A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ischidòne , nm: ischidoni, schidoni Definizione cantu de linna, o de ferru, fine, longu e deretu, puntudu a un'ala, po ifrichire petza (o àteru) de orrostire: a logos dhu narant sazu Sinonimi e contrari ispidu Frasi poneus s'ischidone a orrostire sa petza Etimo itl. schedone Traduzioni Francese broche Inglese spit Spagnolo espetón, asador Italiano spièdo Tedesco Bratspieß.

ischidonèra , nf Definizione logu po dhue pònnere is ischidones Etimo srd.

ischidòni ischidòne

ischidòre , agt Definizione chi ischit, chi connoschet Frasi cussu est ischidore de medas limbas Etimo srd.

ischídu , pps, agt: ischiu 1, scípiu Definizione de ischire; nau de ccn., chi ischit, chi tenet istúdiu, nau de cosa, chi s'ischit Sinonimi e contrari ischípidu / istudiadu / connotu, ladinu | ctr. segretu Frasi ischidu ndh'as de cussa cosa? ◊ pro bi l'àere ischidu chi faghiat gai!… de seguru no mi l'aia cramadu a domo! 2. sas cantones sardas las legent prus sos illiterados chi no sos ischidos ◊ intendhendhe a issu, ischiu de totu custas cosas, si ndhe fit cuntentau Traduzioni Francese cultivé, savant Inglese known, learned Spagnolo sabido, docto, erudito Italiano saputo, cólto, dòtto Tedesco bekannt, gebildet.

ischídu 1 , agt, nm: ischitu 1, iscidu, issidu, schidu Definizione chi o chie est a ogos apertos, giaendho atentzione, chi no tenet sonnu; genia de sonu, de moida o àteru chi giaet a ischire o po giare a ischire ccn. cosa Sinonimi e contrari ischidadu / abbillu, abbistu, speltu / ischimuzu, istrepitzu | ctr. dormiu Frasi a babbu e a mamma los pinto chin sa fantasia, ischidu o dromiu ◊ a iscidu e a drommiu s'amori miu est netu ◊ sa poesia sendhe ischidu ti faghet sonniare ◊ si la colat ischidu totu note ◊ chin sos ocros tancaos, ischidu ti pessabo sonniandhe! (F.Satta)◊ aperie is ogos e manteniebbosi issidos ca no issís canno est su tempus 2. caminaiat chentza fàghere ischidu, che un'umbra ◊ is canis tzaulendu faint iscidu ◊ sonandhe sas càmpanas si dat ischitu po sas funtziones de crésia ◊ fachítemi ischitu si cras andhates a Núgoro ◊ cussu cane faghet ischidu pro donzi pisighinzu Etimo srd. Traduzioni Francese éveillé Inglese awake Spagnolo despierto Italiano désto Tedesco wach.

ischièra iscèra

ischieraméntu , nm Definizione su ischierare; parte, grupu de fortzas, de partios, de sordaos o àteru postos o chi ponent a fàere calecuna parte, a fàere fortza impare.

ischieràre , vrb Definizione su pònnere fortzas (mescamente gente) de una manera, coment'e a filera, po calecunu iscopu, prus che àteru po bínchere una fortza contrària, ma fintzes de calesiògiat manera po fàere fortza contrària.

ischifàre , vrb: ischivai, ischivare, schivai Definizione àere ischifu, àscamu, grisare Sinonimi e contrari aschiare, grisai 1, ischifire, ispucire Frasi s'avaru vivet comente vivet su mannale: totus l'ischivant, niunu l'at caru, si morit, allegria zenerale! Etimo itl. schivare Traduzioni Francese éprouver du dégoût, abhorrer Inglese to loathe Spagnolo disgustar, repugnar Italiano schifare, aborrire Tedesco verschmähen, verabscheuen.

