Ditzionàriu in línia
de sa limba e de sa cultura sarda

sparigài , vrb Sinonimi e contrari iscrobai, iscumpanzare Traduzioni Francese dépareiller Inglese to uncouple Spagnolo desparejar Italiano spaiare Tedesco trennen.

sparrancài , vrb: isparrancare, sparranchiai, sparranchinai, sparruncai, sparrunchiai, sperranchiai, sperrenchiai, sperruncari Definizione apèrrere, illargare, istesiare de pare, nau mescamente de is cambas, ma fintzes de àteru Sinonimi e contrari ilbambarriare, ispalpedhare, ispamporionare, isparpalociai / ispantiare, isperrionare, sperrioncai Frasi sparruncai su portali ◊ at sperrenchiau sa genna de perra in perra ◊ sperrunca bèni is cambas po incosciari su cuadhu! 2. sperruncau, mi asciugu is pantalonis acanta de su fogu tenendi a fraca Etimo spn. esparrancarse Traduzioni Francese écarter les jambes Inglese to open wide Spagnolo abrir Italiano spalancare, divaricare Tedesco spreizen.

sparsinài , vrb: ispartinare*, spartinai, spartzinae, spartzinai, spracinai, sprassinai, spratzinai, spraxinai Definizione portare, pònnere, istare atesu de pare in su logu Sinonimi e contrari irfaghinare, ispadhiciare, ispaghinare, ispàlghere, ispartighinare, spagnai, spampasullai Frasi prus no ant a spartzinai cun largu iscàviu de bratzu su sèmini ◊ cussus arrexinant e crescint in mesu de sa genti sprassinada ◊ apu pregau su bentu de spartinai custas nuis ◊ Sardigna, is mellus fillus dhus tenis spratzinaus in su mundu! Traduzioni Francese éparpiller Inglese to scatter Spagnolo desparramar, esparcir Italiano sparpagliare Tedesco verstreuen.

spartíri , vrb: ispartzire*, spartziri, spraciri, spratziri Definizione fàere is partes, segare una cosa in partes oguales, fàere a orrugos, a bículos; si narat fintzes in su sensu de s'ispainare, de essire o andhare in su logu Sinonimi e contrari addesumare, cumpaltire, dividire, paltire, scumpartziri / arrogai / istèrrere, ispàlghere Modi di dire csn: spraciri sa linna = isperrare, bogare sa linna; est ispartendu s'ària = est iscrarindhe, ispalatendhe 3. a su chitzi as a cantai e sa boxi tua si at a spratziri in dogna baga de s'olioni (S.Chiappori) Traduzioni Francese partager Inglese to divide Spagnolo dividir, partir Italiano divìdere Tedesco teilen.

spassiài , vrb: ispassare* Definizione fàere cosa de divertimentu, po ispàssiu; lassare andhare a passiu, iscapu, su bestiàmene Sinonimi e contrari desogai, diveltire, ispaliare, spassillai, sulassai / iscapae / ispedientare Modi di dire csn: s. s'arxola = lassare intrare su bestiàmine a s'arzola, pustis chi ndhe ant collidu su laore; s. sa bidatzoni = intrare su bestiàmine a s'istula Frasi funt essius a sa festa po si spassiai ◊ cussu andat a circai féminas po si spassiai 2. is bòis nci dhus spassiaus in sa tanca manna Traduzioni Francese s'amuser Inglese to enjoy oneself Spagnolo entretener, divertir Italiano spassare, divertirsi Tedesco belustigen, sich amüsieren.

spaurài , vrb Definizione fàere a tímere Sinonimi e contrari apantarjare, apramare, asciuconare, asciustrare, aterrighinare, impagurire, istrementire, stremessiri | ctr. aminare, incoragire, incorai Traduzioni Francese épouvanter Inglese to frighten Spagnolo asustar Italiano impaurire Tedesco ängstigen.

speculài , vrb: ispreculare*, spegulai, spiculliai, spricuai, spriculai Definizione cricare de ischire, de bíere, istudiare, fàere dimandhas meda po bòllere averguare calecuna cosa Sinonimi e contrari dimandhare, imbistigare, ispricuedhai, istigare, isuzigare, precontare, speculitai Frasi dhus at inténdius batallendu e at cumpréndiu ca dhu boliant spiculliai ◊ arregolliat is notítzias chi spriculiàt in fàbbrica ◊ is carabbineris ant cumentzau a spriculai po isciri chini at fatu su dannu 2. si bòciat chini bolit, nosu totus impari sigheus a spriculai (F.Cocco) 3. de su carru nd'est arrutu unu pipiedhu chi si fiat incarau tropu po spegulai s'istràngiu Traduzioni Francese spéculer, enquêter Inglese to speculate Spagnolo investigar, averiguar Italiano speculare, investigare Tedesco untersuchen.

