A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

codrulínu cardulínu

códrulu , nm Definitzione s'istentina de su pegus mescamente piticu po fàere a córdula Frases su códrulu dhu coeus in sa braxa ◊ unu de bosàterus depit illimpiai su codruledhu de su crabitu!

códua, códula , nf, nm: códule, códulu Definitzione (fintzes upm) is pedras, is crastos, mescamente iscàbulos, tundhos, piticos o mannos chi siant; fintzes logu prenu de pedra, pedraghe / códula de arriu = pedra de riu, tundha, lísia a fortza de la trazare s'abba Sinònimos e contràrios biscacu, cacódua, caróngiu, coda 2, codulaja, cogólidu, cogúdula, coróculu, craltu, ladhia, lecucu, lódhuru Frases su riu s'intendhiat iscurrendhe in mesu de sos códulos ◊ cussu códulu est allixadu de s'abba ◊ cussos montes sunt totu códulos de granitu ◊ is féminas ingenugadas in s'oru de s'àcua frigànt is pannus in d-una códula ◊ fit un'ómine chi ndhe pesaiat dae terra unu códulu de tres cuintales ◊ s'impedradu fuit fatu de códula de mare 2. cherimus sòrbere cussos códules de malíssia chin sa luche bertera de s'intelletu (F.Satta)◊ est chibanne rosaros de isporu chin códules de irrocos Sambenados e Provèrbios smb: Codula Ètimu ltn. *cotulus Tradutziones Frantzesu caillou Ingresu stone Ispagnolu guijarro, piedra Italianu ciòttolo, sasso Tedescu Kieselstein.

codúdu , agt: coudu Definitzione chi giughet coa, coa longa / ustedhu c. = itl. cométa Sinònimos e contràrios coaciudu Ètimu srd. Tradutziones Frantzesu qui a la queue Ingresu tailed Ispagnolu caudado Italianu caudato Tedescu geschwänzt.

codulàja , nf Definitzione is pedras, is crastos, mescamente iscàbulos, tundhos, piticos o mannos chi siant Sinònimos e contràrios biscacu, cacódua, caróngiu, coda 2, códua, cogólidu, coróculu, craltu, ladhia, lecucu, lódhuru Ètimu srd.

codulàre , vrb Definitzione andhare o pigare che unu códulu, a orrúmbulu, orrumbulandho Sinònimos e contràrios arrembulai, arrodulare, cadhinare, istrodhulare, lorumare, lumburare, rodhulare, trodhulare Frases che est coduladu che unu sacu intro de una tuda ◊ sa làgrima naschet in s'oju e códulat in terra ◊ su carrabbusu est codulendhe ledàmine Ètimu srd. Tradutziones Frantzesu rouler Ingresu to roll Ispagnolu rodar Italianu rotolare Tedescu rollen.

codulàtu, codulàtzu codolàtzu

códule, códulu códua

codumàntzia , nf Definitzione cosa, fatu o trastu chi arrespràmiat pelea e faet su trebballu discantzosu Sinònimos e contràrios codomidade, cumbénia Frases sas codumàntzias mannas de oe incurtzant e illébiant sas peleas Tradutziones Frantzesu confort Ingresu comfort Ispagnolu comodidad Italianu comodità Tedescu Bequemlichkeit.

codúmbu cadrúmbulu

codumidàde codomidàde

códumu códomu

coebída , nf Definitzione genia de tzuga (tzíntzula), debberone, de diferentes calidades, chi faet in logos friscos chi dhue at abba, in istade: para de s'àcua, de s'arriu (cun alas niedhas), cuadhu béndiu, cadhu de piliche Sinònimos e contràrios ispadaluchente, isperaranza, parapunta, parixedhu, preidedhu, sennoredha 2, tintulone Terminologia iscientìfica crp, lestes macrostigma, calopteryx splendens, libellula depressa, crocothemis erythraea, anax imperator Ètimu srd. Tradutziones Frantzesu libellule Ingresu adder-fly Ispagnolu libélula Italianu libèllula Tedescu Libelle.

coeciàre , vrb Definitzione cumbínchere, comporare a unu cun promissas, dinare o àteru Sinònimos e contràrios improsae, ingolofiare, corrúmpere Ètimu spn. cohechar Tradutziones Frantzesu suborner, corrompre Ingresu to corrupt Ispagnolu sobornar Italianu subornare, corrómpere Tedescu verleiten, bestechen.

coèdha , nf Definitzione min. de coa; sa parte de fundhu de una camisa, sa de chínghere aintru de is pantalones; in is sedhatzos, arretranga / leare a ccn. a pedra in c. = istàreli sempre ifatu chentza lu fidare nudha timindhe de lu pèrdere Sinònimos e contràrios coita, coutza Frases tres pisedhos si pessighint a coedhas mesu fora impipèndhesi de su fritu (G.Becciu) 3. cocinedhu est tocau de coedha Tradutziones Frantzesu coin, bout, morceau Ingresu margin Ispagnolu borde Italianu lémbo Tedescu Zipfel.

coedhàda , nf Definitzione tanti de cosa chi cabet in sa coedha o fardita fata coment'e a busciaca acapiandho apare is bicos Ètimu srd.

coédhu , nm Definitzione su dimóniu, cussu chi giughet sa coa Sinònimos e contràrios anemigu, antzipirri, arremínciu, coixedha, demóniu, foradenosu, pudidinosu Sambenados e Provèrbios smb: Coeddu Ètimu srd.

coedòpi , nf Definitzione coa de topi: calidades diferentes de erba de sa matessi genia nadas deosi ca portant s'ispiga coment'e una coa de sórighe Terminologia iscientìfica rba, Alopecurus bulbosus, Alopecurus pratensis, Phleum pratense, Cynosurus cristatus Ètimu srd. Tradutziones Frantzesu queue de rat Ingresu rat tail Ispagnolu cola de zorro, fleo de los prados Italianu codolina Tedescu Ackerfuchsschwanz.

coéllu , agt Definitzione nau de animale, chi portat sa coa ispuntada, incurtzada Sinònimos e contràrios coimutzu, iscoau.

còere còchere