Ditzionàriu in línia
de sa limba e de sa cultura sarda

aggargalài, aggargalàre , vrb Definizione fàere una moida o sonu coment'e de abba budhindho, chi si pesat a búdhidu, chi orruet de artu in mesu de abba etotu Sinonimi e contrari abbrubudhai, abbrufulai, acrocuai, aggorgotai, borbogliare, froculare, groggolare, gurgulliare Etimo srd. Traduzioni Francese gargouiller Inglese to bubble Spagnolo gorgotear Italiano gorgogliare Tedesco gurgeln.

aggarrài , vrb: aggarrare, aggherrai, aggherrare Definizione pigare cun fortza, cun manu firma, poderare Sinonimi e contrari abbrancai, acafai, acherrai, aciapai, afarcai, afarrancae, aferrai, aggafai, agganciai, aggranfare, agguantai, carrabbusai | ctr. lassare, iscapae Frasi dh'iat aggherrau a su tzugu e fiat allupendidhu ◊ iant aggherrau su serbidori e dh'iant arropau ◊ l'at aggarrau che frochedhu, furriau a s'imbesse e li at dau una bella abbinatada ◊ mi at aggarrau e iscutu a gropas de su cabadhu coment'e unu sacu Etimo ctl., spn. Traduzioni Francese saisir Inglese to grip Spagnolo agarrar Italiano afferrare Tedesco packen.

aggatàre , vrb Definizione fàere a una cata, istrecare, coment'e candho a una cosa (es. istrégiu de làuna) si ponet unu pesu tropu mannu apitzu o si acropat cun cosa grae (es. martedhu): dhu narant po cosas chi no s'istrecant coment'e cosa modhe (comente funt is frutos) ma chi agiúmburant (pagu o meda) Sinonimi e contrari abbugnai, abbullonare, acatare 2, agiumbare, ammacigai, atzumbarare, atzumbonare, catulare, cerfai, ischerfare, ischertzare, ischitzare, strecae Frasi sa màchina at aggatadu unu botighedhu chi che at dadu a suta Etimo srd. Traduzioni Francese écraser Inglese to squash Spagnolo aplastar Italiano schiacciare Tedesco quetschen.

agghegiàre , vrb: agghejare, aggherjare, agghexare Definizione giare aggheju, fàere prus biu unu dolore, unu male, tocare una liaga, una ferida, un’arremu malàidu (de malesaura, po pagu atentzione o apostadamente po giare prus dispraxere) a manera de provare dolore torra, giare prus dispraxere, fintzes fàere inchietare; atzitzare is canes, pònnere is canes a cracare a ccn. o un’animale Sinonimi e contrari abbruncai / aciopai, ateneae, atorigare, auntzare, incidai, inciulai, insissiligai, ubetzare / atunchiare, ingrazare, intriscare, mincidiare, suberiare, trubare Frasi bi at calchi cosa de a mie chi no as apretziadu candho ndh’as tentu s’ocasione! – la fit agghegiandhe issu (M.Danese)◊ "Porcrabu, ómine preistóricu cun su cherbedhu apedradu!" – l’at agghegiadu issa ◊ pro l'agghejare fit sempre in preguntas ◊ ponet in urtu s'amore e lu trasformat in ódiu agghejèndhelu in dogni malumore ◊ fogos, traschias e sicagnas ti agghejant sas piaes ◊ ti agghejat chentu e unu male ◊ sos capos de sos Giudeos a Cristos incravadu lu fint agghejendhe giamèndhelu "re" Traduzioni Francese exacerber Inglese to make worse Spagnolo exacerbar Italiano esacerbare Tedesco erbittern, quälen

agghentinàre , vrb: ghintinare Definizione connòschere a su bentinu, a s'assimbígiu a s’aréntzia Sinonimi e contrari abbentinnare*, abbrembare, aerae, aergiai, assemizare, assimbigiai, atipizare Traduzioni Francese ressembler Inglese to resemble Spagnolo parecerse Italiano rassomigliare Tedesco ähneln.