speculitài, speculitzài , vrb: spreculiai, spreculitai, sprecullitai, spriculitai, spricullitai Definizione abbaidare, cricare, iscumbatare, istudiare bene cun atentzione is cosas, is chistiones; fàere 'in chiliru' a unu faendhodhi unu muntone de dimandhas, bolendho ischire totu Sinonimi e contrari chircare, dimandhare, irfrodhocare, ispelciulare, ispreculare, ispricuedhai, isuzigare, precontare, scrocollai, speculai, sfustiligai Frasi s'arangiolu at spreculiau su movimentu de espis e musconis 2. spricullitadhu, a biri si arrennescis a sciri calincuna cosa! ◊ dhu spricullitàt de aundi fiat, si fiat cojau, si teniat fillus, e cantus, e unu muntoni de cosas Etimo spn. especular Traduzioni Francese enquêter Inglese to inquire Spagnolo indagar Italiano indagare, sottopórre a numeróse domande Tedesco untersuchen.

spedriài , vrb: ispedriare*, sperdai, sperdiai Definizione arregòllere, pinnigare sa pedra iscapa po illimpiare is terrenos (si narat fintzes de is pudhas chi papant arena); nau de gente, annestrare, giare educatzione; nau de sonu surdu o boghe sorrogada, iscrarire, cambiare e sonare bene Sinonimi e contrari ispedrigare Frasi cussu dranghilloi mannu ciai podiat andai a sperdiai, ca no est cancarau! Traduzioni Francese enlever les pierres Inglese to take stones away Spagnolo despedregar Italiano spietrare Tedesco Steine aus Feldern entfernen.

spertài , vrb: ispeltare*, spertiai 1, spretai Definizione ischidare, mòvere, atirare s'atentzione, bogare s'apititu, sa gana, fàere spertu, atentu, cabosu Sinonimi e contrari abbibare, dispertare, intzidiare, ischidare, ispipigliare Modi di dire csn: s. sa menti, sa boxi, s'apititu = allutare sa mente, iscrarire sa boghe, fagher bènnere s'apititu; spretai su stògumu = fàghere tizirire su mànigu; spertiai su passu = illonghiare o istirare su passu, allegrare su passu, caminare de prus; vida spretada = vida unu pagu prus líbbera, prus de pessone manna 2. spértia su passu e fai su chi ti apu nau! 3. faiant prus vida spretada is serbidoredhas chi no is merixedhas Traduzioni Francese exciter, éveiller, causer Inglese to wake up, to prod, to whet Spagnolo despertar Italiano destare, stuzzicare Tedesco wecken, anregen.

spetonài , vrb Definizione isconciare o iscrabionare is pilos; ispistorare una doa de carrada in sa punta, a pitzu de s'inginna o incàsciu Sinonimi e contrari ispiliessare, ispilusare Etimo srd. Traduzioni Francese décoiffer Inglese to ruffle s.o.s'hair Spagnolo despeinar Italiano spettinare Tedesco zerzausen.

speturriài , vrb: ispetorrare*, spiturriai Definizione bogare is petorras fora ibbutonandho su bestimentu, ispogiare is petorras, istare a petorras nuas Sinonimi e contrari sborciai Frasi si spitúrriat sa camisa e nci fait arrui a terra su chi iat cuau in piturras Traduzioni Francese découvrir sa poitrine Inglese to throw off one's breast clothes Spagnolo despechugarse, descubrir el pecho Italiano scoprirsi il pètto Tedesco die Brust entblößen.

spetzài, spetzàri , vrb Definizione segare, istacare sa petza de s'ossu (spetzari = segare, fàere a orrugos linna o àteru) Sinonimi e contrari isprupare Etimo srd. Traduzioni Francese écharner Inglese to strip the flesh off Spagnolo descarnar Italiano scarnare Tedesco entfleischen.