ischifèra , nf: ischivera Definizione cosa chi faet ischifu, su fàere ischifu, a gana lègia, su no èssere aggradéssiu nudha, nau de calecuna cosa Sinonimi e contrari afàstiu, gheléstia, grisu, irgrísiu, ischefa, ischifu, schivoria Frasi cussu cumportamentu mi faghet ischivera Etimo srd. Traduzioni Francese répugnance Inglese repulsion Spagnolo repugnancia Italiano ripugnanza Tedesco Abscheu.

ischifidúra , nf Definizione ischeadura in s'orrobba po is mànigas, sestandho bestimentu Sinonimi e contrari ischeadura, sagumadura, scotadura.

ischifiòne , nm: iscolfione, iscorfione 1, iscrefione, iscrifione, iscrofione Definizione cerpiu boci óminis, o forchidhàdila búbula o arranzolu vúvulu, iscrapone, genia de bobboi velenosu, a bàtoro paja de farrancas, in colore de castàngia (ma dhue ndh'at de diferente colore), chi portat coment'e duos bratzos o dentes mannas (fóscighes) po aferrare, istat cuau asuta o in mesu de pedras, de trastos, e bogat su velenu in s'agu o lantza de sa coa punghendho Sinonimi e contrari arpau, cucurrabóina, iscarpone* 1 Terminologia scientifica crp, euscorpius carpathicus canestrinii, e. flavicaudis Traduzioni Francese scorpion Inglese skorpion Spagnolo escorpión Italiano scorpióne Tedesco Skorpion.

ischifíre , vrb Definizione fàere s'ischifidura, sestandho bestimentu Sinonimi e contrari incheare, ischeare, scotai Etimo srd.

ischifíta, ischifítu , nf, nm Definizione ischifu piticu, genia de barchedha a fundhu ciatu Frasi patata savojarda ndhe batia un'ischifitu bene carrigadu (M.Murenu)◊ sas abbas cun sos bentos ndh'ant postu sos ischifitos subra de sa terra e distrutu bastimentos Terminologia scientifica trps Etimo srd.

ischifòne , nm Definizione iscarpa grussa Sinonimi e contrari iscarpone Terminologia scientifica bst Etimo srd.

ischifósu , agt, nm: ischivosu, schivosu Definizione chi o chie faet o ndhe tenet ischifu, nau fintzes a o de unu po su malu fàere chi tenet Sinonimi e contrari afastiadori, ascamile, ascamosu, ascherosu, ascosu, coniosu, ghelestiosu, ischivinosu, pullinu, stogumosu / pendoni Frasi no bastat ischifosu e mi naras drollo puru: arratza de arrespetu!… 2. cust'istória cudh'ischifosu no ndhe l'at bogada a pizu, ca sinono in su ludu bi diat àere betadu finas zente de domo sua (M.Danese)◊ fit su piús feu e ischifosu chi bi podiat èssere ◊ ischifosu, si est aprofitadu de una pisedha! Etimo itl. Traduzioni Francese dégoûtant, répugnant, lâche Inglese repugnant, craven Spagnolo repugnante, ruín Italiano schifóso, ripugnante, vigliacco Tedesco ekelhaft, widerwärtig, feige.

ischífu , nm, agt: ischivu, schifu Definizione chi faet coment'e a gana lègia, genia de gana lègia chi si sentit po cosa chi no praghet, cosa de arrefudare Sinonimi e contrari afàstiu, àscamu, ascu, gheléstia, grisu, irgrísiu, ischefa, ischifera, schivori Frasi su corvu si detzidit a cantare fatendhe ischivu a totu sos puzones Etimo itl. Traduzioni Francese dégoût Inglese disgust (ing) Spagnolo asco Italiano schifo Tedesco Ekel.

ischífu 1 , nm: schifu 1 Definizione genia de barca a fundhu ladu, ciatu, longa agiummai oto metros e larga duos Etimo itl. schifo.

ischighígliu , nm Definizione su sonu de is sonàgias de su bestiàmene agiagarau, candho is pegos si assicant e movent totus impare.