agghirrisonàre , vrb Definizione fàere a ghirrisone (nau pruschetotu de mata arestada), betare e intrare totu apare; nau de logu, prènnere de matedu cracu chi no faet a dhue passare Sinonimi e contrari abberrisonare*, aggadhionai, iscrisionare, trabojare, trebedhai / intupire Traduzioni Francese embrouiller, ébouriffer Inglese to muddle Spagnolo enmarañarse, enmalecerse Italiano arruffare Tedesco durcheinanderbringen.

aggobbàe, aggobbài, aggobbàre , vrb Definizione bogare sa gobba, fàere a gobba, atrotigare Sinonimi e contrari abbajonare, abbrentai, agionedhare, agopedhae, allachedhare, atrotiai, atzumborai, colembrai, corcobare, inconcobare | ctr. intennerare, istirare Frasi su telaju de sa bicicleta s'est aggobbau, de comenti seu arrutu Etimo srd. Traduzioni Francese se voûter Inglese to bend Spagnolo encorvarse, agobiarse Italiano ingobbire Tedesco buckelig werden.

aggodhetàre , vrb Definizione arregòllere o fàere sa godheta: dhu’est s'idea de dha batire (sa cosa, sa gente)/ aggodhetare zente, bestiàmine = circai e portai genti po calincuna necessidadi apretosa, assodhiri su bestiàmini ispainau Sinonimi e contrari aggodhetonare, ammuntonae, aunire | ctr. iscolletare 2. si sunt aggodhetaos Etimo srd. Traduzioni Francese entasser Inglese to heap Spagnolo amontonar Italiano ammucchiare Tedesco haufen.

aggodhetonàre , vrb Definizione fàere su godhetone, s’eremàgiu o muntone de su laore messau prontu po treulare Sinonimi e contrari afrascalzare, aggodhetare, aggremagliare, apostorzare Etimo srd. Traduzioni Francese entasser Inglese to shock Spagnolo hacer las gavillas Italiano abbicare Tedesco aufschichten.

aggordài , vrb: agodrai, agordai Definizione abbaidare a unu o una cosa po dha tènnere contu chi no apat dannu, chi no che dha furent / èssi agodrau = acordau, pigau a serbidore, a tzeracu Sinonimi e contrari acastiai, agguardai, badrare, chistie, coltoire, cultodiare, tentare Frasi est agordendi una bingixedha ◊ su mortu in campusantu dh'at aggordau s'interramortus ◊ mi podit aggordai custu caboni po cantu abarru ascurtendi sa missa? ◊ tocat de aggordai is montis de arena e àterus logus bellus po chi no s'isderruant ◊ a issu dhu ponint po agodrai is brebeis Etimo itl. guardare Traduzioni Francese garder Inglese to guard Spagnolo guardar Italiano custodire Tedesco bewachen.

aggorgotài , vrb: grogotai Definizione fàere sa moida de s'abba candho proet a meda Sinonimi e contrari abbrubudhai, abbrufulai, acrocuai, aggargalare, borbogliare, froculare, groggolare Traduzioni Francese gargouiller, tomber à verse, gronder Inglese to bubble, to pelt Spagnolo caer fragorosamente la lluvia Italiano scrosciare Tedesco rauschen.

aggortedhài , vrb Definizione púnghere a gurtedhu, a lepedha Sinonimi e contrari apugnalai, arresorzare, istocagiare Etimo srd. Traduzioni Francese frapper à coups de couteau, poignarder Inglese to stab Spagnolo acuchillar Italiano accoltellare Tedesco erstechen.

