desarreglar, sacudir Italiano scompigliare, scuòtere Tedesco in Unordnung bringen, schütteln.

sciampitài , vrb: isciampitai Definizione fàere sa sciampita, mòvere is cambas coment'e ballandho, fàere is passitedhos de su ballu, fàere genia de giogos cun su ballu Sinonimi e contrari aciapitai, atzopitai, brinchitare, istripitare Frasi sciampitat sa cónduma e faint s'anchita e su passu torrau (A.Cannas)◊ ci fiat essiu cuntentu e sciampitendi ◊ no sciampitat foras unu pipiu ca est tempus mau ◊ beni a mesu de su ballu ca ti fadeus biri comenti si sciampitat! ◊ is pobidhas sciampitendisí su paneri e nosu ingunis! 2. fatzu unu ballu de cussus sciampitaus Etimo itl.t zampettare Traduzioni Francese danser la danse sarde Inglese to have a sardinian dance Spagnolo bailar el baile sardo Italiano scambiettare Tedesco Kreuzsprünge machen.

sciamplài , vrb Definizione fàere prus largu, prus ampru, nau mescamente de bestimentu a manera de orrúere o calare méngius, bestiu, ma fintzes po illagratzadura chi unu bestimentu faet a fortza de dhu pònnere Sinonimi e contrari allalgare, ilfodhonare Etimo ctl. eixamplar Traduzioni Francese élargir Inglese to widen Spagnolo ensanchar Italiano slargare Tedesco verbreitern, ausweiten.

sciampugiài , vrb: isciampugliai, sciampugliai, sciampulai, sciampullai Definizione iscutulare, fàere mòvere cun fortza de un'ala a s'àtera, nau mescamente de s'abba aintru de un'istrégiu, pigare a iscutuladura Sinonimi e contrari assucare, igiucare, isciaculare, isciucare, sciampuinai, sucariare Modi di dire csn: andai sciàmpula sciàmpula = a s'assuca assuca; sciampulaisí in su letu = istare corcados gai, ca piaghet, chentza bisonzu Frasi su mari sciampullat àcua ◊ s'abba in su mari est sempri sciampullendu 2. si ndi fiat istesiau sciampullendi sa conca Etimo srd. Traduzioni Francese clapoter, ballotter Inglese to swash Spagnolo agitar, remover Italiano sciabordare Tedesco umrühren, schütteln.

sciampuinài , vrb: isciamponiai, sciampullinai Definizione iscutulare a forte un'istrégiu cun abba aintru po dhu samunare, o fintzes un'istrégiu cun cosa aintru po chi ammesturet bene; giare una passadedha de abba coment'e samunadura a sa bona Sinonimi e contrari assucare, igiucare, isciaculare, isciucare, sciampugiai, sucariare Frasi sciampuina s'ampudhita innantis de dh'imperai ca sa mexina est pasiada in su fundu! 2. apu sciampullinau s'istrexu ca fut brutu ◊ ant sciampullinau s'istrexu, dhi ant donau una passaredha de àcua Etimo srd. Traduzioni Francese clapoter, ballotter Inglese to dabble Spagnolo agitar, bazucar Italiano diguazzare, sciaguattare Tedesco rühren, schwappen.

sciarinài , vrb Definizione fàere a farra, a farinos, pistare a pruine Sinonimi e contrari irfarfaruzare, irfarinare* Frasi as a perdi su sonnu aconcendi teulàcius chi si sciarinant…◊ chi ti cassat asuta, cussa perda ti sciarinat!◊ apu sciarinau is leas Traduzioni Francese écraser, broyer, pulvériser Inglese to grind, to pulverize Spagnolo triturar, pulverizar Italiano stritolare, polverizzare Tedesco zermalmen, zerpulvern.