spicigài , vrb: ispitzigare* Definizione istacare duas cosas atacadas apare, nau de cosa, su ndhe andhare de ue fut apicigada; nau de gente, illobare, lassare s'àteru, lassare su cumpàngiu Sinonimi e contrari istacare, spodhai / disapegai, iscrobare | ctr. apitzigare, apodhai Traduzioni Francese détacher Inglese to detach Spagnolo despegar, desprender Italiano staccare Tedesco loslösen.

spiciuài , vrb: ispiciulare*, spitzuai, spitzulai, spitzuliai Definizione giare ispítzulos cun sa punta de is pódhighes, bicare, giare cropighedhos cun su bicu, segare biculedhos de cosa papandho cun pagu gana o fintzes tanti po tastare; púnghere comente faent is bobbois; in cobertantza, nàrrere cosa chi pagu praghet a s'àteru Sinonimi e contrari biculare, irbiculare, ispitudhare, ispitzicorvare, pibitzuai, piticare, púnghere, spribillonai Modi di dire csn: spíciua e gheta = zenia de pasta chi si faghet tesa a fine (azummai che faghindhe pane de fresa) e chi si segat a bículos a pódhighes etotu (spíciu, spiciuai) e si betat deretu a sa padedha de s'abba in su fogu: si cundhit che a totu sos macarrones; spítzula e fui = donai su spítzulu e fuiri, comenti faint is arresis: si narat de unu sentza de sétiu, chi cummentzat e no acabbat, chi fait pagu pagu e si ndi andat; spitzulaisí pari pari = istare nèndhesi cosa s'unu cun s'àteru a dirbetu, ofendhíndhesi; spitzulai che un'espi = ofèndhere Frasi ingunis no fait a dhoi abarrai ca ti spítzuat su sintzu ◊ is espis funt animaledhus chi spítzulant ◊ prus de milla pillonis ant cumentzau a si dhu spitzulai a totu spitzulai ◊ fendi a papai o fendi àturu, chi abarru in domu seu sempri spiciuendi Traduzioni Francese pincer, piquer Inglese to pinch, to bite Spagnolo pellizcar, picar Italiano pizzicare, punzecchiare Tedesco kneifen, unaufhörlich stechen.

spiciurrài , vrb Definizione essire a ciurrus, a tzurru, nau de sàmbene, abba o àteru deasi Sinonimi e contrari irrusciare, ispinduai, tzurrai Etimo srd. Traduzioni Francese jaillir Inglese to spurt Spagnolo manar, brotar Italiano zampillare Tedesco hervorschießen.

spignài , vrb: ispinnare*, spinniai Definizione tirare o bogare is pinnias, is pilos, limpiare bene de su pilu un'animale chi ndhe portat Sinonimi e contrari ispilicire, ispilire, ispinnicire, ispumare Modi di dire csn: s. una rosa = irfozare; spignaisí de su prantu = ispilíresi de su prantu, prànghere meda 2. su crobu cun s'abbogau - s'untúrgiu - at bintu su pretu, ma si est totu spinniau Traduzioni Francese plumer Inglese to pluck Spagnolo desplumar, pelar Italiano spennare Tedesco rupfen.

spillài 1 , vrb Definizione coment'e pèrdere o bogare unu pígiu, nau de sa terra chi in logu de monte che calat prus a bàsciu a tretu mannu; su essire o segare a pígios, nau de orroca Sinonimi e contrari smuronai Etimo srd. Traduzioni Francese cliver Inglese to flake Spagnolo exfoliarse Italiano sfaldare Tedesco zerbröckeln.

spilloncài , vrb Definizione istacare o arrasigare su pilloncu, su pígiu de fora de calecuna cosa Sinonimi e contrari iscorgiolare, ispedhuliare, ispigiolare, ispigirigare, ispulicare, scorgiai, slimpiai Frasi teniant fàmini e cumentzau ant a spilloncai cabitzas e a dhas papai 2. spilloncai unu muru Etimo srd. Traduzioni Francese éplucher Inglese to peel Spagnolo pelar, descascarar Italiano sbucciare Tedesco schälen.

spimpirallài , vrb: spipirallai Definizione fàere sa cosa a pimpiralla, a biculedhos, a farinos Sinonimi e contrari afirinedhai, filchinare, ifriare, ifrighinare, irfarfaruzare, scirfinai, sfiniallai, spamparinai, spimpiridai 2. chini ses, ómini de iscuriu e de candela, chi fais sartai istedhus de perda e spipirallai su presenti? Etimo srd. Traduzioni Francese émietter Inglese to crumble Spagnolo desmigajar Italiano sbriciolare Tedesco bröckeln.