aggradàe, aggradài, aggradàre , vrb Definizione su si alligrare de calecuna cosa, su ndhe tènnere praxere, pràghere o giare praxere Sinonimi e contrari acaressire, ingajare, aggradèscere, aggradèssere, aggradire, piàchere | ctr. disaggradare, dispiàchere Frasi pitzinna, bella pitzinna, cantu mi ses aggradada! ◊ pro contu meu pensada l'apo gai, chi su chi aggradat no istracat mai (Sotgiu)◊ nos at dadu avertéscia de l'aprontaremus berbeche a budhidu ca s'àtera vorta l'est aggradadu meda Traduzioni Francese aimer Inglese to like Spagnolo gustar Italiano piacére Tedesco gefallen.

aggradèssere, aggradèssi , vrb: gradèssere Definizione àere praxere de calecuna cosa, su si ndhe alligrare Sinonimi e contrari acaressire, aggradae, aggradèscere, aggradire, piàchere / acetai, arriciri | ctr. disaggradare Frasi at aggradéssidu meda sos saludos chi li ant fatu tantu piaghere ◊ contivizu apo a tènnere de ti amare de cantu mi aggradesses e t'istimo (M.Murenu)◊ si cancuna cosa de bonu apu fatu, aggradessimidha! Etimo spn. Traduzioni Francese apprécier Inglese to like Spagnolo agradecer, agradar Italiano gradire Tedesco sich freuen über.

aggradheràre , vrb Definizione fàere a gràdhera, a bocitedhas Sinonimi e contrari abballinare Frasi est fachendhe sucu ma sa símula no bi aggràdherat Etimo srd. Traduzioni Francese faire une boule, bouler Inglese to roll into a ball Spagnolo hacer pelotitas Italiano appallottolare Tedesco zur Kugel rollen, mögen.

aggradíre , vrb Definizione tènnere prexu, abbarrare cuntentos de ccn. cosa Sinonimi e contrari acaressire, aggradae, aggradèscere, aggradèssere, piàchere | ctr. disaggradai Frasi ti pessas chi no mi diat aggradire a bènnere cada die? ◊ nos semus aggradios e nos semus fatos ammoraos ◊ no chirches radichina si ti aggradit su frore Etimo itl. Traduzioni Francese plaire, apprécier Inglese to like Spagnolo agradar Italiano piacére, gradire Tedesco gefallen, sich freuen über.

aggrancàre , vrb Sinonimi e contrari acancarronae, aggranciri, cancarai Etimo srd. Traduzioni Francese rétracter Inglese to numb Spagnolo agarrotar Italiano rattrappire Tedesco verkrampfen.

aggranchizonàre , vrb Definizione fàere totu a tzirbisas s’orrobba, ponendhodha male Sinonimi e contrari acarrongiai, afrascillonai, aggrunciare, ammaugionai, apigiare, arruntzai, atavellai, frongire, granculai, iscrafangiai | ctr. istirai 2. giuchiat su coro aggranchizonatu che melachitontza Etimo srd. Traduzioni Francese froisser, chiffonner Inglese to wrinkle Spagnolo arrugar Italiano sgualcire Tedesco zerknittern.

aggranfàre, aggranfiàre , vrb Definizione pigare e poderare a forte, betare is farrancas, furare Sinonimi e contrari abbrancai, acafai, aciapai, afarcai, afarrancae, aferrai, afuruncai, aggafai, agganciai, aggarrai, agguantai, carrabbusai Frasi milli e milli manos aggranfant barcas de paza subra a s'undha amiga ◊ aggrànfiat su fúbbaru, si ndhe bogat sa patadesa e lu faghet a cantos Traduzioni Francese chaparder, chiper, saisir Inglese to pilfer, to grip Spagnolo ratear Italiano rubacchiare, afferrare Tedesco mausen, ergreifen.

aggrangugliàre , vrb: aggrangulare Definizione pigare a gangas, pònnere is manos istringhendho in su tzugu; rfl. acapiare, istare impare cun chie no si depet, afancedhare Sinonimi e contrari aggangae, aggangulitare, apistijare, apuligare, atuduxare, martinicare, spretzugai, strossai Etimo srd. Traduzioni Francese étrangler Inglese to throttle Spagnolo estrangular Italiano strozzare Tedesco erdrosseln.