sciarrocài , vrb: isciarrocai*, sciorrocai Definizione nau prus che àteru de fràigos, muros o àteru deasi, betare o orrúere a terra, distrúere totu cun fragassu e tzàcurru mannu Sinonimi e contrari destrui, idarrocai, ifàghere, irrainare, isconciare, scioscionai / derrúere, iscalabrare, isciusciai, istrossare / betare, fuliai, imbolare Frasi cun sa gherra nd'ant sciorrocau una citadi de fundu de arréxini ◊ ndi sciarrocaus totus a terra, de su letu ◊ ndi ant sciorrocau su muru de Berlinu ◊ candu fiat cabau cudhu lampu nd'iat sciarrocau su campanibi ◊ suat su bentu e ndi sciorrocat totu sa domu 2. intendat comenti proit: est torrendi a sciarrocai bèni! ◊ su celu ndi fiat sciarrochendi àcua de si ndi ammachiai ◊ chi no mi pigat a pobidha mi nci sciorrocu a funtana! ◊ sciorrocu una butíglia de àcua, ma s'ollu fritedhat peus! Traduzioni Francese effondrer, écrouler, démolir Inglese to demolish Spagnolo derrumbar Italiano crollare, diroccare Tedesco zusammenstürzen.

sciasciài, sciasciàri , vrb: isciasciai* Definizione fàere sa cosa a crantos ma coment'e a crepadura, a istrecadura, a orrughedhos piticos e a farinos Sinonimi e contrari destrui, idarrocai, ifàghere, ifasciare, isciusciai, isconciare, isordulare, sculai Frasi sa cosa tropu cota si sciàsciat ◊ is messajus marrant sas terra po sciasciai e iscirinai sa léura ◊ cussu est cument'a una cubidina: chi arruit si sciàsciat! ◊ chi pigu una pedra ti sciàsciu! ◊ tenit su carru totu sciasciau ◊ su lióngiu de is mànigas si sciàsciat in s'argiola Traduzioni Francese écraser, briser, mettre en pièces Inglese to shatter Spagnolo romper, destrozar Italiano sfasciare Tedesco zerbrechen, zertrümmern.

scibudhàe, scibudhài , vrb Definizione essire irbentiadu, chentza fortzas, nàrrere isciolórios, immentigare is cosas Sinonimi e contrari iltasire / sciolloriai Frasi mi nci bollu andai, de innòi, prima de mi agabbai de scibudhai ◊ ses a ferionis o scibudhendidí?! Etimo srd. Traduzioni Francese dire des bêtises, retomber en enfance Inglese to talk nonsense, to go silly Spagnolo decir tonterías, abobarse Italiano dire sciocchézze, rimbambirsi Tedesco Unsinn reden, verblöden, verdummen.

sciguriài , vrb Definizione pònnere istrúpiu, guastare Sinonimi e contrari bisastrare, immelmare, iscariolare, iselmorare, istropiare Frasi sa cara sua de s'assíchidu pariat sciguriada ◊ nc'iat donau sa conca a unu serracu e si fut totu sciguriau Traduzioni Francese balafrer Inglese to disfigure Spagnolo marcar, desfigurar Italiano sfregiare Tedesco mit einem Stich das Gesicht verunzieren.

scimingiài , vrb: insimingiare, sciumingiai Definizione fàere a iscimíngiu, a illuinu, pèrdere su sentidu, pigare coment'e a conca de no cumprèndhere bene fintzes po cosa imbusticada, difícile meda, chi giaet pelea manna Sinonimi e contrari abbadhinare, ammolighinare, atambainare, ibbadhinare, imbatzinare, ingadhinae Frasi est scimingedisí sa conca in mesu de is libbrus ◊ e dèu scimingendumí sa conca circhendi cussa cosa! ◊ càstia ca no tengu tempus de mi scimingiai cun su chi bolis tui! ◊ custu fragu de sigarru mi est peri scimingiandu ◊ a dh'acabbas de bati cussa cosa, ca mi scimíngiat sa conca?! ◊ acabbadha de girai ca mi scimíngiat su logu! Traduzioni Francese abasourdir Inglese to stun Spagnolo aturdir Italiano stordire, scervellare Tedesco betäuben, sich den Kopf zerbrechen.

