A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

fexadòri , nm Sinonimi e contrari fegone, imbriagone Etimo srd.

fèxe, fèxi fèche

fexósu , agt Definizione chi est prenu de feghe, chi giughet feghe meda (o fintzes murca, fundhurúgiu, si est nau de s'ógiu) Sinonimi e contrari ttrs. fetzosu Frasi s'ollu a bortas essit fexosu meda Etimo srd.

fía , nf: fiba, fila 1, fira Definizione genia de ispaitu forte finivini po cosire orrobba / soga de f. = cabu de filu Sinonimi e contrari filu Frasi lah, custa est fia forti po cosiri! ◊ candu torru mi ammostas totu sa fiba chi as annuau ◊ cussu bendiat de totu: zigarrus, tabbacu, agus, fila po cosiri cunserva e pasta… Terminologia scientifica trp Traduzioni Francese fil à coudre Inglese sewing thread Spagnolo hilo para coser Italiano filo da cucire Tedesco Zwirn.

fiabbólica , nf Definizione its, pentzamentu?, immaginatzione? Frasi caligunu at a pentzare ca custos sunt contos de fiabbólica: epuru sunt cosas capitadas.

fiàca , nf Definizione manera de fàere, a sa lena ma cun trassa; cosa chi si narat o chi si faet cricandho de pigare a sa bona a unu Sinonimi e contrari addàsiu, apódhiu, cagna / abbréngulu, carigna, frandhigu, imbímbinu, losinga, marieta Frasi a ndhe zughes de fiacas, tue!…◊ míseros nois chi nos lassamus ingannare de sas fiacas chi fachent sos de su mundhu! ◊ unu padronu ricu cun fiaca unu giualzu at imbaucadu ◊ cussos coglionant sa zente cun sas fiacas 2. fit fachèndheli chentu zocos e fiacas ◊ sas pupias si ammodhicabant a sas fiacas de sa natura ◊ dae sa fiaca de sos canes si l'aiat pessau chi fit su fizu torrandhe ◊ issu no fit bonu a fàchere fiacas e carinnos frassos ◊ fit s'animedha tua in oriolu a su chelu pedindhe una fiaca de zocos Etimo itl. fiacca Traduzioni Francese lenteur, cajolerie Inglese slowness, simpering Spagnolo lentitud, zalamería Italiano lentàggine, moina Tedesco Langsamkeit, Geziertheit.

fiàca 1 , nf: flaca, fraca Definizione fràmula de fogu tenendho; làmpana chi leant a piscare; genia de fenu, o erba de fai ciulirus, chi ponent fintzes a fàere fundhos de cadiras: dha narant puru àcia de pòbur'ómini e in àteros logos flaca / min. frachetedha Sinonimi e contrari fiama, fiara, gliama, pampa / basca, calura / làmpada, teda Modi di dire csn: piscai a fraca = farcai; no si nd'iscit ne fumu e ne fraca = nudha Frasi seu coxinendi totu a fraca de linna ◊ candu su forru est brandu si alluit flaca in sa buca po fai cresci s'àlidu aintru ◊ su pane cheret assadu a fracas ridas ◊ parit ca bogat fraca de faci po comenti est imbriagu ◊ fuint che astile, che abes dae fumu e dae fraca ◊ sa sida de mudeju faghet fiaca meda po ulciare su porcu 2. su gorropu, mancu in tempus de fracas ne porcos e ne crapas creo l'apant mai visitau Terminologia scientifica ans, rba, Ampelodesmos mauritanicus Etimo ltn. *flacca Traduzioni Francese flamme, flambeau Inglese flame, torch, lantern Spagnolo llama, antorcha, carrizo Italiano fiamma, fiàccola, frugnòlo Tedesco Flamme, Fackel, Blendlaterne.

fiacàda , nf Definizione fràmula, pampada / fàghere una f. de fogu = allúiri su fogu Sinonimi e contrari aframata, pampada Etimo srd.