scíngere, scíngiri , vrb: ischínghere* Definizione si narat prus che àteru in su sensu de iscapiare calecuna cosa de unu bestimentu chi si portat bestiu (ma fintzes cosa acapiada, unu pegus, is boes de su giuale)/ pps. scintu Sinonimi e contrari isòlbere 2. su nú urgentu tirandu unu càbudu si ndi scingit coidandu (T.Monni)◊ acodint is guàrdias e nosi ndh'ant scintu sa fàscia de sa comma Traduzioni Francese déboucler Inglese to unfasten Spagnolo deshebillar Italiano sfibbiare Tedesco abschnallen.

scingrài , vrb: isciringare*, sciringai Definizione fàere calecuna cosa a siringa in su sensu de samunare o imbuidare un'arremu (es. busciuca); nau in cobertantza, fàere sufrire, agghejare, giare ifadu a unu Sinonimi e contrari ifadare Traduzioni Francese cathétériser Inglese to catheterize Spagnolo poner un catéter Italiano cateterizzare, dare un lavativo Tedesco Katheterisieren, ein Klistier geben.

sciodhài , vrb: sciudhai Definizione dhu narant de bestimentos (mígias, mudandhas, magliones e àteru, mescamente segundhu sa genia de materiale o de tessíngiu) candho si che faent meda prus largos; illadiare, istrecare, pistare; fintzes nàrrere in giru cosa chi no si depet, iscoviare; nau de gente, chi est chentza fortzas, arréndhia Sinonimi e contrari ifodhonare, ilfodhonare, illariodhare, illasaredhare, irbrofodhare, istiriolare, sciabudhai, sciadhonai / iscassetare, lendhare, sciodhuedhai Frasi custas mígias si funt totu sciodhadas de cantu funt bècias ◊ s'olàsticu de is mudandas est totu sciodhau 2. papa cantu ndi bollis ma no isciodhis s'àgina! ◊ mi est arribbada una granata e mi ndi at pigau una camba, mi dh'at totu sciodhada 3. is féminas gei abarrant pagu a sciodhai: ndi ant prenu totu sa bidha! 4. est una fémina totu sciodhada ◊ candu oberit buca, cussu, sciodhat su fuedhu ◊ seu totu sciodhau de s'arretroxa ◊ cussus bastàscius pudéscirus mi ant totu sciodhau, mi tirànt in duus, mi nci ant furriau a farrancas a susu ◊ est cosa de si sciodhai de s'arrisu! ◊ cussus portant su coru sciodhau ma no dhu faint a biri Etimo srd. Traduzioni Francese délabrer Inglese to chip the rim Spagnolo ensancharse Italiano slabbrare Tedesco ausweiten.

sciollài , vrb: irfozare*, isciollai, sfollai Definizione istacare o pèrdere sa fògia; nau de is metallos abbrigaos, bogare ischerdas, ischintídhias / s. s'àxina = ispollaidha de su pàmpinu Sinonimi e contrari irfozire, sfollitai Traduzioni Francese effeuiller Inglese to strip the leaves off Spagnolo deshojar Italiano sfogliare, defoliare Tedesco entblättern.

sciolloriài , vrb: isciolloriai Definizione nàrrere o fàere isciolórios Sinonimi e contrari addrollare, astrologare, ibentiare, illeredhiare, istralobbiare, istralloriare, istorodhare, scassolai Frasi ti ses imbriagau e sciollórias puru! ◊ ciai dh'agatas s'ora de sciolloriai!…◊ de candu at pigau cuss'acollara in màchina at cumentzau a sciolloriai, no est prus sentzeru de conca Etimo srd. Traduzioni Francese dire des fadaises Inglese to daze, to talk nonsense Spagnolo abobar, decir tonterías Italiano rimbambire, dire scipitézze Tedesco verblöden, Unsinn reden.

sciorài , vrb: isciorai* Definizione fàere braga, fàere a bíere sa cosa chi si tenet, bantandhosindhe Sinonimi e contrari abantai, bagianai, isfartzare Frasi sétzius in su friscu, sighint a arrexonai sciorendi de contus de pisca mera ◊ donniunu sciorat su mellus chi tenit! ◊ cussas féminas portant petzus de visoni, po sciorai! ◊ sciorant is piciocas a passillu in s'arruga Traduzioni Francese afficher, étaler Inglese to show off Spagnolo ostentar Italiano ostentare Tedesco zur Schau tragen.