fiacadúra , nm Definizione su fiacare, su pigare a unu a fiacas, a losingas, a frandhigos Sinonimi e contrari addengamentu Etimo srd. Traduzioni Francese cajolerie Inglese petting Spagnolo mimo, agasajo Italiano coccolaménto Tedesco Liebkosung.

fiacàre , vrb Definizione fàere fiacas, pigare a frandhigos, pònnere fiaca Sinonimi e contrari addengae, agiodhare, pibiare, scanceriai Frasi sos frades, allodhiaos comente fint, fiacabant e si cheriant fiacaos dae sa mama ◊ a sa piatza li poniant su lúmene e cun cussu la mutiant e la fiacabant che una criadura ◊ no sempre sos túnghios de su bentu li fiacabant su sonnu Etimo srd. Traduzioni Francese choyer Inglese to cuddle Spagnolo mimar Italiano coccolare Tedesco hätscheln.

fiachèsa , nf: flachesa, frachesa Definizione genia de debbilesa, mescamente de su malàidu, fintzes debbilesa in sensu morale Sinonimi e contrari allacanamentu, cansàntzia / amotroxinamentu, apódhiu Frasi tengu frachesa a is cambas ◊ ses invocada pro s'umana flachesa ◊ seu a frachesas de morti! ◊ Deus tenit piedadi de sa frachesa nosta ◊ seu a frachesas de basca 2. sempri a fortza de frachesas po ci dhi podi fai cabai s'alimentu Etimo ctl., spn. flaquesa, flaqueza Traduzioni Francese épuisement Inglese exaustion Spagnolo agotamiento Italiano spossatézza Tedesco Erschöpfung.

fiachína, fiaghína , nf Definizione fragu légiu, pruschetotu de tródhias Sinonimi e contrari pudescioi / cdh. fiachina Frasi ndhe faghes de fiaghina!…◊ in cue no si bi podet istare de sa fiaghina Traduzioni Francese puanteur Inglese stink Spagnolo hediondez, mal olor Italiano puzzo Tedesco Gestank.

fiacòne , agt, nm Definizione chi o chie giughet fiacas, trassas Frasi abbocau e tzillerarju depet esser fiacone.

fiacósu , agt Definizione chi est pigau de sa fiaca, chi faet is cosas tropu abbellu, chi est tropu addasiau pruschetotu po preitza; chi est trasseri Sinonimi e contrari adasiau, cacallenu, cojanesu, prodhincu / inganneri, ingheniosu.

fiacósu 1, fiagósu , agt: fracosu, fragosu Definizione chi dhi andhat fragu, chi tenet arrancu (fintzes chi dhi essit fragu malu, pudésciu)/ ozu fracosu = contomosu Sinonimi e contrari annuscau, fragadinu, fragósigu, fragulosu, nuscosu, olidu, olorosu / cdh. fiacosu / fiagadore, fiaghinu / contomosu Frasi zughiat unu cantu de casu fiagosu e bermigadu ◊ cussu est fiore bellu, ma no fiagosu Etimo srd. Traduzioni Francese odorant Inglese fragrant Spagnolo hediondo Italiano odoróso Tedesco riechend (übel).

fiàcu , agt: flacu, fracu Definizione chi est a debbilesa, débbile mescamente de maladia Sinonimi e contrari débbile, flúsciu, istasidu, infrachiu, modhi | ctr. crispu, folte, téteru Modi di dire csn: èssiri f. de cerbedhu = conchivracu, mancai sa mellus dí de s'annu, a unu, èssere tocadu a conca; èssiri de memória flaca = chi s'irméntigat totu; rídere a fiacu = arriri poita is àterus funt arriendi, ma sentza cumprèndiri bèni ita dhus at fatus a arriri; ríere a fiacu = arriri ca is àterus funt arriendi ma sentza cumprèndiri poita Frasi seu fadiau fracu ◊ bandas fracu, solu in sa bia, e atruessas e imburchinas ◊ s'ifruentza che aiat leadu sos betzos piús fracos 2. ite pessone illusa e conchi fraca!…◊ si depit èssi acabbau de ammachiai, custu: est locu fracu ◊ sos de Foranu fint cussiderados unu pagu fracos de crevedhu Etimo ltn. flaccus Traduzioni Francese faible Inglese weak Spagnolo flojo, flaco Italiano fiacco, débole per malattia Tedesco schwach, kraftlos, geschwächt.

fiàcu 1, fiàgu , nm: flacu 1, fracu 1, fragu Definizione abbentada chi si leat cun su o chi si sentit in su nasu Sinonimi e contrari abbentada, abbentu, antori, arrancu, arrasta, frusa, nuscu / cdh. fiacu Modi di dire csn: essire, andhare, pònnere fragu a sa cosa, leare, iscapai f. (custu bollit nàrriri fintzas "bogai fragu"); zenias de fragu: bellu, pudésciu, béchinu (de craba), bíschidu (= agru), putzinosu, púdidu (= de pudesciori), brusiadu (= de cosa abbruxada); avb. a fragu = fraghendi, cun fatzilidade meda; andai fragus malus a ccn. = bogare fama mala Frasi at istérridu sa bestimenta pro che li bogare su fiagu de s'inserru ◊ intrat su fiagu areste de su pruleu ◊ so lendhe fragu brusiadu: ite at a èssere? ◊ portu cussu fragu in is càrigas ◊ cuss'erba mi at lassadu su fragu in manos ◊ sas cosas postas paris leant s'una su fragu de s'àtera ◊ isterre custa cosa in fora a che li essire su fragu malu ◊ soe a fiacu de casu e de verveche ca faco su pastore 2. comente l'as àpida custa cosa, a fragu? ◊ custus froris, chi dhus prantas, pigant a fragu ca immoi est tempus ◊ daghi nos cogiamos, a fostè mancu fiagu a nares bondhe acudit! Etimo srd. Traduzioni Francese odeur Inglese smell Spagnolo olor Italiano odóre Tedesco Geruch.

fiàdu , nm, nf Definizione css. animale mannu de petza (baca, brebè, cuadhu, e àteru); nau in cobertantza (fintzes fiadedhu), una calesiògiat persona, nau unu pagu a disprétziu, bolendho nàrrere chi no est tanti persona bona, e si narat fintzes de bobboi (unu pagu a brulla, po erríere)/ min. fiadutzu Sinonimi e contrari animabi, pecus Modi di dire csn: malu fiatu = fiadu malu, cristianu pagu bonu; fiadu berbeghinu, béchinu, bulu, fiadu minudu (animali piticu); fiadu russu = animali mannu Frasi ite bella fiadu, cussa baca! ◊ su pastore deviat dare contu a unu fiotedhu de fiados berveghinos ◊ li ant regaladu fiados minudos e fiados russos ◊ in su saltu paschiat paritzos fiadutzos ◊ fia teracu anzenu ma mi ndhe essei e mi ponei abbandha cun fiados mios 2. arratza de fiadu chi at buscadu, a maridu, Fulana: mandrone de prima calidade! Traduzioni Francese bête, pièce de bétail Inglese beast, head (of cattle) Spagnolo cabeza de ganado, res Italiano béstia, capo di bestiame Tedesco Vieh, Tier.

fiàdu 1 , nm: fiatu Definizione s'ària chi si torrat alidandho / bogare, torrare fiadu; istrumentu a fiatu = aina de sonare a surbadura Sinonimi e contrari àbidu, alentu, alenu, àlinu 1 Frasi fiadu malu, àlidu malu de chie no tizirit bene ◊ no zuto fiadu ◊ si che fit morindhe, fit isalinandhe s'úrtimu fiadu.

fiagàda , nf: fragada Definizione su fiagare, suspia de fragu Sinonimi e contrari nuscada Frasi sa cosa murigada pudescit sa fragada Etimo srd. Traduzioni Francese action de flairer Inglese sniff Spagnolo olfateo Italiano annusata Tedesco Riechen.